Khmer
English
Chinese
Frence
Vietnamese
Thai
ឆៃលី ដាឡែន ផ្គើននឹងការព្រមានរបស់ក្រសួងវប្បធម៌?
ដោយ ៖ វឌ្ឍនា ថ្ងៃទី 06 កុម្ភះ 2012ម៉ោង 08:36:27
ភ្នំពេញ ៖ មិនមែនជាលើកទី១ទេ ដែលតារាចម្រៀងយេៗ ឆៃលី ដាឡែន បានបញ្ចេញរូបភាពសិចស៊ីធ្វើឱ្យ បុរសជាច្រើនសម្លឹងមើលគល់ភ្លៅ និងដើមទ្រូងដ៏ទ្រលុកទ្រលន់របស់ នាង ។ អ្វីដែលធ្វើឱ្យមានការភ្ញាក់ផ្អើល ខ្លាំងនោះគឺបន្ទាប់ ពីតារាចម្រៀងរូបនេះស្លៀកពាក់បែប ម៉ូដចិត្ដល្អលេចលើខើចក្រោមធ្វើឱ្យ ផ្អើលអស់អ្នកនៅក្នុងនិងក្រៅស្រុក ខណៈ ដែលនាងកំពុងច្រៀងរាំរកលុយនៅលើ ទឹកដីសហរដ្ឋអាមេរិក ។ ក្រោយការ វាយសំពងជាពាក្យសម្ដីយ៉ាងដំណំពីគ្រប់ មជ្ឈដ្ឋាន ក្រសួងវប្បធ៌ និងវិចិត្រសិល្បៈ បានចេញការព្រមានចំពោះតារាដែល ចេញទៅច្រៀងរាំរកលុយនៅបរទេសឱ្យ ប្រុងប្រយ័ត្នចំពោះការស្លៀកពាក់ ប៉ុន្ដែ ថ្មីៗនេះ ឆៃលី ដាឡែន នៅតែបន្ដលេច ធ្លាយចេញនូវរូបភាព និងខ្សែវីដេអូសិច ស៊ីជាបន្ដបន្ទាប់ ។
គេនៅចាំបានថា កាលពីថ្ងៃទី១៧ ខែធ្នូ ឆ្នាំ២០១១ ឆៃលី ដាឡែន បានលេចធ្លាយ ចេញរូបភាពសិចស៊ីចំហស្ទើរមួយល្វែង លើ នៅលើបណ្ដាញទំនាក់ទំនងសង្គម ទំនើប FaceBook គឺពេលដែលនាង កំពុងច្រៀងនៅក្នុងភោជនីយដ្ឋានរស្មីអង្គរ ទីក្រុងHouston រដ្ឋ Texas សហរដ្ឋ អាមេរិក ដែលមនុស្សនៅជុំវិញពិភព លោកអាចមើលឃើញរូបភាពគួរឱ្យ ញាក់សាច់នេះ ។ ក្រោយការលេចធ្លាយ និងរងការរិះគន់យ៉ាងចាស់ដៃពីអ្នកជំនាញ សិល្បៈនិងមហាជននោះ ក្រសួងវប្បធម៌ និងវិចិត្រសិល្បៈ រួមទាំងសមាគម សិល្បករខ្មែរ បានរៀបចំកិច្ចប្រជុំមួយ ប្រយោជន៍ដើម្បីពិភាក្សាលើប្រធានបទ ការស្លៀកពាក់សិចស៊ីជ្រុលរបស់សិល្បករ ខ្មែរពេលចេញទៅសម្ដែងនៅបរទេសនោះ ក្រសួងវប្បធម៌ និងវិចិត្រសិល្បៈ បានធ្វើ ការព្រមានផ្អាកការចេញសម្ដែងនៅ បរទេសបន្ដទៀតចំពោះសិល្បករដែល និយមរៀបចំខ្លួនជ្រុលហួសហេតុនាំឱ្យជះ ឥទ្ធិពលដល់តម្លៃប្រពៃណីខ្មែរ ។
