កីឡាករ​បាល់ទាត់​កូនកាត់​ខ្មែរ​​អា​ល្លឺ​ម៉​ង់​ដ៏​ល្បី​ឈ្មោះ​

ដោយ​ ៖ កាំង​ សុធា ថ្ងៃទី 14 ធ្នូ 2011ម៉ោង 13:46:38

យ៉ាង​ហោច​ណាស់​ក៏​មានកូន​ខ្មែរ​ជា​ច្រើន​នាក់​ដែរ​ដែល​បាន​ធំ​ដឹងក្ដី​ឡើង​លើ​ទឹក​​ដី​នៃ​ប្រទេស​​ដែល​មានការ​អភិវឌ្ឍ​លើ​វិស័យ​កីឡា ពិសេស​កីឡាបាល់ទាត់​ ហើយ​​ពួក​គេ​បាន​នឹង​កំពុង​លេង​នៅ​ក្នុង​ក្របខ័ណ្ឌ​ល្បីៗ​​នៅ​ប្រទេស​ទាំងនោះ ​ដូច​ជា​នៅ​​ អា​ល្លឺ​ម៉​ង់​ អូស្ដ្រាលី​ និង​ប្រទេស​មួយ​ចំនួន​ទៀត​។​

តាម​រយៈ​គេហទំព័រ​ wikipedia.com​ បានឱ្យ​ដឹង​ថា​ ឈុ​ន​លី​ ប៉ា​ល​ហ្សែ​ន​ប៊ើ​ក​ (Chhunly​ Pagenburg)​ គេ​មាន​អាយុ​២៤​ឆ្នាំ​ (១០​ វិច្ឆិកា​១៩៨៦)​ កម្ពស់​១,៧៨​ម៉ែត្រ​ ជា​ខ្សែប្រយុទ្ធ​ម្នាក់​មាន​សញ្ជាតិ​ខ្មែរ​ផង​ និង​ ​អា​ល្លឺ​ម៉​ង់​ផង​ ដោយ​មាន​ម្ដាយ​ជនជាតិ​ខ្មែរ​ និង​ឪពុក​ជនជាតិ​អា​ល្លឺ​ម៉​ង់​ ហើយ​បាន​ធំ​ដឹងក្ដី​ឡើង​នៃ​ទីក្រុង​ Nurnberg​ នៃ​ប្រទេស​​អា​ល្លឺ​ម៉​ង់​ ។​ គេ​ចាប់ផ្ដើម​ចូលរួម​ក្នុង​ ក្រុម​​យុវជន​ SB​ Phonix​ Nurnberg​ កាលពី​​ឆ្នាំ​១៩៩៨​ ហើយ​បន្ដ​លេង​ឱ្យ​ក្រុម​យុវជន​ Sp​ Vgg​ Greuther​ Furth​ និង​ 1.FC​ Nuremberg​។

តាម​គេហទំព័រ​ដដែល​បន្ដ​ទៀត​ថា​ ចាប់​​តាំងពី​ឆ្នាំ​២០០៤​ Chhunly​ ចូល​លេង​នៅ​ក្នុង​​​ឈុត​ធំ​របស់​ក្លឹ​ប​នានា​នៅ​អា​ល្លឺ​ម៉​ង់​ដូច​ជា​ក្លឹ​ប​ 1.​ FC​ Nuremberg​ II​ ក្លឹ​ប​ 1.FC​ Nurem​ berg​ ក្លឹ​ប​ Rot-Weib​ Erfurt​ និង​ចាប់ពី​​ថ្ងៃ​ទី​១​ ខែកក្កដា​ ឆ្នាំ​២០១១​ គេ​គឺជា​សមាជិក​ របស់​ក្លឹ​ប​ SV​ Eintracht​ Trier​ ០៥​ នៃ​ RegionalligaWest​ ដែល​ជា​ក្របខ័ណ្ឌ​​លំដាប់​ទី​បួន​របស់​ប្រទេស​អា​ល្លឺ​ម៉​ង់​។​

សូម​បញ្ជាក់​ថា​កាលពី​រដូវ​កាល​ឆ្នាំ​ ២០០៦-​២០០៧​ ដោយ​រូបគេ​បាន​ស៊ុត​បាល់​បញ្ចូល​ទី​មួយ​គ្រាប់​ចំពោះ​ការ​បង្ហាញខ្លួន​១២​​លើក​ ការ​លេង​នៅ​ក្នុង​ក្លឹ​ប​ 1.FC​ Nuremberg​ នៅ​ក្នុង​ក្របខ័ណ្ឌ​កំពូល​ Bundesliga​ អា​ល្លឺ​ម៉​ង់​ ហើយ​ Chhunly​ ក៏​ជា​សមាជិក​ម្នាក់​ដែល​​​បាន​នាំ​ឱ្យ​ 1.FC​ Nuremberg​ ទទួល​បាន​Ban​ DFB​ Pokal​ នា​រដូវ​កាលនោះ​ដែរ​ ដោយ​បាន​ចូល​លេង​ចំនួន​៧​ប្រកួត​និង​ស៊ុត​បាល់​​បញ្ចូល​ទី​បាន​ចំនួន​មួយ​គ្រាប់​។​ មួយវិញទៀត​ Chhunly​ ក៏​ធ្លាប់​ចូល​លេង​ក្នុង​ក្រុម​ជម្រើស​​ជាតិ​យុវជន​អាយុ​ក្រោម​១៩​ឆ្នាំ​ និង​ក្រោម​២០​ឆ្នាំ​របស់​អា​ល្លឺ​ម៉​ង់​ផង​ដែរ​។​ នៅ​ឆ្នាំ​២០០៤​ ក្រុម​យុវជន​អាយុ​ក្រោម​១៩​ឆ្នាំ​អា​ល្លឺ​ម៉​ង់​ចូល​​ទៅ​វគ្គ​ពាក់កណ្ដាល​ផ្ដាច់ព្រ័ត្រ​នៃ​ក្របខ័ណ្ឌ​​ជើងឯក​អឺរ៉ុប​ ដោយ​ Chhunly​ លេង​បាន​៥​​ប្រកួត​ និង​ស៊ុត​បាល់​បញ្ចូល​ទី​មួយ​គ្រាប់​​ ៕

Club​ information:

Current​ club​: ​SV​ Eintracht​ Trier​ 05

Youth​ career:

1998​: ​SB​ Phönix​ Nuremberg

1998-1999: ​SpVgg​ Greuther​ Fürth

1999–2005: ​1.​ FC​ Nuremberg

Senior​ career:

2004–2007​: ​1.​ FC​ Nuremberg​ II  56​ ​(21)

2006–2007:​ ​1.​ FC​ Nuremberg 12​ ​(1)

2008:​ ​TSV​ 1860​ Munich 5​ ​(0)

2008:​ ​TSV​ 1860​ Munich​ II 8​ ​(2)

2008–2009​: ​1.​ FC​ Nuremberg​ II 10​ ​(2)

2008–2009​: ​1.​ FC​ Nuremberg 2​ ​(0)

2009–2011:​ ​FC​ Rot-Weiß​ Erfurt 33​ ​(5)

2011–​    ​SV​ Eintracht​ Trier​ 05 0​ ​(0)

National​ team:

2004–2005​: ​Germany​ U-19​ ​5​ ​(1)

2005:​ ​Germany​ U-20​ ​1​ (0)

​