Khmer
English
Chinese
Frence
Vietnamese
Thai
មន្ដ្រីចិនមានទ្រព្យសម្បត្ដិច្រើនជាងមន្ដ្រីអាមេរិក
ដោយ ៖ សាធី ថ្ងៃទី 28 កុម្ភះ 2012ម៉ោង 13:46:03
ទ្រព្យសម្បត្ដិរបស់មន្ដ្រីចិនកើនឡើងឥតឈប់ឈរ ហើយមានមន្ដ្រី៧០នាក់ដែលមានទ្រព្យសម្បត្ដិច្រើនជាងគេបំផុតនៅក្នុងប្រទេសចិន ឆ្នាំ២០១១ គឺមានច្រើនជាងទ្រព្យសម្បត្ដិសរុបរបស់តំណាងរាស្ដ្រ៦០០នាក់ទៀតផង ។
តាមរបាយការណ៍ស្ដីពីកម្រិតទ្រព្យសម្បត្ដិរបស់ពលរដ្ឋចិនដែលបានប្រកាសកាលពីថ្ងៃទី២៦ កុម្ភៈ បង្ហាញឱ្យឃើញថា ទ្រព្យសម្បត្ដិសរុបរបស់មន្ដ្រីជាន់ខ្ពស់ចិន៧០រូបក្នុងឆ្នាំ២០១១ កើនឡើងដល់៥៦៨,៥ពាន់លានយាន់ ស្មើនឹង៨៩,៨ពាន់លានដុល្លារ គឺច្រើនជាង១១,៥ពាន់លានដុល្លារក្នុងឆ្នាំ២០១០ ។
ក្នុងពេលនោះទ្រព្យសម្បត្ដិរបស់មន្ដ្រីអាមេរិក៦៦០នាក់មកពីស្ថាប័នកំពូលទាំង៣មានតែ៧,៥ពាន់លានដុល្លារប៉ុណ្ណោះ ។
ប្រាក់ចំណូលរបស់មន្ដ្រីជាន់ខ្ពស់ចិនកើនឡើងយ៉ាងខ្លាំងបានបង្ហាញពីការបាត់បង់តុល្យភាពក្នុងកំណើនសេដ្ឋកិច្ចរបស់ចិនដែលមានប្រាក់មធ្យមក្នុងមនុស្សម្នាក់ៗនៅឆ្នាំ២០១០មានតែ២៤២៥ដុល្លារ គឺទាបជាងអាមេរិកយ៉ាងច្រើន ដែលមានរហូតដល់៣៧.៥២៧ដុល្លារក្នុងម្នាក់ ។
រយៈពេល១០ឆ្នាំកន្លងមកចិនបានអនុវត្ដគោលនយោបាយអនុញ្ញាតឱ្យក្រុមអ្នកមានចូលជាសមាជិកមជ្ឈិមបក្ស ហើយពេលនេះមានមហាសេដ្ឋីជាច្រើននៅក្នុងគណបក្សកុម្មុយនីស្ដចិន ក្នុងនោះមានមហាសេដ្ឋីលំដាប់ទី២របស់ចិន លោក Zong Qinghou ដែលមានទ្រព្យសម្បត្ដិរហូតដល់៦៨ពាន់លានយាន់ និងប្រធានក្រុមហ៊ុនអចលនទ្រព្យ Longfor មានទ្រព្យសម្បត្ដិរហូតដល់៤២ពាន់លានយាន់ ៕
.jpg)
.jpg)
