Khmer
English
Chinese
Frence
Vietnamese
Thai
ភ្ញៀវទេសចរខានឃើញនិងជិះឡូរីកម្សាន្ដនៅ ខេត្ដបាត់ដំបងទៀតហើយនាពេលដ៏ខ្លីខាងមុខ
ដោយ ៖ គឹម សុខជា ថ្ងៃទី 28 មេសា 2012ម៉ោង 08:39:58
ខេត្ដបាត់ដំបង ៖ រូបរាងឡូរីដែលជា ឧបករណ៍កែច្នៃសម្រាប់ដឹកភ្ញៀវទេសចរ ជិះលេងកម្សាន្ដពីរ៉ាមួយទៅរ៉ាមួយទៀត ត្រូវបានបញ្ចប់អាជីពហើយបន្ទាប់ពី រាជរដ្ឋាភិបាលបានអភិវឌ្ឍកសាងផ្លូវ ដែកជាថ្មីនាពេលដ៏ខ្លីខាងមុខនេះ ។ ពលរដ្ឋ ប្រកបរបររត់ឡូរីលើផ្លូវដែក២៦គ្រឿង នៅស្ថានីយរថភ្លើងអូរដំបងបានសម្ដែង ការព្រួយបារម្ភកាលពីព្រឹកថ្ងៃទី២៧ ខែមេសាឆ្នាំ២០១២ ដោយមិនដឹងទៅរក ធ្វើការអ្វីផ្សេងទៀតទេ ។
បុរសអាយុវ័យកណ្ដាលម្នាក់នៅភូមិ អូរដំបង ដែលមានអាជីពរត់ឡូរីបាន រៀបរាប់ប្រាប់ពីប្រវត្ដិឡូរីនៅក្នុងសម័យ បារាំងសេសកាន់កាប់កម្ពុជាហើយធ្វើផ្លូវ រថភ្លើងនេះ គឺជាមធ្យោបាយមួយសម្រាប់ កម្មករធ្វើផ្លូវជិះល្បាតកាប់ព្រៃដែលដុះ នៅលើផ្លូវដែកមុនពេលរថភ្លើងធ្វើ ដំណើររៀងរាល់ថ្ងៃពីចន្លោះរ៉ាមួយទៅរ៉ា មួយទៀត ។ ប៉ុន្ដែកាលណោះឡូរីដែល កម្មកររថភ្លើងជិះមើលផ្លូវដែកពុំមាន ដាក់ម៉ាស៊ីនទេ គឺដោលនឹងថ្នោល២ទៅ៤ ថ្នោល(ថ្នោលមួយដោលម្នាក់)និងដឹក សម្ភារជួសជុលធ្វើផ្លូវដែកនិងដាក់ថ្ម កំណល់ ។
លោកអ៊ិត សន អ្នកប្រកបរបររត់ឡូរី បានបញ្ជាក់ថា ក្រោយថ្ងៃរំដោះ៧មករា ឆ្នាំ១៩៧៩ ប្រទេសកម្ពុជាបានរងការ បំផ្លិចបំផ្លាញខូចខាតខ្ទេចខ្ទាំទាំងហេដ្ឋា រចនាសម្ព័ន្ធគ្រប់វិស័យ ។ កាលណោះផ្លូវ ថ្នល់ក៏លំបាកធ្វើដំណើរ គ្មានមធ្យោបាយ ដឹកជញ្ជូនដែលធ្វើឱ្យប្រជាពលរដ្ឋលំបាក ដឹកជញ្ជូនកសិផលដែលផលិតបានយក ទៅលក់ដូរលើទីផ្សារណាស់ ។ នៅពេល នោះមានអតីតកម្មកររថភ្លើងម្នាក់បាន យកឡូរីនេះមកដឹកជញ្ជូនស្រូវអង្ករពីរ៉ា រាំងកេសី ទៅដល់រ៉ាអូរដំបងនេះ រួចដឹក បន្ដតាមកង់តាមរទេះអូសទឹកបន្ដទៅ ដល់ផ្សារថ្មី(ផ្សា១៣មករា)ដើម្បីលក់ដូរ ។
