Khmer
English
Chinese
Frence
Vietnamese
Thai
ប្រជាកសិករខេត្ដរតនគិរីបារម្ភពីតម្លៃទីផ្សារផលដំណាំចន្ទីមានតម្លៃមិនថេរ
ដោយ ៖ ទិត ឦសាន ថ្ងៃទី 09 មីនា 2012ម៉ោង 14:15:14
ខេត្ដរតនគិរី ៖ ទន្ទឹមនឹងការរីក ចម្រើនគ្រប់វិស័យ ខេត្ដរតនគីរីដែល អាចមើលឃើញថាមានសន្ទុះរីកចម្រើន គ្រាន់បើ ដែរនោះ នៅខែមីនា ឆ្នាំ ២០១២នេះ បងប្អូនប្រជាកសិករជា ច្រើនកំពុងតែមមាញឹកនឹងការងារ ប្រមូលផលពីដំណាំស្វាយចន្ទីយ៉ាងសស្រាក់ សស្រាំដោយដំណាំស្វាយចន្ទីឆ្នាំនេះ ហាក់មាន កំណើនផលល្អប្រសើរជាងឆ្នាំ ២០១១កន្លង មកតែប្រជាកសិករទាំង អស់កំពុងជួបប្រទះបញ្ហាតម្លៃទីផ្សារ ដែលចុះថោក និងមិនមានស្ថិរភាព។
ប្រជាពលរដ្ឋជាច្រើនបាននិយាយឱ្យ កាសែតនគរវត្ដដឹងថា នៅឆ្នាំ២០១២ នារដូវប្រមូលផលដំណាំស្វាយចន្ទីនេះ គឺមានផលកើនឡើងច្រើនជាងឆ្នាំ២០១១ កន្លងទៅ ហើយក៏មានប្រជាកសិករជា ច្រើនបាននិយាយថា នៅគ្រប់កន្លែងទាំង អស់ក្នុងខេត្ដរតនគិរីឃើញថា ដំណាំ ស្វាយចន្ទីឆ្នាំ២០១២នេះ ក្នុងចំការ នីមួយៗ បានប្រមូលផលតាំងពីដើម ខែរហូតមកដល់ពេលនេះពុំទាន់ស្បើយ នោះទេ គឺខុសប្លែកច្រើនពីការប្រមូល ផលក្នុងឆ្នាំ២០១១ កន្លងទៅច្រើន ។ តែ អកុសលត្រង់តម្លៃទីផ្សារលក់ចេញ ទទួលបានតម្លៃថោកជាងឆ្នាំ២០១១ រហូតដល់ទៅ១គីឡូក្រាមមួយពាន់រៀល ទៅជាងមួយពាន់រៀលឯណោះ គឺក្នុង ឆ្នាំ២០១១ តម្លៃគ្រាប់ស្វាយចន្ទីលក់ ចេញក្នុង១គីឡូក្រាម បាន៤.០០០ទៅ ៤.៨០០រៀល តែនៅឆ្នាំនេះ លក់បានតែ ១គីឡូក្រាម ៣៥០០រៀលប៉ុណ្ណោះ ដោយ តម្លៃឡើងចុះមិនមានលំនឹងទាល់តែ សោះ គឺតម្លៃធ្លាក់ចុះនិងតម្លៃឡើងពុំ មានទីផ្សារច្បាស់លាស់នោះទេ ។
ជុំវិញតម្លៃទីផ្សារមិនថេរនិងផលស្វាយចន្ទីប្រមូលបានមានការកើនឡើង លើសពីឆ្នាំកន្លងមកនោះ លោកសយ សូណា ប្រធានមន្ទីរកសិកម្មរុក្ខាប្រមាញ់ និងនេសាទ ខេត្ដរតនគិរីបានឱ្យកាសែត នគរវត្ដដឹងថា នៅក្នុងខេត្ដរតនគិរីទាំង មូលផ្ទៃដីដែលប្រជាកសិករបានប្រកប មុខរបរដាំដំណាំស្វាយចន្ទីមានជាងមួយ ម៉ឺនប្រាំពាន់ហិកតា និងមានប្រជាពល រដ្ឋចំនួនជាងមួយម៉ឺនគ្រួសារដែលបាន ដាំដំណាំស្វាយចន្ទីនេះ ។ មានក្រុមហ៊ុន មួយឈ្មោះក្រុមហ៊ុនទ្រីអយ ដែលបាន ប្រមូលទិញគ្រាប់ស្វាយចន្ទីទៅលក់នៅ ប្រទេសវៀតណាម ។
លោកសយ សូណា បញ្ជាក់ថា ចំពោះ បញ្ហាតម្លៃទិញ ទីផ្សារក្នុងស្រុកនិងលក់ ចេញទៅក្រៅស្រុកមិនមាន តម្លៃ ឱ្យប្រាកដនោះទេ ។ លោកដឹងថា ការ ប្រមូលផលដំណាំស្វាយចន្ទីរបស់ប្រជា កសិករនៅក្នុងឆ្នាំ២០១២នេះ មានការ កើនឡើងខ្លាំងជាងផលឆ្នាំ២០១១កន្លងមក ។
បងប្អូនប្រជាកសិករក្នុងខេត្ដរតនគិរី ទាំងអស់ ពួកគាត់បានស្នើសុំឱ្យមន្ដ្រី ជំនាញពាក់ព័ន្ធមេត្ដាជួយស្វែងរកទីផ្សារ ក្នុងស្រុកនិងដៃគូក្រៅស្រុកឱ្យបានពិត ប្រាកដជួយដល់ពួកគាត់ផង។ បើមន្ដ្រី ជំនាញមិនបានគិតគូរឱ្យបានត្រឹមត្រូវ ដល់ពួកគាត់នោះទេ នោះក្រុមឈ្មួញ កណ្ដាលក្នុងស្រុកនិងក្រៅស្រុកក្រឡុក តម្លៃគ្រប់បែបយ៉ាងធ្វើឱ្យបាត់បង់កំណើន សេដ្ឋកិច្ចប្រជាកសិករដូចជាពួកគាត់ក៏ ដូចជាកំណើនសេដ្ឋកិច្ចសង្គមយ៉ាងធ្ងន់ ធ្ងរជាពុំខាន៕
.jpg)
