Khmer
English
Chinese
Frence
Vietnamese
Thai
អាជ្ញាធរថៃបញ្ជូនសពពលករខ្មែរដែលខ្សែភ្លើងឆក់ស្លាប់មកកម្ពុជា
ដោយ ៖ នីម វណ្ណា ថ្ងៃទី 13 កុម្ភះ 2012ម៉ោង 13:18:24
ប៉ោយប៉ែត ៖ នៅរសៀលថ្ងៃទី១១ ខែ កុម្ភៈ ឆ្នាំ២០១២ វេលាម៉ោង១២និង៥៨ នាទី អាជ្ញាធរថៃបានបញ្ជូនសាកសពជន រងគ្រោះខ្មែរម្នាក់ ដែលត្រូវខ្សែភ្លើងឆក់ ស្លាប់មកតាមច្រកទ្វារអន្ដរជាតិប៉ោយ ប៉ែត ប្រគល់ឱ្យក្រុមគ្រួសារ នៅទី តាំងវត្ដបាលិលេយ្យ ដើម្បីយកទៅធ្វើ បុណ្យតាមប្រពៃណីខ្មែរ ។
សាកសពជនរងគ្រោះមានឈ្មោះ យ៉ា យ៉ត ភេទប្រុស អាយុ៣០ឆ្នាំ រស់ នៅភូមិតាជ្រឹង ឃុំចង្ហា ស្រុកអូរជ្រៅ ខេត្ដបន្ទាយមានជ័យ ។
បើតាមការឱ្យដឹងពីឈ្មោះម៉ៅ ដែល រួមដំណើរជាមួយពេលបញ្ជូនសាកសពពីប្រទេសថៃបានឱ្យដឹងថា សាកសពជន រងគ្រោះដែលត្រូវខ្សែភ្លើងឆក់ខាងលើនេះ ជាកម្មករចិញ្ចឹមបង្គានៅប្រទេសថៃ ក្នុង ខេត្ដផាត់តានី ខណៈដែលគេដើរមើល បង្គានៅឯស្រែចិញ្ចឹមបង្គា ស្រាប់តែ ខ្សែភ្លើងទុស្សេបានដាច់ធ្លាក់មកចំពីលើ បណ្ដាលឱ្យឆក់ស្លាប់ភ្លាមៗនៅនឹងកន្លែង កើតហេតុ ។
បើតាមសម្ដីសាច់ញាតិក្នុងវត្ដបាលិ លេយ្យបានប្រាប់ថា ជនរងគ្រោះខាង លើនេះ គាត់ពុំមានប៉ាស្ព័រទេ តែពុំដឹង ទៅតាមរយៈអ្នកណា ខ្លួនគាត់ពុំសូវដឹង ច្បាស់ទេ ។
ចំណែកសាកសពជនរងគ្រោះដែល អាជ្ញាធរថៃបញ្ជូនមកនោះ ត្រូវអាជ្ញាធរ ក្រុងប៉ោយប៉ែតប្រគល់បន្ដទៅឱ្យបងប្អូន សាច់ញាតិយកទៅធ្វើបុណ្យតាមប្រពៃណី នៅឯស្រុកកំណើតរបស់សាមីខ្លួន ។
សូមបញ្ជាក់ផងដែរថា ជនរងគ្រោះ ត្រូវខ្សែភ្លើងឆក់ស្លាប់នៅថ្ងៃទី៩ ខែកុម្ភៈ ឆ្នាំ២០១២ ម៉ោង៥.១៥នាទីល្ងាច ខណៈ ដើរត្រួតពិនិត្យស្រែចិញ្ចឹមបង្គា ៕
.jpg)
