Khmer
English
Chinese
Frence
Vietnamese
Thai
ពាណិជ្ជកម្មកម្ពុជា-ថៃអាចនឹងមានការកើនឡើងល្អប្រសើរនៅឆ្នាំ២០១២
ដោយ ៖ វឌ្ឍនា ថ្ងៃទី 17 កុម្ភះ 2012ម៉ោង 17:36:52
ភ្នំពេញ ៖ “ដោយសារការខិតខំប្រឹង ប្រែងរបស់ក្រសួងពាណិជ្ជកម្មនៃប្រទេស ទាំង២ក្នុងការជំរុញសកម្មភាពពាណិជ្ជ កម្មជាលក្ខណៈទ្វេភាគី កម្ពុជា-ថៃនោះ ទំនាក់ទំនងពាណិជ្ជកម្មកម្ពុជា-ថៃអាចនឹង មានការកើនឡើងល្អប្រសើរសម្រាប់ឆ្នាំ ២០១២”។ នេះបើយោងតាមការលើក ឡើងរបស់រដ្ឋលេខាធិការក្រសួងពាណិជ្ជ កម្មលោកម៉ៅ ថូរ៉ា កាលពីថ្ងៃទី១៦ ខែ កុម្ភៈ ឆ្នាំ២០១២ ក្នុងកម្មវិធីសម្ពោធ ពិព័រណ៍ពាណិជ្ជកម្មថៃឆ្នាំ២០១២ នៅមជ្ឈមណ្ឌលពិព័រណ៍កោះពេជ្រ ។
លោកម៉ៅ ថូរ៉ា បញ្ជាក់ថា ការខិតខំ ប្រឹងប្រែងរៀបចំព្រឹត្ដិការណ៍ពាណិជ្ជកម្ម នេះសបញ្ជាក់ឱ្យឃើញថា ក្រសួងពាណិជ្ជ កម្មនៃប្រទេសទាំង២បាននិងកំពុង សហការគ្នាយ៉ាងជិតស្និទ្ធក្នុងការជំរុញ ឱ្យទំនាក់ទំនងពាណិជ្ជកម្មទ្វេភាគីរឹតតែ មានភាពល្អប្រសើរ បន្ទាប់ពីវិបត្ដិខ្លះៗ បានកើតមានឡើងនាពេលកន្លងមក ។ លោកបន្ដទៀតថា ចំពោះកម្ពុជាគឺតែង តែធ្វើការបើកទូលាយ និងប្រកាន់យក នូវរបបពាណិជ្ជកម្មសេរី ប្រកួតប្រជែង ដោយសមធម៌ និងមិនប្រកាន់ភាគី ណាមួយឡើយ ។
លោកប្រាប់ដែរថា នៅឆ្នាំ២០០៨ ទំនាក់ទំនងទ្វេភាគីកម្ពុជា-ថៃមានចំនួន ទឹកប្រាក់ប្រមាណ២១៣០,៣០លាន ដុល្លារអាមេរិកក្នុងនោះការនាំចេញទៅ ថៃមានប្រមាណ៩០,២២លានដុល្លារ អាមេរិក និងថៃនាំចូលមកកម្ពុជាមាន ចំនួន២០៤០,០៨លានដុល្លារអាមេរិក ។ បើទោះបីជាវិបត្ដិសេដ្ឋកិច្ចនៅក្នុងតំបន់ និងក្នុងពិភពលោកធ្វើឱ្យតួលេខពាណិជ្ជកម្មប្រទេសទាំង២ចុះមកត្រឹម១៦៥៨,៣០ លានដុល្លារអាមេរិកក្ដី ក៏ពាណិជ្ជកម្មនៃ ប្រទេសទាំង២បានវិលត្រលប់មករកភាព ល្អប្រសើរវិញនៅឆ្នាំ២០១០ដោយតួលេខ ពាណិជ្ជកម្មកើនឡើងដល់២៥៥៦,៩៨ លានដុល្លារអាមេរិក