Khmer
English
Chinese
Frence
Vietnamese
Thai
កម្ពុជាទទួលមេដាយកម្រិតពិភពលោកលើកដំបូង
ដោយ ៖ កាំង សុធា ថ្ងៃទី 23 តុលា 2010ម៉ោង 08:54:46
អាចចាត់ទុកជាប្រវត្ដិសាស្ដ្រហើយ ដែលអត្ដពលិកកម្ពុជាម្នាក់មានវាសនាបានទទួល មេដាយសំរិទ្ធក្នុងព្រឹត្ដិការណ៍កីឡាពិភពលោកដែលកន្លងមកច្រើនទសវត្សរ៍មកហើយ កម្ពុជាពុំដែលទទួលបានរង្វាន់មេដាយអស្ចារ្យនេះសោះ។
ព្រឹត្ដិការណ៍ប្រកួតកីឡាអូឡាំពិកយុវជនលើកទី១ ដែលរៀបចំឡើងនៅប្រទេស សឹង្ហបូរី ពីថ្ងៃទី១៤ ដល់ថ្ងៃទី២៦ខែសីហា ឆ្នាំ២០១០ ដោយមានអត្ដពលិកមក ពីគ្រប់ទ្វីបប្រហែល៣៦០០ នាក់មកពី២០៥ប្រទេស ដោយឡែកកម្ពុជាបានបញ្ជូន អត្ដពលិករបស់ខ្លួនចំនួន៤នាក់ លើវិញ្ញាសាចំនួន ៤ គឺបោកចំបាប់អត្ដពលកម្មហែលទឹក និងយូដូ ។
ជាការពិត បើទោះបីកម្ពុជាធ្លាប់ទទួល បានជាមេដាយលើវិញ្ញាសាកីឡាករ មួយចំនួនកន្លងមកក្ដី ប៉ុន្ដែមេដាយទាំងនោះគឺ គ្រាន់តែជាមេដាយកីឡាករដែលគេរៀបចំនូវ ការប្រកួតក្នុងកម្រិតតំបន់ប៉ុណ្ណោះ ។ សំ សុធា កីឡាការិនី យូដូ គឺជាជនកម្ពុជាដំបូងគេក្នុង ប្រវត្ដិសាស្ដ្រកម្ពុជាដែលទទួលបានមេដាយ កម្រិតពិភពលោក (អូឡាំពិក) នាពេលថ្មីៗនេះ។
កញ្ញា សំ សុធា បានទទួលមេដាយសំរិទ្ធបន្ទាប់ពីរូបនាងប្រកួតឈ្នះ Cymthil Rah-ming របស់ប្រទេស មីយ៉ាម៉ាក្នុង ជុំទី១ មុនពេលនាងចាញ់កីឡាការិនីមកពីប្រទេសហុងគ្រី ឈ្មោះ Bar bara Batizi ក្នុងវគ្គសន្សំពិន្ទុ ដើម្បីឆ្ពោះរកការប្រកួតយកមេដាយសំរិទ្ធ ហើយកញ្ញា សំ សុធា ក៏បានយក ឈ្នះ Ioana Damya nova របស់ប្រទេស ប៊ុលហ្គារី ដែលនាំ ឱ្យនាងឈ្នះបាន មេដាយ សំរិទ្ធជាលើកដំបូងរបស់នាង ក៏ដូចជាប្រទេសកម្ពុជាផងដែរ។
យុវតី សំ សុធា គឺជាកីឡាការិនីយូដូអាយុ១៥ឆ្នាំប្រកួត ក្នុងប្រទេសទម្ងន់៤៤ គីឡូ ក្រាម ។ កញ្ញាបាននិយាយប្រាប់ទាំងដំណក់ទឹកភ្នែក និងអួលដើមកក្នុងវ័យមោទនភាពដ៏ជ្រាល ជ្រៅរបស់នាងថា នេះជាលើកទី១ក្នុងជីវិតរបស់ខ្ញុំ ហើយក៏ប្រហែលជាលើកដំបូងនៃមាតុភូមិ របស់ខ្ញុំដែលមានវាសនាទទួលមេដាយរបស់កីឡាកម្រិតអូឡាំពិកបែបនេះ ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជាបានមានប្រសាសន៍ រីករាយចំពោះកញ្ញា សំ សុធា ថានេះជាលទ្ធផលដ៏ល្អមួយរបស់កម្ពុជាយើងមានមោទនភាពខ្លាំងណាស់ គេនឹងមានអនាគតល្អ ហើយយើងផ្ដល់ក្ដីសង្ឃឹមខ្ពស់ដល់នាងសម្រាប់ជ័យលាភីជាច្រើនទៀតនិង ឱ្យនាង មានលក្ខណៈសម្បត្ដិគ្រប់គ្រាន់សម្រាប់ចូលរួមការប្រកួតកីឡាអូឡាំពិក ។
