Khmer
English
Chinese
Frence
Vietnamese
Thai
ស្ថានទូតសហរដ្ឋអាមេរិកចូលរួមក្នុងពិព័ណ៌អប់រំ កម្ពុជា អាមេរិក
ដោយ ៖ ថ្ងៃទី 04 មេសា 2012ម៉ោង 10:55:34
ភ្នំពេញ៖ ស្ថានទូតសហរដ្ឋអាមេរិកនឹងចូលរួមក្នុងពិព័ណ៌អប់រំ កម្ពុជា-អាមេរិក ពីថ្ងៃទី ៧ ដល់ថ្ងៃទី ៨ ខែមេសា ឆ្នាំ ២០១២ នៅមជ្ឈមណ្ឌលសាលពិព័ណ៌កោះពេជ្រ អាគារ G។ ពិព័ណ៌នេះបើកអោយទស្សនិកជនចូលទស្សនាដោយឥតគិតថ្លៃ។ ស្ថានទូតសហរដ្ឋអាមេរិក និងសេវាផ្នែកអប់រំសហរដ្ឋអាមេរិកនឹងបង្ហាញកម្មវិធីផ្លាស់ប្តូរផ្នែកសិក្សាអប់រំ អាហារូបករណ៍ និងសេវាប្រឹក្សានានាដល់សាធារណ ជន។ តំណាងមកពីស្ថានទូតសហរដ្ឋអាមេរិក នឹងផ្តល់ព័ត៌មានផងដែរស្តីពីទិដ្ឋាការសំរាប់សិស្សសាលាទៅសិក្សានៅសហរដ្ឋអាមេរិក។
លោកភារធារីស្ថានទូត Jeff Daigle នឹងថ្លែងសុន្ទរកថាក្នុងពិធីបើកពិព័ណ៌អប់រំ កម្ពុជា អាមេរិក នៅថ្ងៃទី ៧ ខែមេសា វេលាម៉ោង ៩ ព្រឹក នៅមជ្ឈមណ្ឌលសាលពិព័ណ៌កោះពេជ្រ អាគារ G។ ផ្នែកសារព័ត៌មានត្រូវបានអញ្ជើញអោយចូលរួមក្នុងពិធីបើកនោះ។
ពិព័ណ៌អប់រំ កម្ពុជា អាមេរិកត្រូវបានរៀបចំឡើងដោយក្រុមហ៊ុន Ruwan Hullugalle & Company ដោយសហការជាមួយស្ថានទូតសហរដ្ឋអាមេរិកនៅប្រទេសកម្ពុជា និងផ្នែកសេវាអប់រំ អាមេរិក Education USA ។ នេះគឺជាពិព័ណ៌អប់រំលើកដំបូងហើយ ដោយមាននាំស្ថាប័នអប់រំអាមេរិក មកកាន់ប្រទេសកម្ពុជា ដើម្បីបង្ហាញពីកម្មវិធីរបស់គេ ជាមួយនឹងវិទ្យាស្ថានអប់រំល្អៗរបស់កម្ពុជា ដល់ សិស្សានុនិស្សិតកម្ពុជា និងគ្រួសាររបស់គេ។ ពិព័ណ៌នេះនឹងបង្ហាញជាពិសេសនូវវិទ្យាស្ថានអប់រំអាមេរិក និងកម្ពុជាចំនួនជាង ២០ ហើយមានក្រុមវាគ្មិនពិភាក្សាលើប្រធានបទនានា ដូចជាអាហាររូបករណ៍ ការ ត្រៀមរៀបចំសំរាប់ការធ្វើតេស្ត និងជីវិតជានិស្សិតជាដើម។ល។ ៕
.jpg)
