Khmer
English
Chinese
Frence
Vietnamese
Thai
ខ្សឹបដាក់ត្រចៀក ៖ ឡៅ តុងហាន លោតឆត្រដឹកគ្រឿងសំណង់ពីវៀតណាមតាមច្រកជ្រៃធំ
ដោយ ៖ សហការី ថ្ងៃទី 02 ធ្នូ 2011ម៉ោង 10:06:25
សម្រាប់ច្រកទ្វេរភាគីជ្រៃធំ លោកឡៅ តុងហាន គឺជា អ្នកដែលដឹកជញ្ជូនគ្រឿងសំណង់មកពីប្រទេសវៀតណាមដ៏ធំជាងគេ ហើយបង់ពន្ធមិនគ្រប់តាមរយៈការឃុបឃិតជាមួយមន្ដ្រីគយ រួមទាំងសមត្ថកិច្ចជាច្រើនស្ថាប័នទៀត ។
លោកផ្កាយ២ ឡៅ តុងហាន ដឹកគ្រឿងសំណង់គ្រប់ប្រភេទពីមុនយកមកស្ដុក ទុកនៅច្រកជ្រៃធំ ប៉ុន្ដែពេលបច្ចុប្បន្ននេះ ដោយសារតែទឹកជន់លិច បានដឹកតាមសាឡង់យកមកដាក់នៅភូមិ-ឃុំទឹកវិល ស្រុកស្អាង ខេត្ដ កណ្ដាល រួចយកឡានធំៗដឹកជញ្ជូនបន្ដយកមកចែកចាយនៅ ក្នុងខេត្ដកណ្ដាល និងរាជធានីភ្នំពេញ ។
ប្រភពឱ្យដឹងថា សមត្ថកិច្ចជាច្រើនស្ថាប័ន ដែលនៅ ច្រកទ្វេរភាគីជ្រៃធំ ត្រូវបានលោកផ្កាយ២ ឡៅ តុងហាន ចាត់ចែងរបបជាប្រចាំ ខែ ដូច្នេះលោកឡៅ តុងហាន មានឱកាសក្នុងការដឹកទំនិញលោតឆត្រ ដែលក្នុង១ ខែៗ ចំណូលពន្ធត្រូវបានបាត់បង់ដោយសារតែក្រុមហ៊ុនដឹកជញ្ជូនគ្រឿងសំណង់នេះ ។ កន្លងទៅនៅពេលដែលឡៅ តុងហាន ដឹកជញ្ជូន គ្រឿងសំណង់ ពាក់ព័ន្ធទៅនឹងការបង់ពន្ធមិនគ្រប់ បែរជាសមត្ថកិច្ចខ្លះ ដែលធ្លាប់បានប្រយោជន៍ពីឡៅ តុងហាន បែរជាបង្វែរថា ការដឹកជញ្ជូនខ្លះយក ទៅកសាងនៅក្នុងអង្គភាពណាមួយ ដែលសុំអនុគ្រោះពន្ធ ប៉ុន្ដែការពិតជារូបភាព ដែលឈ្មួញឡៅ តុងហាន ឃុបឃិតជាមួយមន្ដ្រីគយតែប៉ុណ្ណោះ ។
ការដឹកជញ្ជូនគ្រឿងសំណង់របស់ឡៅ តុងហាន មិនត្រឹមតែសមត្ថកិច្ចអះអាង ថាបង់ពន្ធនាំចូលមិនគ្រប់ប៉ុណ្ណោះទេ រថយន្ដធំៗរបស់គាត់ត្រូវបានផ្ទុកលើសទម្ងន់ បំផ្លាញផ្លូវជាតិ ដែលរូបភាពទាំងនេះកំពុងរងនូវ ការរិះគន់យ៉ាងខ្លាំងពីសំណាក់ប្រជាពលរដ្ឋ ក៏ដូចជាអាជ្ញាធរមូលដ្ឋាន ប៉ុន្ដែលោក ឡៅ តុងហាន ដែលមានតួនាទីធំផងនោះ មិនត្រូវបាននរណាប៉ះពាល់ ឬក៏ទប់ ស្កាត់ទៅលើការដឹកជញ្ជូនផ្ទុកលើសទម្ងន់ ក៏ដូចជាត្រួតពិនិត្យក្នុងការដឹកជញ្ជូន ជាលក្ខណៈលោតឆត្របង់ពន្ធមិនគ្រប់នេះ ។
ប្រសិនបើសមត្ថកិច្ចគយមានចេតនាលុបបំបាត់ការនាំចូលលោតឆត្រ របស់ក្រុមហ៊ុនដឹកជញ្ជូនគ្រឿងសំណង់ឡៅ តុងហាន ដើម្បីប្រមូល ថវិកាជាតិនោះ ក្នុង១ខែៗមន្ដ្រីគយនៅច្រកទ្វេរភាគីជ្រៃធំអាចនឹងដឹងអំពីតួលេខ ច្បាស់លាស់ចំពោះការដឹកជញ្ជូនរបស់ក្រុមហ៊ុននេះ ប៉ុន្ដែមន្ដ្រីគយក៏ដូចជាសមត្ថ កិច្ចជាច្រើនទៀត មិនចង់វាយបំបែកឆ្នាំងបាយរបស់ខ្លួន សុទ្ធតែពាក់ ព័ន្ធទៅនឹងការទទួលលាភសក្ការពីការដឹកជញ្ជូនរបស់ឡៅ តុងហាន ដែលបាន បង់ពន្ធនាំចូលមិនគ្រប់នេះ ៕
.jpg)
