Khmer
English
Chinese
Frence
Vietnamese
Thaiតារាភាពយន្តល្បីល្បាញចិនចូលទៅក្នុងហូលីវូត
ដោយ ៖ |ថ្ងៃទី 23 ធ្នូ 2011 ម៉ោង 12:14:12
តារាភាពយន្ដណាក៏ស្រមៃចង់ចូលខ្លួនទៅក្នុងក្រុមហ៊ុនផលិតខ្សែភាពយន្ដល្បីល្បាញរបស់អាមេរិកាំង “ហូលីវូត” ដែរព្រោះវាជួយឱ្យគេបានល្បីឈ្មោះជាអន្ដរជាតិផងនិងមានចំណូលខ្ពស់ផង។ ចំពោះតារាភាពយន្ដចិនមានច្រើននាក់បានចូលទៅហូលីវូត ក៏ប៉ុន្ដែបើនិយាយពីតារាស្រីវិញ គឺមានតែ៥នាក់ប៉ុណ្ណោះដែលកេរ្ដិ៍ឈ្មោះរបស់គេបានស្ទុះឡើងនៅលើឆាកអន្ដរជាតិនោះគឺ Joan Chen - Michelle Yeoh -Zhang Ziyi-Gong Li និង Lucy Liu ។ ការពិតវាមិនត្រឹមតែមានរូបសម្ជស្សស្រស់ស្អាតប៉ុណ្ណោះទេ តែតារាទាំងនោះមានទេពកោសល្យ មានចំណេះវិជ្ជាខាងសម្ដែងភាពយន្ដនិងខាងតន្ដ្រីច្បាស់លាស់និងមានវិជ្ជាគុនទៀតផង ដែលទាំងអស់គឺជាមូលដ្ឋានធំបំផុតក្នុងការធ្វើឱ្យទស្សនិកជនចាប់អារម្មណ៍និងគាំទ្រ ។
យើងសូមបង្ហាញជូនស្នាដៃនៃតារាភាពយន្ដស្រីទាំង៥នាក់ដូចតទៅ7
១. ជាន់ ចេន(Joan Chen)
Joan Chen កើតនៅសៀងហៃ ហើយបានជោគជ័យនៅហូលីវូត។ ជាន់បានសម្ដែងតួធំក្នុងរឿង The Last Emperer និងរឿង Twin Peak ហើយនៅឆ្នាំ២០០៧ ថតរឿង The Home Song Storie... និងរឿង Tonight at Noon ។ នាងជាន់ក៏ទទួលបានពានរង្វាន់យ៉ាងច្រើនដោយចាប់ ផ្ដើមសំដែងលើកដំបូងនៅឆ្នាំ ១៩៧៩ ។
២. មីសែល យ៉េវ (Michelle Yeoh)
កើតនៅឆ្នាំ១៩៦២ នៅប្រទេសម៉ាឡេស៊ី តែដើមកំណើតនាងជាជនជាតិចិន ។ នាងជាអ្នកពូកែខាងរាំច្រៀង។ មីសែលគឺជាតួស្រីដ៏មានប្រជាប្រិយដែលចេះសម្ដែងចម្លែកៗ ហើយកេរ្ដិ៍ឈ្មោះល្បីរន្ទឺនៅដើមឆ្នាំ១៩៩០ ។ នាងត្រូវបានទស្សនារដ្ដីប្រជាជនជ្រើសរើសជាស្រីស្អាតម្នាក់ក្នុងចំណោមស្រីស្អាតទាំង៥០នាក់(១៩៩៧) ។ នៅឆ្នាំ១៩៩៧ រូបរាងនាងលេចនៅក្នុងរឿង James Bond, រឿង Crouching Tiger Hidden Dragon ដែលតាមរយៈនេះនាងត្រូវបានជ្រើសរើសជាតារាភាពយន្ដស្អាតបំផុត ។
៣. ហ្យាងហ្យីយី (Zhang Ziyi)
ហ្យាងហ្យីយី កើតនៅឆ្នាំ១៩៧៩ នៅប្រទេសចិន ។ នាងជាកូនគ្រូបង្រៀនផងនិងជាអ្នកសេដ្ឋកិច្ចផង ។ ហ្យាងមានសញ្ញាប័ត្រខាងសិល្បៈនៅប្រទេសចិន (Central Academy of Drama) ។ នាងមានរូបសម្ជស្សស្រស់ស្អាត និងមានទេពកោសល្យសំដែងខ្ពស់ ជាពិសេសចំណេះវិជ្ជាក្បាច់គុន ។ អ្វីដែលរុញឈ្មោះនាងឱ្យខ្ពស់ដំបូងគេគឺនាងបានដើរតួជាចេន(Jen) នៅក្នុងរឿង “Crouching Tiger Hidden Dragon” ហើយេដាយសារតួនាទីនេះ នាងហ្យាងទទួលបានពានរង្វាន់យ៉ាងច្រើនពីសមាគមនៅអាមេរិក និងនៅកាណាដា ។ លើកក្រោយគេឃើញ Zhang ដើរតួនៅក្នុងរឿង “Rush Hour” រួមជាមួយ Jackie Chan ។
៤. Lucy Liu (រូបខាងស្ដាំ)
អ្នកដែលនិយមមើលខ្សែកាប ច្បាស់ជាជួបប្រទះនាង Lucy Liu ជាពុំខាន ។ នាងសំដែងរឿងជាច្រើននៅក្នុងក្រុមហ៊ុនហូលីវូត ដូចជារឿង Ally McBeal (1998-2002) រឿង Chalie´s Angel - Alex Mon day ក៏ដូចជារឿង Kun Fu Panda ដែលភាគច្រើននៃរឿងសុទ្ធតែជារឿងវៃតប់ បង្ហាញក្បាច់គុន ដែលសិល្បៈគុននេះនាងចេះពីប្រទេសចិន ។ នាង Lucy Liu គឺជាតារាភាពយន្ដអាមេរិកាំង ដែលមានដើមកំណើតពីប្រទេសចិន ។ មុនដំបូង Lucy Liu មានតួនាទីតិចតួចនៅក្នុង TV តែបន្ទាប់មកបានហក់ចូលក្នុងហូលីវូត ។
៥. ហ្គុងលី (Gong Li)
ហ្គុងលីកើតនៅប្រទេសចិន បន្ទាប់ពីជោគជ័យនៅក្នុងស្រុកហើយក៏ហក់ចូលក្នុងហូលីវូតតែម្ដង ។ នាងបានក្លាយជាតារាស្រីល្បីឈ្មោះក៏ព្រោះតែរឿង Raise the Red Lantern និងរឿង Story of Oiu Ju ហើយជាប់ឈ្មោះជា ”តារាស្រីស្រស់ស្អាតបំផុតនៅឆ្នាំ១៩៩២ ” ។ ឈ្មោះនាងល្បីល្បាញនៅលើឆាកអន្ដរជាតិក៏ព្រោះតែនាងដើរតួរឿងជាច្រើន ។ នៅឆ្នាំ២០០៥ ហ្គុងលី បានថតឱ្យក្រុមហ៊ុនអង់គ្លេសជាលើកដំបូងដោយដើរតួជា Hatsumomo ក្នុងរឿង “Memoir of Geisha” ។ នាងទទួលបានពានរង្វាន់ យ៉ាងច្រើនពីគ្រប់ស្ថាប័នភាពយន្ដ ។
