Khmer
English
Chinese
Frence
Vietnamese
Thai
ខេមរៈ សិរីមន្តទៅទទួលពានតែម្នាក់ឯង
ដោយ ៖ វឌ្ឍនា ថ្ងៃទី 12 មីនា 2012ម៉ោង 08:36:37
ភ្នំពេញៈ តារាចម្រៀងខេមរៈសិរីមន្តគឺជាតារាចម្រៀងម្នាក់ក្នុងចំណោមតារាចម្រៀង៣នាក់ដែលអវត្តមានក្នុងការលើកពានក្នុងកម្មវិធីអាណាចក្រតារាដែលធ្វើឡើងកាលពីថ្ងៃទី១៦ខែកុម្ភៈឆ្នាំ២០១២។ កម្មវិធីប្រគល់ពាននេះធ្វើឡើងកាលពីល្ងាចថ្ងៃទី១០ ខែមីនា ឆ្នាំ២០១១ នៅហាងកាហ្វេ ធី អេនស៊ី ដោយមានការចូលរួមពីតំណាងគណៈកម្មការ តំណាងក្រុមហ៊ុនសប្បាយ និងអ្នកសាព័ត៌មានជាច្រើននាក់ទៀត។
គួរបញ្ជាក់ដែរថាក្នុងកម្មវិធីអាណាចក្រតារា ខេមរៈ សិរីមន្តទទួលបានពានតារាចម្រៀងវ័យក្មេងច្រៀងបានល្អបំផុតប្រចាំឆ្នាំ ខណៈដែលតារា ចម្រៀង២រូបទៀតអវត្តមានក្នុងការទទួលពានដែរគឺលោក ព្រាប សុវត្ថិ ដែលទទួលបានកំពូលតារាចម្រៀងល្បីប្រចាំឆ្នាំ និងលោក នីកូទទួលបានពានជាតារាចម្រៀងដែលមានរូមសម្រស់ស្រស់ស្អាតប្រចាំឆ្នាំ ហើយពានទាំង៣នេះស្ថិតក្នុងចំណោមពាន៣៦ ដែលកម្មវិធីអាណាចក្រតារាសម្រេចប្រគល់ឲ្យសិល្បករដែលមានស្នាដៃឆ្នើម។
ខេមរៈ សិរីមន្តដែលមកទទួលពាននាឱកាសនេះបានថ្លែងពីអារម្មណ៍រំភើបរីករាយ និងមោទនៈភាពសម្រាប់ការទទួលពានមួយនេះ។ តារារូបនេះប្រាប់ថា ការខកខានក្នុងការទទួលពានកន្លងមកគឺដោយសារលោកជាប់រវល់ចេញច្រៀងនៅតាមបណ្តាខេត្ត ហើយលោកនឹងបន្តការខិតខំប្រឹងប្រែងបន្ថែមទៀតដើម្បីទទួលបានការគាំទ្របន្ថែមពីមហាជនផងដែរ។
ទោះបីជាយ៉ាងណាតារាចម្រៀងពីររូបទៀតដែលនៅតែបន្តអវត្តមានក្នុងការទទួលយកពានរង្វាន់នេះនៅឡើយគឺតារាចម្រៀងព្រាប សុវត្ថិ និង នីកូ។ ទាក់ទិននឹងការមិនមកទទួលពាននេះអ្នកស្រី ម៉ីសន សុធារី ដែលជាតំណាក្រុមហ៊ុនសប្បាយប្រាប់ថា វាជាសិទ្ធរបស់បុគ្គល ឬសិទ្ធរបស់ផលិតកម្មដែលសម្រេចទទួលយកឬទទួលយក ប៉ុន្តែក្រុមហ៊ុនសប្បាយនៅតែរង់ចាំស្វាគមន៍ក្នុងការសម្រេចចិត្តបន្តទៀត ហើយអ្នកស្រីបញ្ជាក់ថា ប្រសិនបើអវត្តមានជារៀងរហូត ពានមួយនេះនឹងមិនប្រគល់ជូនដល់តារាណាផ្សេងឡើយ។ អ្នកស្រីបញ្ជាក់ដែរថា កម្មវិធីអណាចក្រតារានេះនឹងនៅតែបន្តធ្វើឲ្យបានកាន់តែទូលំលាយបន្ថែមទៀត និងនៅតែបន្តស្វាគមន៍វត្តមានប្រកួតប្រជែងរបស់សិល្បករទាំងអស់ ដែលអ្នកស្រីប្រាប់ថា គ្មានសិល្បករណាម្នាក់បាត់សិទ្ធក្នុងការចូលរួមកម្មវិធីនេះទេគឺអាស្រ័យលើគោលជំហរបស់ក្រុមហ៊ុន ឬស្ថាប័ននោះតែប៉ុណ្ណោះ៕
.jpg)