ដោយកម្ពុជានាំ ទំនិញទៅថៃមានទឹកប្រាក់ប្រមាណ ២១៤,៩០លានដុល្លារអាមេរិក និងនាំ ចូលពីថៃវិញប្រមាណ២៣៤២,០៩លាន ដុល្លារអាមេរិក ។ លោកបញ្ជាក់ដែរថា តួលេខពាណិជ្ជកម្មប្រទេសទាំង២នៅឆ្នាំ ២០១១មានទឹកប្រាក់សរុបប្រមាណ ៣០៨១,៣៥លានដុល្លារអាមេរិក ដោយ កម្ពុជានាំចេញទៅថៃប្រមាណ១៧៥,៩៥ លានដុល្លារអាមេរិក រីឯថៃនាំចូលមក កម្ពុជាវិញប្រមាណ២៩០៥,៤០លាន ដុល្លារអាមេរិក ។ លោករំពឹងថា ទំនាក់ ទំនងកម្ពុជា-ថៃ នឹងត្រូវបានរក្សាយ៉ាង ល្អដោយមានការចូលរួមដ៏សកម្ម និង ពេញលេញពីវិស័យឯកជន និងរដ្ឋាភិ បាលនៃប្រទេសទាំង២ ។
យោងតាមរបាយការណ៍របស់នាយក ដ្ឋានជំរុញពាណិជ្ជកម្មនៃក្រសួងពាណិជ្ជកម្មកម្ពុជាបានឱ្យដឹងថា ពិព័រណ៍ពាណិជ្ជ កម្មថៃ២០១២រៀបចំឡើងចាប់ពីថ្ងៃទី ១៦ ដល់ថ្ងៃទី១៩ ខែកុម្ភៈ មានស្ដង់សរុប ចំនួន៣០៩ និងមានក្រុមហ៊ុនចូលរួម ចំនួន២១៩ ដែលដាក់តាំងបង្ហាញនូវ ផលិតផលជាច្រើនប្រភេទដូរជាទំនិញ ម្ហូបអាហារ ភេសជ្ជៈ សម្ភារសំណង់ សម្ភារប្រើប្រាស់ក្នុងគេហដ្ឋាន ផលិតផល ធ្វើពីស្បែក សម្ភារសិក្សា គ្រឿងសំអាង វាយនភណ្ឌ គ្រឿងអេឡិចត្រូនិក ។ល។
អគ្គទីប្រឹក្សាពាណិជ្ចកម្មប្រចាំស្ថាន ទូតថៃនៅកម្ពុជា លោកស្រី ជីរ៉ាណុន វង្សមង្គល បានថ្លែងនាឱកាសនោះថា នេះគឺជាការតាំងពិព័រណ៍លើកទី១០ហើយ ដែលបានរៀបចំឡើងនៅភ្នំពេញដោយ មានគោលបំណងបង្ហាញនូវទំនិញថៃ ដែលមានគុណភាព និងសេវាកម្មនៅ កម្ពុជា ហើយក៏អាចបង្កើនទំហំពាណិជ្ជ កម្មនិងទំនាក់ទំនងរវាងប្រទេសទាំង២ផងដែរ ។
ឯកអគ្គរាជទូតថៃប្រចាំនៅកម្ពុជា លោក Sampong Sanguanbun ថ្លែងនា ឱកាសនោះដែរថា ជាច្រើនឆ្នាំកន្លងមក បានបង្ហាញអំពីការបន្ដកំណើនសេដ្ឋកិច្ច ការវិនិយោគទុន និងទំនាក់ទំនងរវាង ប្រទេសទាំង២កាន់តែយូរអង្វែង ។ តាម រយៈពិព័រណ៍ពាណិជ្ជកម្មនេះក៏ជាន័យមួយ នាំឱ្យប្រទេសទាំង២កាន់ជិតស្និទ្ធនឹងគ្នាថែមទៀត ៕
.jpg)
