Khmer
English
Chinese
Frence
Vietnamese
Thaiក្លាយជាសេដ្ឋីដោយសារលាមកឆ្កែ
ដោយ ៖ ម៉ែវ សាធី|ថ្ងៃទី 27 មេសា 2012 ម៉ោង 14:25:18
ជាមួយនឹងការងារដែលគេមិននឹក ស្មានដល់នោះគឺ ការប្រមូលកើបអាចម៍ ឆ្កែ គូស្វាមីភរិយាមួយគូនៅអាមេរិក រកបានប្រាក់រាប់លានដុល្លារក្នុងមួយឆ្នាំៗ។
លោក Jacob D” Aniello ជាអ្នក បង្កើតក្រុមហ៊ុន Doody Calls ផ្ដល់សេវា កម្មប្រមូលកើបលាមកនៅរដ្ឋវឺជីននៀ សហរដ្ឋអាមេរិក បានឱ្យដឹងថា “ការ បោសសម្អាតកើបលាមកឆ្កែនៅទីសា ធារណៈជាគំនិតដែលចាប់អារម្មណ៍បំផុត របស់យើងខ្ញុំ ។ ពេលបង្កើតក្រុមហ៊ុននៅ ឆ្នាំ២០០០ យើងមិនទាន់អាចសន្និដ្ឋាន បាននូវរឿងអ្វីមួយនោះឡើយ ហើយគ្មាន នរណាម្នាក់ដឹងថាក្រុមហ៊ុនកើបលាមក ឆ្កែដំណើរការបែបណានោះឡើយ” ។
លោក Jacob និងភរិយា Susan បាន ឱ្យដឹងថា មានមនុស្សជាច្រើនចូលចិត្ដ ស្រឡាញ់សត្វឆ្កែ ប៉ុន្ដែអ្នកទាំងនោះបែរ ជាស្អប់ការងារបោសសម្អាតលាមកឆ្កែ ដែលនៅពាសវាលពាសកាល ។ ទាំង នោះហើយជាឱកាសសម្រាប់ក្រុមហ៊ុន បោសសម្អាតលាមកឆ្កែដំណើរការបាន យ៉ាងល្អប្រសើរ ។ អតិថិជនរបស់ក្រុមហ៊ុន គ្រាន់តែចំណាយប្រាក់១៥ដុល្លារប៉ុណ្ណោះ ក្នុងមួយសប្ដាហ៍សម្រាប់បោសសម្អាត លាមកឆ្កែ១ក្បាល ។ បុគ្គលិករបស់ក្រុម ហ៊ុននឹងទៅដល់កន្លែងដែលអតិថិជនបាន ស្នើឱ្យទៅបោសសម្អាតលាមកឆ្កែនៅ ទីនោះ ។
ប្រធានក្រុមហ៊ុនបោសសម្អាតលាមក ឆ្កែ Jacob បន្ដទៀតថា អតិថិជនរបស់ខ្លួន មិនត្រឹមតែសងប្រាក់សម្រាប់បោស សម្អាតលាមកឆ្កែដែលមានក្លិនអាក្រក់ នោះឡើយ គឺដើម្បីពួកគាត់សន្សំសំចៃ ពេលវេលាសម្រាប់សកម្មភាពលំហែ កាយនោះផង ។ ប្រសិនបើមិនចូលក្រុម ហ៊ុនបោសសម្អាតលាមកឆ្កែទេនោះ គឺ ក្នុងមួយថ្ងៃៗអាចចំណាយពេលយ៉ាងតិច ១០នាទីដើម្បីបោសសម្អាតលាមកឆ្កែ របស់ខ្លួន ។
ប្រាក់ចំណូលរបស់ក្រុមហ៊ុនបោស សម្អាតលាមកឆ្កែ DoodyCalls ក្នុងឆ្នាំ ២០១១មានរហូតដល់៤,៥លានដុល្លារ ច្រើនជាងឆ្នាំ២០០៩ដែលមានតែ២,៩ លានដុល្លារប៉ុណ្ណោះ ។ បច្ចុប្បន្នក្រុមហ៊ុន មានសាខាផ្ដាច់មុខ៥៥កន្លែងនៅ២២រដ្ឋ ក្នុងប្រទេសអាមេរិក ។ គោលដៅរបស់ ក្រុមហ៊ុននឹងពង្រីកសាខាបន្ថែម២៥០ កន្លែងទៀតក្នុងមួយទសវត្សខាងមុខ ។
ជាមួយនឹងសេវាកម្មប្រមូលលាមក ឆ្កែរបស់លោក Jacob បានជួយឱ្យក្រុម គ្រួសាររបស់លោករកបានប្រាក់រាប់លាន ដុល្លារក្នុងមួយឆ្នាំៗ គឺប្រាក់ចំណូលដែល គ្មាននរណានឹកស្មានដល់ថាលោកទទួល បានអាស្រ័យដោយលាមកឆ្កែនោះឡើយ ៕