បើយោងតាមការលើកឡើងរបស់ រដ្ឋលេខាធិការក្រសួងវប្បធម៌ និងវិចិត្រ លិល្បៈ លោកថៃ នរៈសត្យា បានផ្ដល់បទ សម្ភាសន៍ដល់អ្នកសារព័ត៌មានកាលពី ពេលកន្លងទៅថា សកម្មភាពខុសឆ្គង មួយចំនួនរបស់តារាខ្មែរដែលបានទៅ សម្ដែងនៅបរទេសកាលពីពេលកន្លង មក មិនមែនជាបទល្មើសព្រហ្មទណ្ឌអ្វី នោះទេ ព្រោះនេះគឺជាសិទ្ធិសេរីភាព របស់បុគ្គលម្នាក់ៗ ហើយក៏ពុំមានច្បាប់ ណាបានចែងច្បាស់លាស់ចំពោះបញ្ហា ទាំងអស់នេះនៅឡើយដែរ ។ បើទោះជា យ៉ាងណាក្រសួងអាចនឹងអញ្ជើញសិល្បករ ណាដែលប្រព្រឹត្ដមិនល្អហើយជះឥទ្ធិពល អវិជ្ជមានចំពោះសិល្បៈខ្លួនឯង ពិសេស លើវប្បធម៌ប្រពៃណីដ៏ផូរផង់របស់ខ្មែរ ។
លោកប្រាប់ថា “ក្នុងនាមក្រសួង វប្បធម៌ដែលជាម៉ែឪ មានសិទ្ធិអញ្ជើញ តារាដែលប្រព្រឹត្ដខុសឆ្គងទាំងនោះ មក ធ្វើការអប់រំ ឬក៏ក្រសួងមានសិទ្ធិជាស្វ័យ ប្រវត្ដិហាមឃាត់មិនឱ្យគាត់ចេញទៅ សម្ដែងនៅក្រៅប្រទេស ប្រសិនបើការ សម្ដែងរបស់ពួកគាត់អាចធ្វើឱ្យប៉ះពាល់ ដល់កិត្ដិយសរបស់ជាតិ”។ ជាមួយគ្នានេះ លោកក៏ស្នើសុំឱ្យសិល្បករខ្មែរដែលស្ថិតនៅ ក្នុងនិងក្រៅប្រទេសព្យាយាមប្រតិបត្ដិ ខ្លួនឱ្យស័ក្ដិសមជាសិល្បករគំរូសម្រាប់ មនុស្សទូទៅ ។ លោកបញ្ជាក់ថា “ចំពោះ សិល្បករត្រូវមានក្រមសីលធម៌ និងវិជ្ជា ជីវៈខ្ពស់ ជាងអ្នកសារព័ត៌មានទៅទៀត ដោយសារតែពួកគាត់បញ្ចេញព័ត៌មាន ផ្ទាល់ៗនៅលើឆាកភ្លាមៗតែម្ដង”។
បើទោះបីជាយ៉ាងណាថ្មីៗនេះរូបភាព សិចស៊ីស្រើបស្រាលជាច្រើនសន្លឹក របស់តារាចម្រៀងស្រីវ័យ២៨ឆ្នាំរូបនេះ នៅតែបន្ដលេចធ្លាយចេញបើទោះបីជា រូបភាពទាំងនេះត្រូវបានគេមើលឃើញថា មិនពិបាកភ្នែកដូចរូបភាពដំបូងក្ដីក៏គេ ចាត់ទុកថា វាក៏នៅតែបង្ហាញថានាង មិនទាន់ផ្លាស់ប្ដូរអារម្មណ៍ក្នុងការស្លៀក ពាក់នៅឡើយ ។ រូបភាពជាច្រើនសន្លឹក ដែលនគរវត្ដទើបតែទទួលបានបង្ហាញពី រូបភាពសំចៃសាច់កំណាត់របស់ឆៃលី ដាឡែន ខណៈដែលនាងកំពុងច្រៀងនៅ សហរដ្ឋអាមេរិក ។ នាងនៅតែបង្ហាញពី ភាពសិចស៊ីជ្រុលហួសហេតុដដែល ។
