Khmer
English
Chinese
Frence
Vietnamese
Thai
សមត្ថកិច្ចជំនាញបើកភ្លើងខៀវឱ្យឈ្មួញនេសាទក្នុងដែនឡូត៍អភិរក្ស
ដោយ ៖ ចន្ថា ថ្ងៃទី 05 មេសា 2012ម៉ោង 08:21:24
ខេត្ដកំពង់ឆ្នាំង ៖ បើតាមប្រភព មួយបានឱ្យដឹងថា នៅក្នុងដែនឡូត៍ អភិរក្សក្នុងភូមិសាស្ដ្រ ឃុំផាត់សណ្ដាយ ស្រុកកំពង់ស្វាយ ខេត្ដកំពង់ធំ ដែលមាន ព្រំប្រទល់ជាប់ស្រុកបរិបូរណ៍ខេត្ដកំពង់ ឆ្នាំង កំពុងតែមានសកម្មភាពហ៊ុមអួន ទាញដោយកម្លាំងម៉ាស៊ីនជាច្រើនវង់ ចាប់ត្រី ដោយឧបករណ៍នេសាទខុស ច្បាប់ ហើយប្រព្រឹត្ដនៅក្នុងដែនអភិរក្ស ទៀតផង ។ ការធ្វើសកម្មភាពនេះ គេ បានប្រទះឃើញអួនហ៊ុមចំនួន៦វង់ទាញ ដោយកម្លាំងម៉ាស៊ីន មានប្រវែងពី ១០០ទៅ២០០ម៉ែត្រនិងមានក្រឡាទំហំ មួយហ៊ុនកន្លះធ្វើសកម្មភាពចាប់ត្រី ទាំងកណ្ដាលថ្ងៃដោយពុំខ្លាចអ្វីនោះឡើយ។
បើតាមប្រភពឱ្យដឹងទៀតថា មូល ហេតុដែលម្ចាស់អួនធ្វើសកម្មភាពពុំ ខ្លាចនរណា នោះដោយសារតែម្ចាស់ អួនទាំងនោះបានបង់ប្រាក់ទៅឱ្យមន្ដ្រី ជំនាញក្នុង១វង់តម្លៃ១០ម៉ឺនរៀល ចំណែក ឯសមត្ថកិច្ចពាក់ព័ន្ធផ្សេងទៀតចាប់ពី ៧ម៉ឺនទៅ៨ម៉ឺនរៀល។
ពាក់ព័ន្ធករណីនេះមេឃុំផាត់សណ្ដាយ បានប្រាប់តាមទូរស័ព្ទថា លោកមិនដឹង ទេរឿងនេះ ព្រោះលោកកំពុងតែប្រជុំនៅ ខេត្ដកំពង់ធំ ។ ករណីនេះត្រូវបានបង្ហើប ឱ្យដឹងថា ដោយសារអាជ្ញាធរឃុំនិង មន្ដ្រីជំនាញបានប្រាប់ទៅឈ្មួញទាំងនោះឱ្យនេសាទទៅ ហើយបង់កម្រៃទៅមន្ដ្រី ទាំងនោះផង ។ ករណីនេះប្រជាពលរដ្ឋ ធម្មតា បានស្នើឱ្យក្រសួងកសិកម្មជួយ ពិនិត្យឡើងវិញផង បើពុំដូចនោះទេ ដែនអភិរក្សនិងអស់ត្រីរលីងគ្មានសល់ នោះឡើយ។ ដោយសារតែឈ្មួញនិង មន្ដ្រីអាជា្ញធរមន្ដ្រីជំនាញត្រូវរ៉ូវគ្នា បំផ្លាញដែនអភិរក្សអស់ហើយ ៕