ចាប់ពីពេលនោះមកក៏មានប្រជាជន មួយចំនួនបានកែច្នៃយកថាស់កង់ឡាន តូច(វង់១៣)ដាក់ភ្លៅតម្រូវផ្លូវដែក សម្រាប់ ដឹកជញ្ជូនបន្លែបង្ការស្រូវអង្ករ មកផ្សារដើម្បីលក់ ។ អ្នកខ្លះក៏បានយក ទៅរត់ស៊ីឈ្នួលដឹកជញ្ជូន ប៉ុន្ដែកាល ណោះ គឺដោលនឹងថ្នោលឬមនុស្សជួយ រុញ ប៉ុន្ដែការកែច្នៃនាពេលនោះមិនអាច ប្រើបានយូរទេព្រោះថាសកង់ឡានរហ័ស បែកសឹកខូចនិងដឹកក៏មិនបានច្រើន ដែរ(ទ្រទម្ងន់មិនបានច្រើន)។ រហូតមក ដល់ឆ្នាំ២០០០ ពលរដ្ឋដែលប្រកបរបរ រត់ឡូរីបានកែច្នៃយកដុំកង់រថក្រោះមក ក្រឡឹងធ្វើដាក់ភ្លៅដាក់ខ្សែពានអូសដោយ ម៉ាស៊ីនសាំងតូចដែលជួយសម្រាល កម្លាំងមនុស្សបាន មិនតែប៉ុណ្ណោះអាច ដឹកស្រូវអង្ករបានចំនួន៣០ទៅ៤០បាវ ស្មើនឹងទម្ងន់៣តោនយ៉ាងងាយ ។ បន្ទាប់ មកឡូរីត្រូវបានពលរដ្ឋកែច្នៃដោយយក ដុំកង់រថក្រោះឬដុំកង់ត្រាក់ទ័រកង់ច្រវាក់ មកក្រឡឹងធ្វើតម្រូវនឹងផ្លូវដែកដាក់ ម៉ាស៊ីនអូសខ្សែពានបានក្លាយទៅជា មធ្យោបាយដឹកជញ្ជូនអ្នកទេសចរទាំង ជាតិនិងអន្ដរជាតិជិះលេងកម្សាន្ដលើផ្លូវ ដែករថភ្លើងទៅមកក្នុងចន្លោះពីរ៉ាអូរ ដំបងទៅរ៉ារាំងកេសីក្នុងស្រុកសង្កែខេត្ដ បាត់ដំបងប្រមាណជាង៧គីឡូម៉ែត្រ ប៉ុណ្ណោះ ។
លោកអ៊ិត សន បាននិយាយថា ភ្ញៀវ ទេសចរជាតិដែលជិះពីរ៉ាអូរដំបងទៅរ៉ា រាំងកេសីគឺតម្លៃតែ១០ដុល្លារ ទោះជា មានគ្នា៥ទៅ៧នាក់ក៏ជិះបានដែរ(ក្នុង មួយជើងឡូរី) ។ ចំណែកភ្ញៀវទេសចរ អន្ដរជាតិវិញ បើជិះឡូរីលេងកម្សាន្ដ នោះក្នុងម្នាក់តម្លៃ៥ដុល្លារហើយត្រូវ ឱ្យកម្រិតទឹកតែទៅអ្នករត់ម៉ូតូរ៉ឺម៉កកង់បី ពាក់កណ្ដាល ពីព្រោះភ្ញៀវទេសចរនេះ ត្រូវគេដឹកទៅមកមិនដូច្នោះទេយើង (ម្ចាស់ឡូរី)គ្មានភ្ញៀវដឹកទេ ។ ការរកប្រាក់ ចំណូលប្រចាំថ្ងៃអាចចិញ្ចឹមក្រុម គ្រួសាររស់នៅស្រួលដែរ ដោយក្នុង មួយថ្ងៃអាចរកប្រាក់បានពី២០ទៅ៣០ ដុល្លារទៅតាមរដូវមានភ្ញៀវទេសចរ មកលេងកម្សាន្ដច្រើនឬតិច ។
លោកនូ សេង នាយផ្នែកទំនាក់ទំនង សាធារណៈនគរបាលទេសចរខេត្ដបាត់ ដំបង បានឱ្យដឹងថា កាលមុនពលរដ្ឋនៅ ភូមិអូរដំបងប្រកបរបររត់ឡូរីនេះមាន ការប្រជែងគ្នាបង្កជម្លោះវាយតប់គ្នា ដណ្ដើមភ្ញៀវទេសចរដឹកធ្វើឱ្យបង្កអសន្ដិ សុខនិងរំខានអារម្មណ៍ភ្ញៀវ ។ ឃើញដូច្នេះ នគរបាលទេសចរបានចុះមកបង្កើត សហគមន៍ពលរដ្ឋប្រកបរបររត់ឡូរី នេះបានចំនួន២៦នាក់ដាក់វេនគ្នាដឹក ភ្ញៀវតែម្ដង ៕
.jpg)
