ព្រី​យ៉ង់​កា​ ​ឆប​ប្រា​ ជាប់​ឈ្មោះ​ជានា​រី​ស្លៀកពាក់​ស្អាត​បំផុត​របស់​ទស្សនាវដ្តី​ People

ដោយ​ ៖ សុខណា ថ្ងៃទី 21 មករា 2012ម៉ោង 09:55:28

តារា​ស្រី​បូ​លី​វូ​ត​ ឈ្មោះ​ ព្រី​យ៉ង់​កា​ ឆប​ប្រា​ ត្រូវ​បាន​ជាប់​ឈ្មោះ​ជា​ស្រី​ដែល​តុបតែង​ខ្លួន​បាន​ស្អាត​បំផុត​នៅ​ឥណ្ឌា​ ក្នុង​ទស្សនាវដ្ដី​ People ​។​

​អតីត​កញ្ញាឯក​ពិភពលោក​ អាយុ​២៩​ឆ្នាំ​ រូប​នេះ​ បាន​ធ្វើ​ឱ្យ​គេ​មានការ​​ចាប់អារម្មណ៍​ទៅ​លើ​ការ​បង្ហាញ​ស្ដាយ​នៃ​ការ​តុបតែង​ខ្លួន​របស់​នាង​ ដោយ​នាង​បាន​និយាយ​ថា​ គ្រឿង​តុបតែង​ខ្លួន​ដែល​សំខាន់​បំផុត​សម្រាប់​នាង​ គឺ​ត្រូវធ្វើ​យ៉ាងណា​ឱ្យ​ខ្លួន​នាង​មាន​ភាព​ថ្លៃថ្នូរ​ ។​

​នាង​ថា​ “​ខ្ញុំ​តុបតែង​ខ្លួន​ថ្លៃថ្នូរ​ ខ្ញុំ​ពិតជា​មាន​អារម្មណ៍​រំភើប​ណាស់​ ពីព្រោះ​ខ្ញុំ​មិន​ធ្លាប់​គិត​ថា​ ខ្ញុំ​បាន​ជាប់​ឈ្មោះ​បែប​នេះ​ទេ​”​ ។​

​ឆប​ប្រា​ បាន​ត្រៀម​នឹង​ដើរ​នៅ​លើ​កម្រាលព្រំ​នៅ​ Manish​ Malholtra​ ក្នុង​កម្មវិធី​បង្ហាញ​រថយន្ដ​ Mercedes-Benz​ Best​ Dressed​ Show​ 2011​ ដើម្បី​ប្រារឰ​ពិធី​បង្ហាញ​ក្នុង​ទស្សនាវដ្ដី​លេខ​ពិសេស​មួយ​ ។​

​ព្រី​យ៉ង់​កា​ ឆប​ប្រា​ កើត​នៅ​ថ្ងៃ​ទី​១៨​ ខែកក្កដា​ ឆ្នាំ​១៩៨២​ ក្នុង​ក្រុម​​គ្រួសារ​ Capt.​ Dr.​ Ashok​ Chopra​ និង​ Dr.​ Madhu​ Chopra​ ។​ នាង​ទទួល​បានការ​សិក្សាអប់រំ​ខុស​ប្លែក​ពី​គេ​ ។​ នាង​បាន​ចាប់ផ្ដើម​សិក្សា​នៅ​វិទ្យាល័យ​សម្រាប់​សិស្ស​ស្រី​ដែល​មានឈ្មោះ​ថា​ La​ Martinière ​ដែល​ស្ថិត​នៅ​ Lucknow​ ដោយ​នាង​ស្នាក់​នៅ​កន្លែង​និស្សិត​ ។​ នាង​បាន​​ស្នាក់​នៅ​ Maria​ Goretti​ College​ ដែល​ស្ថិត​នៅ​ Bareilly​ ក្នុង​រយៈ​​ពេល​ខ្លី​ ដើម្បី​រៀបចំ​ការ​សិក្សា​បន្ថែម​ទៅ​អនាគត​នៅ​សហរដ្ឋអាមេរិក ​។​ នាង​បាន​បញ្ចប់​ការ​សិក្សា​ថ្នាក់​ទី​១០​នៅ​ Boston,​ Massachusetts,​ USA​ ។​ ហើយ​នាង​បាន​សម្រេចចិត្ដ​រៀន​ផ្នែក​វិស្វកម្ម​ Software​ ឬ​ក៏​​អ្នក​ចិត្ដសាស្ដ្រ​ផ្នែក​ឧក្រិដ្ឋកម្ម​ ។​

