Khmer
English
Chinese
Frence
Vietnamese
Thaiប្តីស្លាប់ ប្រពន្ធរយះខ្នង ចំណែកកូនស្រីផុងលលាដ៍ក្បាលដោយសារហេតុការណ៍គ្រោះថ្នាក់ចរាចរ
ដោយ ៖ យ៉ាត& សណ្តោស|ថ្ងៃទី 26 មីនា 2012 ម៉ោង 10:35:45
ខេត្តកណ្តាល៖ គ្រួសារប្រកបរបរដឹកបន្លែទៅលក់នៅផ្សារមួយបានរងគ្រោះថ្នាក់ដោយប្តីបានស្លាប់ នៅនឹងកន្លែងកើតហេតុ, ប្រពន្ធរយះឆ្អឹងខ្នង និងកូនស្រីផុងលលាដ៍ក្បាលដ៏ធ្ងន់ដែលរហូតមកដល់ ពេលនេះ មិនទាន់ដឹងពីវាសនាយ៉ាងណានៅឡើយ បន្ទាប់ពីជួបហេតុការគ្រោះថ្នាក់ដោយសាររថយន្តបុក។
ហេតុការណ៍នេះបានកើតឡើងកាលពីម៉ោង១រំលងអធ្រាត្រឈានចូលថ្ងៃទី២៥ ខែមីនា ឆ្នាំ២០១២ ស្ថិតតាមបណ្តោយផ្លូវជាតិលេខ១ ត្រង់ព្រំប្រទល់សង្កាត់ក្បាលកោះ និងឃុំភូមិធំ ស្រុកកៀនស្វាយ ខេត្តកណ្តាល ។
តាមការឲ្យដឹងពីមន្ត្រីនគរបាលចរាចរថា នៅមុនពេលកើតហេតុ ជនរងគ្រោះឈ្មោះឡេង ភី ភេទប្រុស អាយុ៤៣ឆ្នាំ រស់នៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល បានបើករ៉ឺម៉កម៉ាក សាន់យ៉ាន់ពណ៌បៃតង អត់ស្លាកលេខ១គ្រឿងឌុបប្រពន្ធឈ្មោះ ទួន សុភី អាយុ៤១ឆ្នាំ និងកូនស្រីឡេង ផានី អាយុ១៨ឆ្នាំ ព្រមទាំងបន្លែពេញរ៉ឺម៉កឆ្ពោះមកលក់នៅភ្នំពេញ។ លុះបើកមកដល់ចំណុចកើតហេតុ ស្រាប់តែមានរថយន្តម៉ាកទូយ៉ូតា មួយបាំងកន្លះ ពាក់ស្លាកលេខ ញ ០៨៧៩ ភព២ បើកបរដោយជន ស្រវឹងឈ្មោះជូរ សុធន់ អាយុ៣២ឆ្នាំ រស់នៅភូមិទួលត្នោត ឃុំគគីរ ស្រុកកៀនស្វាយ ខេត្តកណ្តាល ក្នុងទិសដៅបញ្ច្រាស់គ្នា បានរេចង្កូតទៅបុកពេញទំហឹងលើរ៉ឺម៉កជនរងគ្រោះបណ្តាលឲ្យស្លាប់បុរសជា ប្តីនៅនឹងកន្លែងកើតហេតុ ហើយនិងបណ្តាលឲ្យរងរបួសធ្ងន់ដែលរហូតមកដល់ពេលនេះនៅមិនទាន់ ដឹងពីវាសនាជនរងគ្រោះយ៉ាងណានៅឡើយ។
ប្រភពបានបន្តថា ក្រោយកើតហេតុ អ្នកបើករថយន្តមានបំណងគេចចេញពីកន្លែងកើតហេតុ ប៉ុន្តែ ដោយសាររថយន្តខូចខាត់ខ្លាំងទើបមិនអាចរត់រួច ហើយអ្នកដំណើរដែលឃើញហេតុការណ៍ក៏បាន ចាប់ក្របួច.កអាវអ្នកបើកបររថយន្តប្រគល់ជូនសមត្ថកិច្ច៕
