Khmer
English
Chinese
Frence
Vietnamese
Thai
គ្រោះថ្នាក់ចរាចរ៣កន្លែងផ្សេងគ្នារបួសធ្ងន់៣នាក់ស្រាល២នាក់
ដោយ ៖ យឹម សុថាន ថ្ងៃទី 13 កុម្ភះ 2012ម៉ោង 13:31:18
ខេត្ដស្វាយរៀង ៖ ក្នុងរយៈពេល៣ ម៉ោងនៃថ្ងៃតែមួយមានករណីគ្រោះថ្នាក់ ចរាចរកើតឡើង៣កន្លែងផ្សេងគ្នាបណ្ដាល ឱ្យមនុស្សប្រុសស្រី៥នាក់រងរបួសធ្ងន់ ស្រាល ។
ករណីទី១ ៖ កើតឡើងកាលពីថ្ងៃទី១១ ខែកុម្ភៈ ឆ្នាំ២០១២ វេលាម៉ោង១៦ នៅ ក្នុងភូមិគោកកណ្ដោរ ឃុំក្រោលគោ ស្រុកស្វាយជ្រំ បង្កឡើងដោយរថយន្ដ ម៉ាកហាយឡិនឌ័រពណ៌ពងមាន់ អ្នកបើក បរមិនស្គាល់អត្ដសញ្ញាណបានបុកម៉ូតូ មួយគ្រឿងម៉ាកហុងដាសេ១២៥ ស៊េរីឆ្នាំ ៩៧ ពណ៌ព្រីងទុំ ពាក់ស្លាកលេខភ្នំពេញ 1D-7331 បើកបរដោយឈ្មោះ រុន រៀម ភេទប្រុស អាយុ៣០ឆ្នាំ មានទីលំ នៅភូមិព្រៃឆ្លាក់ សង្កាត់ព្រៃឆ្លាក់ ក្រុង ស្វាយរៀងដែលបើកបញ្ច្រាសទិសគ្នា បណ្ដាលឱ្យរងរបួសបែកក្បាល បាក់ជើង ខាងស្ដាំរងរបួសធ្ងន់ ។ ចំណែកម៉ូតូជន រងគ្រោះខូចខាតស្ទើរ តែទាំងស្រុង ។ ក្រោយពេលកើតហេតុអ្នកបើកបររថយន្ដ ហាយឡិនឌ័របានបើកគេចខ្លួនឆ្ពោះទៅ ខេត្ដព្រៃវែងបាត់ទៅ ។
ករណីទី២ ៖ កើតឡើងនៅវេលាម៉ោង ១៤និង៣០នាទី ក្នុងភូមិកណ្ដោរ ឃុំ ក្រោលគោ ស្រុកស្វាយជ្រំ លើកំណាត់ ផ្លូវជាតិលេខ១ បង្កឡើងដោយរថយន្ដ ទួរីសពណ៌សមួយគ្រឿងបើកមកពីទិស ខាងលិចទៅទិសខាងកើតក្នុងល្បឿនលឿន បានបុកម៉ូតូមួយគ្រឿងបើកបរដោយ ឈ្មោះ នូ ផានិតត ភេទប្រុស អាយុ២៥ ឆ្នាំ មានទីលំនៅក្នុងភូមិឃុំកើតហេតុ បណ្ដាលឱ្យរងរបួសបែកក្បាល បែក ចិញ្ចើម បែកមាត់ បាក់ចង្កេះ របួសធ្ងន់ ។ រីឯអ្នកបើកបររថយន្ដត្រូវសមត្ថកិច្ច ស្ទាក់ចាប់បាននៅស្រុកលើកដែក ខេត្ដ កណ្ដាល ។
ប្រភពព័ត៌មានពីបុរសឈ្មោះនូ ផាត អាយុ៥៤ឆ្នាំ ត្រូវជាឪពុកយុវជនរង គ្រោះបានឱ្យដឹងថា មុនពេលកើតហេតុ កូនប្រុស គាត់បានផឹកស្រាជាមួយមិត្ដ ភក្ដិស្រវឹងជោក រួចក៏ទាញម៉ូតូម៉ាក សេ១២៥ពណ៌ខ្មៅមួយគ្រឿងជិះចេញ ពីផ្ទះឡើងទៅលើកំណាត់ផ្លូវជាតិលេខ១ ក៏ប៉ះរថយន្ដទួរីសពណ៌សតែម្ដង ដោយ អូសចម្ងាយ៥ម៉ែត្រ រងរបួសធ្ងន់ត្រូវ បានដឹកទៅសង្គ្រោះនៅមន្ទីរពេទ្យខេត្ដ ដោយសារតែរបួសធ្ងន់ពេក ក៏បញ្ជូនបន្ដ ទៅមន្ទីរពេទ្យនៅរាជធានីភ្នំពេញ។
ករណីទី៣ ៖ កើតឡើងនៅវេលាម៉ោង ១៧ល្ងាច នៅក្នុងភូមិវាលយន្ដ សង្កាត់ ស្វាយរៀង ក្រុងស្វាយរៀង ទល់មុខសួន តាឌី ដើមពោធិព្រឹក្ស បង្កឡើងដោយ ម៉ូតូនិងម៉ូតូបុកគ្នាបណ្ដាលឱ្យស្ដ្រីម្នាក់មិនស្គាល់អត្ដសញ្ញាណរងរបួសធ្ងន់ ត្រូវ ក្រុមគ្រួសារបញ្ជូនទៅសង្គ្រោះនៅគ្លីនិក ឯកជនមួយកន្លែង ចំណែកភាគីម៉ូតូ ម្ខាងទៀត ជិះឌុបគ្នា២នាក់ រងរបួស ស្រាល។
គួរបញ្ជាក់ថា ក្នុងខេត្ដស្វាយរៀង មានករណីគ្រោះថ្នាក់ចរាចរកើតឡើង គួរឱ្យកត់សម្គាល់ ខណៈដែលអ្នកបើកបរ ភាគច្រើនបើកក្នុងល្បឿនលឿនមិនគោ រពច្បាប់ចរាចរណ៍និងមានជាតិស្រវឹង ទើបបង្កឱ្យមានករណីគ្រោះថ្នាក់បែបនេះ ៕
.jpg)
.jpg)
.jpg)
