Khmer
English
Chinese
Frence
Vietnamese
Thaiស្នេហានំធំជាងនាឡិ ៖ ម្ដាយឪពុកដើររកវិលក្បុង បែរជាកូនស្រីរត់តាមប្រុស
ដោយ ៖ ស្អាង ជ័យ|ថ្ងៃទី 23 មេសា 2012 ម៉ោង 17:28:22
ខេត្ដកណ្ដាល ៖ ជារឿងថ្មីមួយដែល ស្នេហាទុំមុនស្រគាលរបស់យុវវ័យ២រូប បានលួចស្រឡាញ់គ្នាមិនឱ្យឪពុកម្ដាយដឹង ហើយនៅពេលដែលពួកគេកំពុងមាន ចិត្ដភ្លើតភ្លើននឹងស្នេហាបែរជាដឹកដៃ គ្នារត់ចាកចេញពីផ្ទះទៅដេកក្នុងផ្ទះ សំណាក់បូជាព្រហ្មចារីរវាងគ្នានិងគ្នា ទៅវិញ ធ្វើឱ្យឪពុកម្ដាយវិលក្បុង ។
ហេតុការណ៍នេះកើតឡើងតាំងពីថ្ងៃ ចូលឆ្នាំខ្មែរមកម្ល៉េះ ដោយសារតែយុវវ័យ ភ្លើតភ្លើននឹងល្បែងស្នេហាមួយគូនេះ ធ្វើឱ្យមានអំពល់ទុក្ខដល់ឪពុកម្ដាយដើរ រកគ្រប់ទីកន្លែង តែរកមិនឃើញ ។ លុះមក ដល់ថ្ងៃទី២៣ខែមេសាឆ្នាំ២០១២ ទើប ដឹង បន្ទាប់ពីបានវិលត្រឡប់មកផ្ទះវិញ ខណៈដែលឪពុកម្ដាយបានដាក់ពាក្យ បណ្ដឹងទៅនគរបាលប៉ុស្ដិ៍ឱ្យជួយអន្ដរា គមន៍រួចទៅហើយនោះ ។
យុវជនដែលភ្លើតភ្លើននឹងល្បែងស្នេហា ដូចមមាចឃើញភ្លើងនេះត្រូវបានគេ ស្គាល់ឈ្មោះ វណ្ណៈ ប្រុសពេជ្រ អាយុ១៩ ឆ្នាំ គ្មានការងារធ្វើពិតប្រាកដ ។ រីឯយុវនារី ដែលលង់នឹងស្នេហារត់ចោលផ្ទះធ្វើឱ្យ ឪពុកម្ដាយដើររកវិលក្បុងនេះដែរឈ្មោះ កេត ចន្ទ្រា អាយុ១៧ឆ្នាំ ។ អ្នកទាំង២រស់ នៅភូមិព្រែកថី ឃុំរកាខ្ពស់ ស្រុកស្អាង ខេត្ដកណ្ដាល ។
ប្រភពព័ត៌មានពីមន្ដ្រីនគរបាលប៉ុស្ដិ៍ រកាខ្ពស់បានឱ្យដឹងថា កាលពីថ្ងៃទី១៥ ខែមេសាឆ្នាំ២០១២ ម្ដាយនារីកេត ចន្ទ្រា បានទៅដាក់ពាក្យបណ្ដឹងនៅនគរបាល ប៉ុស្ដិ៍ឱ្យជួយរកកូនស្រីរបស់គាត់(កេត ចន្ទ្រា) បន្ទាប់ពីបាត់ខ្លួនមិនដឹងទៅទីណា។ ចាប់ពីពេលនោះមក សមត្ថកិច្ចបានជួយ ស្វះស្វែងរកកូនស្រីនេះដែរ តែរកមិន ឃើញ លុះរហូតមកដល់ថ្ងៃទី២៣ខែមេសា ទើបឃើញម្ដាយនិងកូនស្រី រួមនឹងយុវជន ជាគូស្នេហ៍របស់កូនស្រីបានដឹកដៃគ្នាទៅ នគរបាលប៉ុស្ដិ៍ដើម្បីដកពាក្យបណ្ដឹង បន្ទាប់ពីដឹងថា ពួកគេបានវិលត្រឡប់ មកផ្ទះវិញ និងសុំឱ្យឪពុកម្ដាយរៀបការ ស្របច្បាប់ ។
