Khmer
English
Chinese
Frence
Vietnamese
Thaiកូរ៉េខាងជើងជំពាក់បំណុលបរទេស២០ពាន់លានដុល្លារ
ដោយ ៖ សាធី|ថ្ងៃទី 19 មករា 2012 ម៉ោង 14:45:50
ក្រៅពីសំណើសងបណ្ដើរៗរយៈ៣០ឆ្នាំ កូរ៉េខាងជើងបានស្នើឱ្យប្រទេសមួយចំនួន ទៀតលុបចោលប្រាក់បំណុល ឬក៏ឯកភាពសងបំណុលតាមរយៈដោះដូរជាមួយយិនស៊ិន ។
គេហទំព័រ Chosun Ilob បានផ្សព្វ ផ្សាយថ្ងៃទី១៩ មករាថា កូរ៉េខាងត្បូងបាន ប៉ាន់ប្រមាណពីប្រាក់បំណុលបរទេសរបស់ កូរ៉េខាងជើងនាពេលបច្ចុប្បន្ន គឺ២០ពាន់ ដុល្លារ ភាគច្រើនគឺបុលពីបណ្ដាប្រទេស អតីតសហភាពសូវៀត និងអឺរ៉ុបខាងកើត មុនពេលទីក្រុងប៊ែកឡាំង ដួលរលំនៅឆ្នាំ១៩៨៩ ។
ចាប់តាំងពីឆ្នាំ២០០០ទីក្រុងព្យុងយ៉ាង បានពិភាក្សាជាមួយម្ចាស់បំណុលដើម្បី ទូទាត់បណ្ដើរៗក្នុងរយៈពេល៣០ឆ្នាំ ។ កូរ៉េខាងជើងធ្លាប់បានស្នើប្រទេសហុងគ្រី លុបចោលប្រាក់បំណុលចំនួន៩០ភាគរយ នៅពេលដែលមានវិបត្ដិសេដ្ឋកិច្ចនៅឆ្នាំ ២០០៨ ។ គេហទំព័រ Financial Times បានផ្សព្វផ្សាយថា ប្រទេសហុងគ្រីបាន ឯកភាពលុបចោលប្រាក់បំណុលតែមួយ ភាគប៉ុណ្ណោះ ។
ក្រៅពីនេះទីក្រុងព្យុងយ៉ាង ក៏បានស្នើ ឱ្យប្រទេសសាធារណរដ្ឋឆែក លុបចោល ប្រាក់បំណុល៩៥ភាគរយ ក្នុងចំណោម ប្រាក់បំណុល១០លានដុល្លារ និងស្នើសង ៥សែនដុល្លារតាមរយៈផ្ដល់ជូនយិនស៊ិន វិញ ។ ក្នុងពេលជាមួយគ្នានោះ ទីក្រុង ព្យុងយ៉ាង ក៏កំពុងតែពិភាក្សាជាមួយប្រទេសអ៊ីរ៉ង់ ក្នុងការសងបំណុលរាប់រយលានដុល្លារតាមរយៈកិច្ចព្រមព្រៀងទិញនាវាមុជទឹកធុនតូចរបស់អ៊ីរ៉ង់ ។
រុស្ស៊ី បានឯកភាពលុបចោលប្រាក់ បំណុលប្រមាណ៨ពាន់លានដុល្លារឱ្យទៅ កូរ៉េខាងជើង ដោយសារតែទំនាក់ទំនងប្រទេសទាំង២មានភាពល្អប្រសើរ ក៏ដូចជាស្វែងរកកិច្ចសហប្រតិបត្ដិការជាមួយកូរ៉េខាងជើងអភិវឌ្ឍន៍ថាមពល ៕
.jpg)