ទន្ទឹមនឹងរូបភាពនេះនៅលើបណ្ដាញ អ៊ីនធើណេត YouTube វិញ ខ្សែវីដេអូ បង្ហាញពីសកម្មភាពច្រៀងរាំរកលុយ របស់នាងនៅលើទឹកដីសហរដ្ឋអាមេរិក នេះដែរ ។ តាមរយៈខ្សែវីដេអូសកម្មភាព ច្រៀងរាំនៅក្នុងភោជនីយដ្ឋានរួមទាំង កិច្ចសម្ភាសន៍របស់នាងជាមួយអ្នកយក ព័ត៌មានសរុបប្រមាណ២០នាទី បានធ្វើ ឱ្យគេស្គាល់យ៉ាងច្បាស់ថា នាងគឺជាតារា ចម្រៀង ឆៃលី ដាឡែន ។
ទោះបីជាយ៉ាងណាក្នុងកិច្ចសម្ភាសន៍ នេះគេមិនបានឮនាងនិយាយអំពីការ ស្លៀកពាក់សិចស៊ីរបស់នាងដែលនាំឱ្យ មានការភ្ញាក់ផ្អើលពាសពេញផ្ទៃប្រទេស ពិសេសធ្វើឱ្យក្រុមសិល្បករនិយាយពី មាត់មួយទៅមាត់មួយនោះទេ ។ គេមិន បានដឹងទេថាតើឆៃលី ដាឡែន បានដឹងពី ការព្រមានរបស់ក្រសួងវប្បធម៌ និង វិចិត្រសិល្បៈដែរឬទេ ។
អ្វីដែលគេនៅរង់ចាំតាមដានដែរនោះ គឺទស្សនិកជននៅទន្ទឹងរង់ចាំមើលថា តើ នឹងមានអ្វីកើតឡើងនៅពេលដែលនាង វិលត្រឡប់មកកម្ពុជាវិញ តើនាងទទួល បានការណែនាំពីស្ថាប័នពាក់ព័ន្ធ ឬនាង ធ្វើការសុំទោសជាសាធារណៈ ខណៈដែល តាមការគ្រោងទុកនាងនឹងវិលមកកម្ពុជា វិញនៅថ្ងៃទី២៤ ខែកុម្ភៈ ឆ្នាំ២០១២ ខាងមុខនេះ ។
គួរបញ្ជាក់ដែរថា កន្លងមកសិល្បករ មួយចំនួនតូចធ្លាប់ទទួលបានការសំពង យ៉ាងដំណំតាមរយៈការរិះគន់របស់មហា ជន បន្ទាប់ពីពួកគេបានស្លៀកសម្លៀក បំពាក់ និងរាំពត់ពេនបែបស៊ិចស៊ីស្រើប ស្រាលរោលរាលនោះ ។ ជាក់ស្ដែងតារា ចម្រៀងស៊ិចស៊ីនាងជា សុវណ្ណា ទទួលបាន ការព្រមានយ៉ាងធ្ងន់ពីប្រមុខរាជរដ្ឋាភិ- បាលកាលពីអំឡុងឆ្នាំ២០០៥ បន្ទាប់ពី នាងរាំច្រៀងយ៉ាងស្រើបស្រាលក្នុងកម្មវិធីប្រគំតន្ដ្រីផ្សាយបន្ដផ្ទាល់លើកញ្ចក់ ទូរទស្សន៍CTN ។
គេរំពឹងដែរថា សិល្បករខ្មែរនឹងកាត់ បន្ថយភាពស៊ិចស៊ីហូសហេតុពិសេស ម៉ូដចិត្ដល្អនានាដែលនាំឱ្យជះឥទ្ធិពល មិនល្អចំពោះវិស័យសិល្បៈនិងទំនៀមទម្លាប់ខ្មែរ ៕
.jpg)
