Khmer
English
Chinese
Frence
Vietnamese
Thai
ថ្នាក់ដឹកនាំសាកលវិទ្យាល័យអន្ដរជាតិ IU ទទួលយកសំណើរបស់និស្សិត២ចំណុចលើការទាមទារ៣ចំណុច
ដោយ ៖ អ៊ុំ ណូន ថ្ងៃទី 29 កុម្ភះ 2012ម៉ោង 09:45:59
ភ្នំពេញ ៖ បន្ទាប់ពីមានការតវ៉ារបស់ និស្សិតជាង២០០នាក់ដែលទាមទារសុំឱ្យ ថ្នាក់ដឹកនាំកុំពិន័យការប្រឡងសងយក លុយ១២០ដុល្លារនោះ តំណាងនិស្សិត និងថ្នាក់ដឹកនាំសាកលវិទ្យាល័យអន្ដរជាតិ “IU” បានជួបជុំគ្នានៅព្រឹកថ្ងៃទី២៧ខែកុម្ភៈ ឆ្នាំ២០១២ ដើម្បីដោះស្រាយបញ្ហា ប៉ុន្ដែ ហាក់ដូចជាមិនត្រូវរ៉ូវគ្នា ព្រោះខាង សាកលវិទ្យាល័យទទួលយកនូវសំណើតែ ២ចំណុចប៉ុណ្ណោះ ឯ១ចំណុចទៀតមិន ទទួលយកបានឡើយ ។
យោងតាមសំដីរបស់លោក សុវណ្ណ តំណាងនិស្សិតជាង២០០នាក់ដែលបាន ចូលរួមធ្វើការតវ៉ា និងជួបពិភាក្សាដោះ ស្រាយបញ្ហាខាងលើនេះបានឱ្យដឹងថា សាកលវិទ្យាល័យចូលមកដោះស្រាយ មានវត្ដមានលោក សាប៊ូ អូសាណូ នាយក សាកលវិទ្យាល័យអន្ដរជាតិ ដោយលោក ប្រាប់ថា សាលាយល់ព្រមទទួលយកនូវ សំណើរបស់និស្សិតតែ២ចំណុចប៉ុណ្ណោះ គឺទី១.សូមឱ្យកែវិញ្ញាសាប្រឡងឡើង វិញ ។ ទី២.ខាងសាលាយល់ព្រមថែម ពិន្ទុដល់និស្សិត ។
លោក សុវណ្ណ បន្ដទៀតថា ខាងសា លាគេបានយល់ព្រមដោះស្រាយត្រឹមតែ ២ចំណុចប៉ុណ្ណោះ ចំណែក១ចំណុចទៀត គឺរឿងបង់លុយថ្លៃប្រឡងសង១២០ដុល្លារ ក្នុង១មុខវិជ្ជា ដែលនិស្សិតទាមទារសុំបង់ តែ២៥ដុល្លារនោះ ខាងសាលាមិនយល់ ព្រមទេ ។ ក៏ប៉ុន្ដែការយល់ព្រមទទួល យក២ចំណុចនេះ និស្សិតអាចទទួលយក បាន ។ លោកបន្ដទៀតថា ខាងថ្នាក់ដឹក នាំសាលាគ្រាន់តែសន្យាតែមាត់ទទេ ប៉ុណ្ណោះ ដោយមិនមានសរសេរជាលាយ លក្ខណ៍អក្សរអ្វីឡើយ ហើយបានសន្យាថា នឹងបិទលទ្ធផលឡើងវិញនៅ២សបា្ដហ៍ ខាងមុខ ។ លោកបន្ដថា ប្រសិនបើខាង ភាគីសាលាមិនព្រមធ្វើទៅតាមកិច្ចសន្យា របស់ខ្លួននោះទេ ក្រុមនិស្សិតនឹងធ្វើការ តវ៉ាម្ដងទៀតនៅពេលក្រោយ ។
គួរបញ្ជាក់ថា និស្សិតសាកលវិទ្យា ល័យអន្ដរជាតិជាង២០០នាក់បានតវ៉ា នៅមុខសាកលវិទ្យាល័យកាលពីព្រឹកថ្ងៃ ទី២៤ខែកុម្ភៈឆ្នាំ២០១២ ដោយពួកគេ កើតទុក្ខមិនសុខចិត្ដរឿងប្រឡងសង១មុខ វិជ្ជាសាលាតម្រូវឱ្យបង់រហូតដល់១២០ដុល្លារ ដែលតម្លៃនេះវាច្រើនលើសលុប ហួសពីសមត្ថភាពរបស់និស្សិត ។ ពួកគេ បានធ្វើការតវ៉ាទៅលើ៣ចំណុច ទី១.សុំឱ្យ សាលាយកតម្លៃបង់ប្រឡងសង១មុខវិជ្ជា ត្រឹមតែ២៥ដុល្លារ ។ ទី២.សូមឱ្យសាលា ផ្ដល់មូលហេតុឱ្យបានច្បាស់លាស់ចំពោះ អ្នកដែលបានពិន្ទុសូន្យ និងទី៣.សូមឱ្យ សាលាបន្ថែមពិន្ទុ២៥ទៅលើពិន្ទុធ្លាក់របស់ក្រុមនិស្សិត ៕
.jpg)
