Khmer
English
Chinese
Frence
Vietnamese
Thai
សំនួរ និង ចំលើយ អំពីសិច
ដោយ ៖ ថ្ងៃទី 23 ធ្នូ 2011ម៉ោង 13:05:59
សំណួរៈ កាលពីពីរខែមុនខ្ញុំឈ្លោះទាស់ទែងគ្នាជាមួយនឹងមិត្ដប្រុសរបស់ខ្ញុំដោយសារតែខ្ញុំបានដឹងថាគេក្បត់ចិត្ដខ្ញុំលួចទៅមានស្រីថ្មី ។ បន្ទាប់មកគេក៏បានសុំទោសខ្ញុំ ហើយបានស្បថស្បែថាគេដឹងខ្លួនហើយព្រមទាំងបានសន្យាឈប់ប្រព្រឹត្ដអំពើខុសឆ្គងបែបនេះហើយ ក៏ប៉ុន្ដែខ្ញុំមិនជឿពាក្យបោកប្រាស់របស់គេទេ។ ប៉ុន្ដែបញ្ហាដែលលំបាកនោះគឺនៅពេលយើងបានជួបមុខគ្នាម្ដងៗបន្ទាប់ពីងង៉ក់ ដាក់គ្នាអស់ជាច្រើនថ្ងៃនោះអ្វីៗត្រូវបានបញ្ចប់ដោយការរួមភេទយ៉ាងស្រើបស្រាលជាទីបំផុត។ អ្វីដែលគួរឱ្យរឹះគន់នោះគឺមកពីខ្ញុំមានចំណុចខ្សោយ ដោយខ្ញុំមិនអាចអត់ទ្រាំបាននៅពេលឃើញមុខគេម្ដងៗព្រោះមិត្ដប្រុសរបស់ខ្ញុំគឺជាកំពូលបុរសដែលពូកែខាងរឿងរ៉ាវលើគ្រែ ទោះជាស្រីណាក៏ដោយក៏មិនងាយនឹងហ៊ានលះបង់គេដោយងាយៗដែរ តើខ្ញុំគួរធ្វើយ៉ាងណាដើម្បីឃ្លាតចាកចេញឱ្យផុតពីអន្ទាក់ស្នេហ៍របស់ប្រុសចិត្ដសាវាម្នាក់នេះ?
នគរវត្ដៈ អ្វីដែលអ្នកបានរ៉ាយរ៉ាប់នោះគឺពិត ជាមានសារៈសំខាន់និងគួរឱ្យបន្ទោសជាទីបំផុតដោយសារតែអ្នកមិនអាចប្រកែកជាមួយនឹងអន្ទាក់ស្នេហាដ៏ក្ដៅរោលរាលរបស់គេ។ ដំណាក់កាលដោះស្រាយមានតែពរីយ៉ាងគត់ដែលអ្នកត្រូវជ្រើសរើស។ ទីមួយគឺគួរ សម្រេចចិត្ដរស់នៅជាមួយប្រុសចិត្ដសាវាពូកែក្បត់ចិត្ដក៏ព្រោះតែគេពូកែប៉ិនប្រសប់ក្នុងល្បែងស្នេហា និងទីពីរគួរស្វែងរកមិត្ដប្រុសដែលមានភក្កីភាព និងគោរពកោតក្រែងដល់រូបអ្នក។ អ្នកដឹងថាបុរសដែលពូកែប្រសព្វក្នុងរឿងស្នេហាមិនមែនមានតែមិត្ដប្រុសរបស់អ្នកតែម្នាក់នោះទេ អ្នកគួរសេពគប់រកបុរសដែលមានចិត្ដភក្ដី និងស្រលាញ់គោរពរូបអ្នកទើបជាប្រការដ៏ប្រសើរ។ ធម្មតាមនុស្សដែលមានការចេះដឹងច្រើនគេពិតជាមិនល្ងង់ខ្លៅនៅក្នុងល្បែងស្នេហានៅលើគ្រែនោះឡើយ។ ម្យ៉ាងទៀត ការស្វែងរកបទពិសោធន៍រួមគ្នាការស្រលាញ់គ្នាទៅវិញទៅមកយ៉ាងខ្លាំងក្លាពិតជាអាចជួយអោយអ្នកទាំងពីរអាចស្គាល់នូវរសជាតិស្នេហាមួយដ៏ស្រើបស្រាលអសា្ចរ្យ ដែលកត្ដាសំខាន់នោះគឺការយល់ចិត្ដគ្នាបានស៊ីជម្រៅទើបការរួមភេទអាចមានន័យស្រើបស្រាលខ្លាំងក្លានិងស្ថិតស្ថេរបានយូអង្វែង។ ហេតុដូច្នេះហើយអ្នកគួរតែមានទំនាក់ទំនងឱ្យជាប់លាប់ជាមួយនឹងប្រុសម្នាក់ដែលស្រឡាញ់អ្នកដោយចិត្ដស្មោះដោយកុំគប្បីអោយចិត្ដចង់ត្រេកត្រអាលក្នុងផ្លូវកាមគុណជាមួយនឹងប្រុសសាវាម្នាក់នោះ។ គេអាចនិងនាំរោគសង្គមនិងជំងឺអេដស៍មកចម្លងដល់អ្នកនៅថ្ងៃណាមួយជាក់ជាពុំខាន់។ ចូរចាំទុកថាការសប្បាយស្រើបស្រាលក្នុងផ្លូវកាមគុណមិនមែនមានន័យថាអ្នកមានស្នេហ៍បរិសុទ្ធនោះទេ។
