Khmer
English
Chinese
Frence
Vietnamese
Thaiរឿង“ស្នេហ៍គ្រាដំបូង”ត្រៀមដាក់បញ្ចាំង
ដោយ ៖ វឌ្ឍនា|ថ្ងៃទី 13 មករា 2012 ម៉ោង 09:28:25
ភ្នំពេញ ៖ រឿង “ស្នេហ៍គ្រាដំបូង” ជា ស្នាដៃផលិតរបស់ផលិតកម្ម SRGB Media ប្រកបដោយបច្ចេកវិទ្យាទំនើប និងអ្នកដឹកនាំផលិតប្រកបដោយគំនិត ច្នៃប្រឌិតខ្ពស់នឹងចាប់ផ្ដើមចាក់បញ្ចាំងចាប់ពីថ្ងៃទី២១ខែមករាឆ្នាំ២០១២ខាងមុខនៅរោងភាពយន្ដចេនឡា បន្ទាប់ពី ការរៀបចំផលិតអស់រយៈពេល៦ខែមក នោះ ។ ខ្សែភាពយន្ដនេះក៏នឹងត្រូវបាន គេរំពឹងដែរថាអាចក្លាយជាខ្សែភាពយន្ដខ្នាតធំដើមឆ្នាំ២០១២ដែលអាចទំនាញបានការចាប់អារម្មណ៏ខ្ពស់ពីទស្សនិកជន ពិសេសក្នុងចំណោមស្រទាប់យុវវ័យ ។
“ស្នេហ៍គ្រាដំបូង”ចូលរួមសម្ដែង ដោយតារាប្រុសស្រីដែលមានរូបសម្ពស្ស ស្រស់សង្ហានិងស្រស់សោភាប្រកបដោយសមត្ថភាពខ្ពស់ដូចជា លោក អ៊ុន សុធា កញ្ញា ហ៊ុយ ច័ន្ទរាជនី ដែលជាម្ចាស់ជ័យ លាភី Freshie Girl ចំណាត់ថ្នាក់លេខ១ ប្រចាំឆ្នាំ២០១១ កញ្ញា ឌុច លីដា និងតារា ក្មេងចាស់ប្រុសស្រីប្រមាណជាង៤០នាក់ផ្សេងទៀត ។
លោក ម៉ៅ រតនា ចាងហ្វាងផលិត កម្ម SRGB ប្រាប់នគរវត្ដថា ទាំងការ និពន្ធដឹកនាំរឿង ការជ្រើសរើសតួសម្ដែង ការជ្រើសរើសប្លង់ថតគឺធ្វើឡើងដោយ ប្រុងប្រយ័ត្ននិងយកចិត្ដទុកដាក់ខ្ពស់ បំផុតពិសេសគឺឧបករណ៍ផលិតទំនើបទាន់ សម័យ ។ លោកប្រាប់ថា ខ្សែភាពយន្ដ នេះនិពន្ធដោយលោក ពៅ កត្យា និងកែ សម្រួលដោយលោក សុវណ្ណ សរ័ត្ន (អេម) ដឹកនាំផលិតដោយលោកលាង ជូអ៊ី ជាកូនខ្មែរអាមេរិកដែលបានបញ្ចប់ ការសិក្សាផ្នែកផលិតភាពយន្ដនៅសហ រដ្ឋអាមេរិក និងថតដោយ កាមេរ៉ា 5D ឌីជីថលទំនើបដែលអាចផ្ដិតយករូប ភាពច្បាស់ត្រជាក់ភ្នែក ។
បើទោះបីជា ស្ថិតក្នុងបរិបទដែលវិស័យភាពយន្ដខ្នាតធំហាក់មិនសូវមានសន្ទុះជឿនលឿន យ៉ាងណាក៏ដោយក៏ចាងហ្វាងផលិតកម្មមួយនេះបានបង្ហាញពីជំហរក្នុងការចូល រួមលើកស្ទួយវិស័យសិល្បៈភាពយន្ដ តាមរយៈការបង្កើតស្នាដៃនេះឡើង ។ លោកប្រាប់ថា“ខ្ញុំចង់ឱ្យទស្សនិកជនគាំទ្រកុនខ្មែរឡើងវិញ ដោយបង្ហាញពួកគាត់ នូវខ្សែភាពយន្ដប្រកបដោយគុណភាព និងគំនិតច្នៃប្រឌិតព្រមទាំងការអភិវឌ្ឍ ខ្ពស់ ដែលរូបភាពដូចប្រទេសសិង្ហបុរី និងហុងកុងដែរ ”។ ក្រៅពីនេះលោកក៏ចង់ បង្ហាញពីស្នាដៃច្នៃប្រឌិតនិងបច្ចេកវិទ្យាទំនើបរបស់RGBដែលអាចធ្វើបានគ្រប់បែបយ៉ាងទាំងការផលិតខ្សែភាពយន្ដ ឈុតផ្សព្វផ្សាយពាណិជ្ជកម្មបទចម្រៀង ខារ៉ាអូខេថតរូបជាដើម ។
លោកបន្ដទៀតថា ខ្សែភាពយន្ដនេះ ចង់បង្ហាញតថភាពពិតក្នុងសង្គមដែលចម្រុះដោយគ្រប់ជាតិសាសន៍និងបង្ហាញពីអារម្មណ៍របស់មនុស្សដែលមានស្នេហាគ្រាដំបូង ពិសេសគឺចង់អប់រំដល់យុវជន ឱ្យចេះគិតគូរឱ្យបានវែងឆ្ងាយមុននឹង សម្រេចចិត្ដប្រឡូកក្នុងរឿងស្នេហា គឺចង់ ឱ្យយុវជនត្រូវមានការងារអាជីពច្បាស់លាស់មុនពេលមានស្នេហា ។ លោក ប្រាប់ថា “យើងមិនចង់បំពុលបរិយា កាសនិងចង់ឱ្យយុវជនយល់ឱ្យបានច្បាស់ពីអត្ថន័យនៃពាក្យថាស្នេហា” ។
លោកបញ្ជាក់ផងដែរថា នៅក្នុងព្រឹត្ដិ ការណ៍បើកសម្ពោធខ្សែភាពយន្ដនេះក៏នឹងមានព្រឹត្ដិការគួរឱ្យចាប់អារម្មណ៍មួយ ចំនួនទៀតដូចជាកម្មវិធីរបស់ម្ចាស់ ឧបត្ថម្ភនានា ហើយរាល់សំបុត្រដែល បានទិញគឺភ្ជាប់ជាមួយបណ្ណបញ្ចុះតម្លៃសម្រាប់ការថតរូបនៅហាងថតរូបអ្រពផងដែរ ។
បន្ទាប់ពីផលិតខ្សែភាពយន្ដនេះចប់ ផលិតកម្មរបស់លោកក៏មានគម្រោង ផលិតខ្សែភាពយន្ដថ្មីៗបន្ថែមទៀតរួមទាំងភាពយន្ដភាភសម្រាប់ទូរទស្សន៍ផងដែរ ដែលពេលនេះក្រុមការងារលោកកំពុង រៀបចំទទួលពាក្យជ្រើសរើសតួសម្ដែង រឿងថ្មី ។ តាមរយៈការផលិតភាពយន្ដ នេះលោករំពឹងថានឹងទទួលបានការគាំទ្រច្រើនពីទស្សនិកជនហើយវាគឺជាកម្លាំងចិត្ដក្នុងការផលិតខ្សែភាពយន្ដក្រោយៗបន្ដទៀត ៕
