Khmer
English
Chinese
Frence
Vietnamese
Thai
ជិះម៉ូតូឌុបគ្នា៤នាក់បើកជែងរថយន្ដជ្រុលចង្កូត ចូលក្រោមរថយន្ដស្លាប់ទាំង៤នៅស្រុកបាធាយ
ដោយ ៖ អ.សុផល ថ្ងៃទី 13 កុម្ភះ 2012ម៉ោង 14:34:35
ខេត្ដកំពង់ចាម ៖ ជនរងគ្រោះ៤នាក់ បានស្លាប់បាត់បង់ជីវិតនៅក្រោមរថយន្ដ ក្នុងឧបទ្ទវហេតុគ្រោះថ្នាក់ចរាចរ ដោយ បើកម៉ូតូជែងរថយន្ដ ហើយជ្រុលចង្កូតទៅ បុករថយន្ដដែលកំពុងបើកក្នុងទិសដៅ ផ្ទុយគ្នា ឯអ្នកបើករថយន្ដបានគេចខ្លួន បាត់ ពេលនេះសមត្ថកិច្ចកំពុងធ្វើការ ស្រាវជ្រាវ ។
គ្រោះថ្នាក់ចរាចរគួរឱ្យរន្ធត់នេះបាន កើតឡើង កាលពីវេលាម៉ោង១២និង ៤០នាទី ថ្ងៃទី១២ ខែកុម្ភៈ ឆ្នាំ២០១២ នៅលើផ្លូវ ជាតិលេខ៦A ខាងលិច បង្គោលគីឡូម៉ែត្រលេខ៤៥ចម្ងាយ ប្រហែល២០ម៉ែត្រ ស្ថិតក្នុងភូមិភ្នំដិល ឃុំតាំងក្រាំង ស្រុកបាធាយ ខេត្ដកំពង់ ចាម ។
ប្រភពព័ត៌មានពីកន្លែងកើតហេតុ បានឱ្យដឹងថា មុខពេលកើតហេតុគេឃើញ មានយុវជន៤នាក់ជិះម៉ូតូ១គ្រឿងឌុបគ្នា ក្នុងទិសដៅពីលិចទៅកើត ដោយល្បឿន យ៉ាងលឿន ។ ពេលមកដល់កន្លែងកើត ហេតុម៉ូតូបានបើកជែងរថយន្ដ១គ្រឿង ដែលនៅពីមុខ ហើយអ្នកបើកបរម៉ូតូ បានជ្រុលចង្កូតទៅបុករថយន្ដដឹកទឹក ដែលបើកច្រាសទិសគ្នា ធ្វើឱ្យម៉ូតូនិង ជនរងគ្រោះទាំង៤នាក់ចូលទៅក្រោម រថយន្ដស្លាប់ទាំងអស់គ្នា ។
លោកវរសេនីយ៍ត្រី សំ ណាល់ អធិការ នគរបាលស្រុកបាធាយបានឱ្យដឹងថា ម៉ូតូ ដែលជួបឧបទ្ទវហេតុគ្រោះថ្នាក់ចរាចរ នេះម៉ាកហុងដា សេ១២៥ ពណ៌ខ្មៅ ពាក់ ស្លាកលេខ ក.ច1C-8542 បើកបរ ដោយឈ្មោះ មឿន ម៉ាប់ ភេទប្រុស អាយុ១៧ឆ្នាំ មានទីលំនៅភូមិសង្កើប ឃុំ សំបូរ ស្រុកបាធាយ ខេត្ដកំពង់ចាម ។
ចំណែកអ្នកជិះជាមួយ៣នាក់មានទី១ ឈ្មោះឯម សុខផេង ភេទប្រុស អាយុ១៧ ឆ្នាំ ទី២ឈ្មោះ ច្រិប បញ្ញា ភេទប្រុស អាយុ១៧ឆ្នាំ និងទី៣ឈ្មោះ សៀន សិលា ភេទប្រុស អាយុ១៦ឆ្នាំ ។
លោកអធិការបានឱ្យដឹងទៀតថា ទាំង ៤នាក់នេះមានទីលំនៅក្នុងភូមិ-ឃុំជាមួយ គ្នាបានស្លាប់នៅពី ក្រោមរថយន្ដម៉ាក ហ៊ីយ៉ាន់ដាយពណ៌ស ពាក់ស្លាកលេខ H.O ១៩២ ភ.ព៣ ដែលកំពុងបើកបរក្នុង ទិសដៅបញ្ច្រាស់គ្នា។
លោកអធិការស្រុកបាធាយបានបន្ដ ទៀតថា ពេលកើតហេតុរថយន្ដហ៊ីយ៉ាន់ ដាយបានអូសម៉ូតូ និងជនរងគ្រោះទាំង៤ នាក់ដែលនៅពីក្រោមរថយន្ដចម្ងាយ៤ ម៉ែត្រទើបឈប់ បន្ទាប់មកអ្នកបើកបរ រថយន្ដបានរត់គេចខ្លួនបាត់ ។
លោកអធិការបានបញ្ជាក់ថា សមត្ថ កិច្ចកំពុងស្វែងរកអត្ដសញ្ញាណអ្នកបើក បររថយន្ដម៉ាកហ៊ីយ៉ាន់ដាយ ដែលគេ ស្គាល់ថា មានទីលំនៅក្បែរកន្លែងកើត ហេតុ ជាអ្នកប្រកបរបរដឹកទឹកលក់តាម លំនៅឋាន ។
ជនរងគ្រោះត្រូវបានប្រគល់ជូនក្រុម គ្រួសារយកធ្វើបុណ្យតាមប្រពៃណី ចំណែក រថយន្ដ និងម៉ូតូបង្កគ្រោះថ្នាក់ចរាចរ ត្រូវបានយកមករក្សាទុកនៅអធិការដ្ឋាន នគរបាល ស្រុកបាធាយដើម្បីចាត់ការតាមច្បាប់ ៕
.jpg)
.jpg)
.jpg)
.jpg)