លោកបានបន្ដទៀតថា យើងនឹងទទួលនាងដោយក្ដីមោទនភាពដោយក្បួនឆៃយាុំពីព្រលានយន្ដហោះអន្ដរ ជាតិភ្នំពេញ និងដង្ហែនាងជុំវិញរាជធានីភ្នំពេញ និង ក៏មានការចូលរួមទទួលស្វាគមន៍ពីសំណាក់ ប្រធានគណៈកម្មាធិការជាតិអូឡាំពិកជាតិកម្ពុជាផងដែរ ។
លោក ញន សុខវិសាលនាយកបេសកកម្ម នៃក្រុមកីឡាករកម្ពុជា ដែលទៅចូលរួមប្រកួតនៅ កីឡាករអូឡាំពិកយុវជនអូឡាំពិកនៃប្រទេស សឹង្ហបូរី បាននិយាយដែរថា សម្រាប់រូបខ្ញុំពិតជា មិនអាចទប់អារម្មណ៍បានទេ ក៏ព្រោះតែភាពត្រេកអរ បានឡើយ ពិសេសពេលដែលរូបខ្ញុំបានឃើញទង់ ជាតិរបស់ប្រទេសខ្ញុំកំពុងតែត្រូវបានគេបង្ហូត ជាមួយអ្នកបានមេដាយពីរផ្សេងទៀតថា បង្ហាញ ពីមោទនភាពជាតិរបស់ខ្ញុំ ។ លោកវិសាលបាន បន្ដថា សុធា ជាអ្នកប្រយុទ្ធដ៏កំពូលក្នុងកីឡាករ យូដូ ។
ស្ដីពីប្រាក់រង្វាន់វិញគេមិនដឹងថា តើកញ្ញានឹង ទទួលបានប៉ុន្មានទេ ព្រោះនេះជាព្រឹត្ដិការណ៍កីឡា អូឡាំពិកយុវជនប៉ុណ្ណោះ មិនមែនជាព្រឹត្ដិការណ៍កីឡាអូឡាំពិក ដែលធ្លាប់មានពីមុនៗមកនោះ ឡើយ តែបើគិតពីប្រវត្ដិដែលកម្ពុជាចូលរួមក្នុង ព្រឹត្ដិការណ៍កីឡាផ្សេងៗ ពិសេសក្នុងការប្រកួត កីឡាអូឡាំពិក ហើយប្រសិនបើបានក៏ក្នុងកម្រិតតំបន់ឬទ្វីបប៉ុណ្ណោះ ។
ក្នុងអនុក្រឹត្យស្ដីពីការផ្ដល់ប្រាក់រង្វាន់ ចំពោះជ័យលាភី និងប្រាក់ឧបត្ថម្ភចំពោះគ្រូបង្វឹកក្នុងការប្រកួតកីឡាជាលក្ខណៈអន្ដរជាតិចុះថ្ងៃទី ២២ ខែ កុម្ភៈ ឆ្នាំ២០០៨ បានឱ្យដឹងថា មេដាយ មាស ៨០លានរៀល មេដាយប្រាក់ ៦៤លាន រៀល មេដាយសំរិទ្ធ៤០លានរៀល (ការប្រកួត កីឡាអូឡាំពិករដូវ ក្ដៅឬរដូវរងារ) ។ ៤០លាន រៀល មេដាយមាស ២៤លាន រៀល មេដាយប្រាក់ ១៦លានរៀល មេដាយសំរ្ធិ (ការប្រកួតកីឡាអាស៊ីរដូវក្ដៅឬរដូវរងារ) និង មេដាយមាស ២៤ លានរៀល មេដាយប្រាក់ ១៦លានរៀល និង មេដាយសំរិទ្ធ ៨លានរៀល ការប្រកួតកីឡាអាស៊ីអាគ្នេយ៍ល៕