​នាង​ចូល​ចិត្ដ​បទ​ចម្រៀង​ និង​ក្បាច់​រាំ​ឥណ្ឌា​ ហើយ​នាង​ក៏​ពូកែ​ក្នុង​ការ​​និពន្ធ​ ព្រមទាំង​ការ​សរសេរ​រឿង​ខ្លី​ផ្សេងៗ​ ។​ នាង​តែងតែ​អាន​សៀវភៅ​​ ជា​ពិសេស​សៀវភៅ​ដែល​ស្ដី​ពី​ជីវប្រវត្ដិ​ ។ ​លើស​ពី​នេះ​ នាង​ក៏​បាន​ចូល​​ធ្វើការ​ក្នុង​កម្មវិធី​ជួយ​សង្គ្រោះ​សង្គម​ជា​ច្រើន​ដែរ​ ។​ នាង​តែង​មាន​បំណង​ចង់​ធ្វើ​ជាតា​រា​ បន្ទាប់​ពី​បញ្ចប់​ការ​សិក្សា​ ។​ នាង​គឺជា​អ្នក​ដែល​គាំទ្រ​វិស័យ​ភាពយន្ដ​ និង​មានចិត្ដ​ចង់​ចូលរួម​ក្នុង​វិស័យ​សិល្បៈ​ប្រសិនបើ​មានឱកាស​ល្អ​មក​ដល់​ ។​

​នៅ​ក្នុង​ឆ្នាំ​ ២០០០​ នាង​បាន​ត្រលប់​ទៅ​​ប្រទេស​ឥណ្ឌា​វិញ​ ហើយ​បាន​ចុះ​ឈ្មោះ​នៅ​សា​​លា​ Jai​ Hind​ និង​វិទ្យាស្ថាន​វិទ្យាសាស្ដ្រ​ Pasant Singh​ នៅ​ Churchgat,​ Bombay​ ប៉ុន្ដែ​នាង​​បាន​ចាកចេញ​យ៉ាង​ឆាប់រហ័ស​ក្នុង​ពេល​ដែល​នាង​បាន​គ្រង​ម្កុដ​ជា​កញ្ញាឯក​ឥណ្ឌា​ ។​ បន្ទាប់​ពី​​នោះ​ នាង​បាន​គ្រង​ម្កុដ​ជា​កញ្ញាឯក​ពិភពលោក​​នៅ​ក្នុង​ឆ្នាំ​ដដែល​ និង​ជា​ឆ្នាំ​ដែល​នាង​ត្រូវ​ជ្រើសរើស​ជា​ម្ចាស់​ក្ស​ត្រី​ឥណ្ឌា​ដ៏​ស្រស់​ស្អាត​ ក្នុង​នោះ​​មាន​ ឡា​រ៉ា​ ឌុ​ត​តា​ និង​ ដ្យា​ មៀ​ហ្សា​ ក៏​បាន​គ្រង​ម្កុដ​ជា​កញ្ញាឯក​សាកល​​លោក​ និង​ កញ្ញាឯក​អាស៊ី​ប៉ា​ស៊ី​ហ្វិ​ក​ផង​ដែរ​ ។​ តែ​គួរ​ឱ្យ​ស្ដាយ​ នាង​​ត្រូវ​បាន​ហាមប្រាម​ក្នុង​ការ​សម្ដែង​ក្នុង​កម្មវិធី​ស្រី​ស្អាត​នៅ​ក្នុង​រដ្ឋ​បូ​​រា​ណ​មួយ​នៃ​ប្រទេស​ឥណ្ឌា​គឺ​ “Uttar​ Pradesh”​ ។​

​បន្ទាប់​ពី​បញ្ចប់​កិច្ចការ​របស់​នាង​ជា​តំណាង​ម្ចាស់​ក្ស​ត្រី​ដ៏​ស្រស់​ស្អាត​​នោះ​ នាង​បាន​បង្ហាញខ្លួន​ជា​លើក​ដំបូង​នៅ​ក្នុង​ Tinsel​ Screen​ នៃ​ប្រទេស​ឥណ្ឌា​ ក្នុង​ខ្សែភាពយន្ដ​មួយ​ដែល​មាន​ចំណងជើង​ថា​ “Thamizhan”​ ។​ ​នាង​ចាប់ផ្ដើម​សម្ដែង​ភាពយន្ដ​បូ​លី​វូ​ត​ជា​លើក​ដំបូង​បំផុត​គឺ​ក្នុង​រឿង​ “The​ Hero”​ ក្នុង​ឆ្នាំ​២០០២​ ។​ បន្ទាប់​ពី​នោះ​ នាង​បន្ដ​សម្ដែង​បាន​ប្រហែលជា​២៨​រឿង​ទៀត​ និង​កំពុង​តែ​សកម្ម​ក្នុង​ការ​បន្ដ​ថត​សាច់​រឿង​ ។​

នាង​ទទួល​បាន​ពាន​​រង្វាន់​ចំនួន​១១​ក្នុង​ការ​​សម្ដែង​ភាពយន្ដ​ “Andaaz”​ “Aitraaz”​ “The Hero”​ “Mujhse​ Shaa​ di​ Karogi”​ និង​រឿង​ “Krrish”​ ។​

​នៅ​ក្នុង​ខែមិថុនា​ ឆ្នាំ​២០០៧​ នាង​បាន​ចូល​​រួម​ក្នុង​ការ​ផលិត​ខ្សែ​​ភាពយន្ដ​របស់​ “Suhib Biwi​ Aur​ Ghulam”​ “Kajri”​ “Drona”​ “Lon
don​ Dreams”​ “Chamki Chameli”​ “Love​ Story 2050”​ និង​ផ្សេង​ទៀត​​ ៕

​