Khmer
English
Chinese
Frence
Vietnamese
Thai
ខ្សឹបដាក់ត្រចៀក ៖ ហេតុអ្វីក្នុងខណ្ឌមានជ័យពោរពេញដោយសំណង់អត់ច្បាប់
ដោយ ៖ សហការី ថ្ងៃទី 06 ធ្នូ 2011ម៉ោង 13:38:55
សំណង់អត់ច្បាប់មានជាច្រើននៅក្នុងខណ្ឌមានជ័យ ដូចជាសង់តាមបណ្ដោយ មាត់ទន្លេបាសាក់ ក្នុងសង្កាត់ច្បារអំពៅ១, ច្បារអំពៅ២, ព្រែកប្រា, ចាក់អង្រែ ក្រោម, ចាក់អង្រែលើ ពិសេសសង្កាត់បឹងទំនប់តាមមាត់បឹងបណ្ដោយផ្លូវលេខ ៣៧១ និងខាងកើតកន្លែងចាក់គំនរសំរាម មានជាផ្ទះល្វែងរបស់ប្រជាពលរដ្ឋ និងឈ្មួញសង់លក់ជាដើម។
ពាក់ព័ន្ធនឹងសំណង់អត់ច្បាប់រីកដុះដាលនេះ មន្ដ្រីសាលាខណ្ឌខ្លះឱ្យដឹងថា ករណី នេះមានតែលោកហៀក ចាន់លាង អភិបាល រងខណ្ឌទទួលផែនដីធ្លី និងសំណង់ និង លោកសាម មួយឃាង ប្រធានការិយាល័យអន្ដរវិស័យប៉ុណ្ណោះដែលដឹង ព្រោះ គាត់មានតួនាទីដ៏សំខាន់ក្នុងការប្រមូលលុយពីសំណង់អត់ច្បាប់នេះមិនបានគិត បញ្ហាដី បឹង ប្រឡាយ ក្លាយទៅជាកម្មសិទ្ធិស្របច្បាប់ឯកជន ការសាងសង់លើ ប្រឡាយលូនេះផង! ។
លោកគួច ចំរើន អភិបាលខណ្ឌមានជ័យ ចាត់ទុក លោកហៀក ចាន់លាង, សាម មួយឃាង ក៏ដូចជាក្មួយប្រសាគាត់ ហឿន ប្រសើរ ជាអ្នកប្រមូលសេដ្ឋកិច្ច ដ៏សំខាន់ ជុំវិញបញ្ហាសំណង់អត់ច្បាប់នេះ បើទោះជាសេវាសាលាខណ្ឌយកតម្លៃ ១០០ដុល្លារសម្រាប់ផ្ទះមួយល្វែង យ៉ាងហោចណាស់ក៏ក្រុមរបស់សម មួយឃាង, ហៀក ចាន់លាង ក៏ដូចជាបក្ខពួករបស់គាត់ដែលជាអ្នកធ្លាប់ទុកចិត្ដគ្នាចេញមុខ រត់ការឯកសារនោះ យកមួយកន្លែងពី៥០០ដុល្លារ-១.០០០ដុល្លារ នេះគិតតែ ទៅលើសំណង់ដែលមានកម្មសិទ្ធិស្របច្បាប់ប៉ុណ្ណោះ ផ្ទុយទៅវិញបើសំណង់ស្ថិត ក្នុងភាពមិនប្រក្រតីវិញ អាចចំណាយច្រើនលើសពីនេះ ។
មន្ដ្រីបានលើកឡើងថា សាលារាជធានីភ្នំពេញ ក៏ដូចជារដ្ឋាភិបាល និងទទួល បន្ទុកដោះស្រាយគោលនយោបាយណាមួយសម្រាប់ប្រជាពលរដ្ឋដែលសង់ផ្ទះអត់ ច្បាប់ ហើយត្រូវសាលារាជធានីភ្នំពេញអភិវឌ្ឍន៍រាជធានីភ្នំពេញត្រូវនឹងលំនៅ ឋានអត់ច្បាប់ប៉ះពាល់នោះ ព្រោះអាជ្ញាធរព្យាយាមទាញយកសេវាបែបនេះខ្លាំង ក្លាបំផុតសម្រាប់ខណ្ឌមានជ័យ ។
ក្នុងសាលាខណ្ឌមានជ័យ លោកអភិបាលគួច ចំរើន ផ្ដល់អទិភាពជ្រុលពេកទៅ លើមន្ដ្រី ដែលពុករលួយដ៏សំខាន់ចំនួន៣រូប ១-ហៀក ចាន់លាង, ២-សាម មួយឃាង និង៣-ហឿន ប្រសើរ បើទោះជាអ្នកទាំងនោះជាប្រភពឆ្នាំងបាយរបស់ ខ្លួនក៏ពិតមែន ប៉ុន្ដែគួរមានការលើកទឹកចិត្ដចំពោះមន្ដ្រីដែលមានឆន្ទៈអនុវត្ដន៍ តាមការណែនាំរបស់លោកអភិបាលរាជធានីភ្នំពេញ និងការងារផ្ទុយទៅវិញក្មួយ ប្រសាគាត់ ហឿន ប្រសើរ ជាជំនួយការចាត់ទុកមន្ដ្រី និងថ្នាក់ដឹកនាំក្នុងខណ្ឌជា អ្នកគ្មានប្រយោជន៍ ហើយសាម មួយឃាង ពូកែធ្វើស្ងាត់ស្ងៀម ប៉ុន្ដែពោរពេញ ដោយល្បិចពិសពុល របៀបស្ងោរសាច់ឱ្យផុយ តែមិនឱ្យក្ដៅទឹក ចំណែកលោក អភិបាលរងហៀក ចាន់លាង មានជំនាញតែរត់ការច្បាប់សាងសង់យកលុយពី សំណង់អត់ច្បាប់តែប៉ុណ្ណោះ និងបន្សល់ទុកនូវការរិះគន់ពីប្រជាពលរដ្ឋក៏ដូចជា ក្រុមឈ្មួញ ៕
.jpg)