សំណួរៈ ខ្ញុំទើបតែបានធ្វើអូរ៉ាល់សិចជាមួយនឹងមិត្ដប្រុសរបស់ខ្ញុំ ហើយបន្ទាប់ពីការធ្វើអូរ៉ាល់សិចម្ដងៗខ្ញុំតែងតែមានអារម្មណ៍ថាបំពងករបស់ខ្ញុំរាងស្អិតៗ តឹងណែនហាក់ដូចជាមានអ្វីត្រូវស្លាក់ទើសនៅក្នុងនោះយ៉ាងដូច្នោះ ដោយមិនដឹងថាបណ្ដាលមកពីមូលហេតុអ្វីឡើយ។ ខ្ញុំតែងតែចំណាំថាក្រោយពេលធ្វើអូរ៉ាល់សិចខ្ញុំមានអារម្មណ៍បែបនេះដែលជួនកាលបំពងកខ្ញុំឡើងស្អិតហើយស្ងួតទាល់តែក្អកកណ្ដាស់។ ពិតជាសោកស្ដាយណាស់ដែលបានជ្រុលជ្រួសមានកំំហុសឆ្គងបែបនេះ តើខ្ញុំគួរគិតសម្រេចចិត្ដបែបណាទៅ? តើខ្ញុំគួរបន្ដធ្វើអូរ៉ាល់សិចឱ្យមិត្ដប្រុសរបស់ខ្ញុំទៀតដែឬទេ?
នគរវត្ដៈ ចូរចាំទុកថាអូរ៉ាល់សិច មិនមែនជាទង្វើដ៏ល្អប្រសើរសម្រាប់មនុស្សគ្រប់គ្នាទេ។ មានបុគ្គលមួយចំនួនមិនបានឆ្អែតស្កប់ស្កល់ក្នុងផ្លូវកាមគុណដោយសារការធ្វើអូរ៉ាល់សិចនោះទេ។ ចំណែកបុគ្គលមួយចំនួនទៀតបានយល់ថាអូរ៉ាល់សិចពិតជាគាប់ប្រសើរខ្លាំងណាស់ ព្រោះងាយឱ្យឆាប់ស្រើបស្រាល មិនបង្កឱ្យមានផ្ទៃពោះនិងមិនសូវភ័យខ្លាច់និងការចម្លងជម្ងឺផ្សេងៗផង។ និយាយតាមត្រង់ទៅគឺអ្នកពិតជាស្រឡាញ់បុរសម្នាក់នោះខ្លាំងណាស់បានជាសុខចិត្ដធ្វើអូរ៉ាល់សិចឱ្យគេរាល់ដងទោះបីជាខ្លួនមានអារម្មណ៍មិនស្រួល ឬក៏ខ្ពើមឆ្អើមក៏ដោយក៏អ្នកនៅតែស៊ូទ្រាំបំពេញចំណង់ឱ្យគេជានិច្ច។ អ្វីដែលធ្វើឱ្យអ្នកមានអារម្មណ៍ថាស្អិតៗណែនស្លាក់ត្រង់បំពងកនោះមិនមែនជាជម្ងឺ ឬជាអាការៈរលាកដែលនាំបណ្ដាលឱ្យប៉ះពាល់ដលបំពងករបស់អ្នកនៅពេលអ្នកធ្វើអូរ៉ាល់សិចម្ដងៗឱ្យបុរសម្នាក់នេះទេ។ តាមពិតទៅនោះជាបញ្ហាចិត្ដសាស្ដ្រដែលស្ដែងចេញនូវការពិត។ ការមានអារម្មណ៍ខុសឆ្គងការខ្ពើមឆ្អើមឬក៏ឆ្ពើមតែម្ដងដែលជួយឱ្យនាងដកខ្លួនពីអំពើអាក្រក់នេះបាន។ ហេតុដូច្នេះ ល្មមដល់ពេលដែលទទួលស្គាល់ការពិតថា អ្នកមិនចូលចិត្ដធ្វើអូរ៉ាល់សិចឱ្យមិត្ដប្រុសទេ ដែលទាមទារឱ្យអ្នកសារភាពការពិតដល់គេឱ្យបានច្បាស់និងមិនត្រូវបង្ខំចិត្ដធ្វើបន្ដទៀតឡើយ។ តោងចេះពន្យល់គេឱ្យយល់ច្បាស់អំពីអារម្មណ៍របស់អ្នក ហើយអ្នកក៏មិនបាច់ខ្វល់បារម្ភច្រើនខ្លាចគេអន់ចិត្ដនឹងអ្នកនោះទេព្រោះវិធីរួមភេទមានច្រើនបែបច្រើនយ៉ាងណាស់ដែលអាចធ្វើឱ្យមានភាពស្រៀវស្រើបខ្លាំងជាងធ្វើអូរ៉ាល់សិច។ តែអ្នកគួរគិតដល់សុវត្ដិភាពផ្ទាល់ខ្លួន ដោយសូមកុំភ្លេចប្រើស្រោមអនាម័យនៅពេលរួមភេទម្ដងៗ ៕