មន្ដ្រីនគរបាលបានឱ្យដឹងទៀតថា ក្រោយពេលស្ដ្រីរូបនេះដកពាក្យបណ្ដឹង ធ្វើឱ្យនគរបាលហួសចិត្ដ ព្រោះពុំនឹកស្មាន ថា យុវវ័យទាំង២រូបនេះធ្វើឱ្យឪពុកម្ដាយ ស្រក់ទឹកភ្នែក ដោយសារតែពួកគេភ្លើត ភ្លើននឹងល្បែងស្នេហា រត់តាមគ្នាចោល ផ្ទះអស់ជាច្រើនថ្ងៃ ។
តាមការអះអាងរបស់យុវជន វណ្ណៈ ប្រុសពេជ្រ បានឱ្យដឹងថា រូបគេនឹងនាង កេត ចន្ទ្រា បានស្រឡាញ់គ្នាអស់រយៈ ពេលជាង១ឆ្នាំមកហើយ ប៉ុន្ដែមិនបានធ្វើ អ្វីឱ្យខុសនឹងប្រពៃណីនោះទេ ។ លុះរហូត មកដល់ថ្ងៃទី១៤ខែមេសា ខណៈដែលខ្លួន កំពុងនៅផ្ទះ ស្រាប់តែនាង កេត ចន្ទ្រា បានទូរស័ព្ទបបួលគ្នារត់ ដោយមិនឱ្យ ឪពុកម្ដាយដឹងឡើយ ។ លុះស្អែកឡើង រូបគេក៏បានណាត់ជួបនាង រួចបបួលគ្នា រត់ទៅផ្ទះបងប្អូននៅខេត្ដកំពត ហើយ ពេលនោះឪពុកម្ដាយទាំងសងខាងបាន ស្វះស្វែងព្យាយាមរកតាមរយៈទូរស័ព្ទ តែពួកគេបានប្រាប់ថា សូមពុកម៉ែកុំព្រួយ បារម្ភអី ពួកគេទាំង២នាក់កំពុងរស់នៅ ផ្ទះបងប្អូននៅខេត្ដកំពតសុខសប្បាយជា ធម្មតាទេ ។
វណ្ណៈ ប្រុសពេជ្រ បានឱ្យដឹងទៀតថា ការបោះបង់ចោលផ្ទះរបស់ពួកគេ គឺ ដោយសារតែចង់ឱ្យចាស់ទុំទទួលស្គាល់ គេជាប្ដី-ប្រពន្ធស្របច្បាប់ប៉ុណ្ណោះ គឺពុំ មានចេតនាធ្វើអ្វីលើសពីនេះទៀតទេ ។ ទោះយ៉ាងណា វណ្ណៈ ប្រុសពេជ្រ និងនាង កេត ចន្ទ្រា បានអះអាងប្រាប់ឪពុកម្ដាយ ទាំងសងខាងថា ខ្លួនគេបានបូជាព្រហ្មចារី រវាងគ្នានិងគ្នារួចទៅហើយ ដូច្នេះសូមឱ្យ ចាស់ទុំផ្សំផ្គុំពួកគេជាគូអនាគតទៅ ។
ចំណែកនាង កេត ចន្ទ្រា ក៏បានអះអាង ឱ្យដឹងផងដែរថា រូបនាងបានស្រឡាញ់ វណ្ណៈ ប្រុសពេជ្រ ច្រើនឆ្នាំមកហើយដែរ ដូច្នេះពេលនេះមិនបាច់រៀបការដោយ គ្រាន់តែសែនព្រេនក៏បានដែរ ដើម្បីកុំឱ្យ ខាតលុយ ទុកលុយរកស៊ីពេលរៀបការរួច។
ស្នេហាទុំមុនស្រគាលរបស់កំលោះ ក្រមុំមួយគូនេះធ្វើឱ្យគេហួសចិត្ដគ្រប់ៗ គ្នា ដែលវាហាក់បីដូចជានំមិនធំជាង នាឡិ ដែលក្នុងសម័យនេះគេនិយាយថា នាឡិលែងធំជាងនំទៀតហើយ ដូច្នេះអ្នក ស្រឡាញ់ប្រពៃណីទំនៀមទម្លាប់ខ្មែរកំពុង ខកចិត្ដនឹងទស្សនៈខាងលើនេះខ្លាំងណាស់ ជាក់ស្ដែងដូចកំលោះ-ក្រមុំមួយគូនេះ ដែលមានអាយុមិនទាន់ពេញវ័យរៀបការ ស្រួលបួលដើម្បីទទួលខុសត្រូវក្នុងគ្រួសារ ផង ពួកគេធ្វើឱ្យនំធំជាងនាឡិបាត់ទៅ ហើយ ៕
.gif)
.jpg)
