Khmer
English
Chinese
Frence
Vietnamese
Thai
ទេសចរណ៍បន្ទាយសត្វស្លាបទឹកនៅតំបន់ព្រែកទាល់ ខេត្ដបាត់ដំបង
ដោយ ៖ ថ្ងៃទី 08 ឧសភា 2012ម៉ោង 12:37:55
ខេត្ដបាត់ដំបង ៖ សត្វស្លាបទឹកនៅ តំបន់ស្នូលព្រែកទាល់ កំពុងមានចំនួន កើនឡើងច្រើន ក្រោយពីរាជរដ្ឋាភិបាល បានចាត់វិធានការអភិរក្សតាំងពីឆ្នាំ ១៩៩៩មក។ ទន្ទឹមគ្នានេះតំបន់សត្វ ស្លាបនេះ ក៏កំពុងទាក់ទាញភ្ញៀវទេសចរ បរទេសឱ្យចូលទៅទស្សនាផងដែរ។
ក្រុមមន្ដ្រីឧទ្យានុរក្សការពារនៅ តំបន់ព្រែកទាល់បានសម្ដែងក្ដីព្រួយ បារម្ភថា សត្វស្លាបទឹកនៅតំបន់ ព្រែក ទាល់នោះ នៅតែបន្ដរងគ្រោះ ដោយ សារកម្លាំងអភិរក្សការពារនៅតំបន់នោះ នៅពុំទាន់មានចំនួនគ្រប់គ្រាន់តាម តម្រូវការជាក់ស្ដែង។
មធ្យោបាយធ្វើដំណើរទៅទស្សនា សត្វស្លាបទឹកនៅព្រែកទាល់មានតែការ ជិះទូកកាណូត។ ភ្ញៀវទេសចរទាំងអស់ ពួកគេអាចទៅកម្សាន្ដនៅទីនោះបាន ដោយចាប់ផ្ដើមចេញដំណើរពីខេត្ដ បាត់ដំបង ទៅខេត្ដសៀមរាប។ មុន ពេលចូលដល់បន្ទាយសត្វស្លាបទឹកនោះ ពួកគេនិងបានឃើញនៅអមមាត់ស្ទឹង មានផ្ទះនៅក្នុងភូមិបណ្ដែតទឹកក្នុងទឹក បឹងទន្លេសាប។ នៅតាមផ្លូវទឹក មើល ឃើញមានឧបករណ៍នេសាទត្រី ដូចជា ទូកកាណូត ឆ្នុកចាប់ត្រី បែចិញ្ចឹមត្រី មានទូកនេសាទទូកធំៗ ខ្លះ មានដំបូល ជ្រកសម្រាប់ស្នាក់អាស្រ័យថែមទៀត។
នៅពេលធ្វើដំណើរតាមកាណូតចូល តាមដៃព្រែកនៃបឹងទន្លេសាប ទៅដល់ទី ជម្រកសត្វស្លាបទឹកដែលកំពុងរស់នៅ នៅរដូវប្រាំងនេះ។ គេសង្កេតឃើញមាន សត្វស្លាបជាច្រើនប្រភេទ កំពុងរស់ នៅទីនោះ។ សត្វស្លាបខ្លះ កំពុងហែល ទឹករកចាប់ត្រីធ្វើជាចំណី និងសត្វស្លាប ខ្លះទៀត កំពុងទុំនៅលើដើមឈើដែល នៅអមសងខាងមាត់ព្រែកក្នុងព្រៃព្រោង ព្រាត។ សត្វស្លាបមួយចំនួន ហាក់បីដូច ជាស៊ាំ គឺមិនផ្អើលនឹងក្រុមអ្នកទេសចរ ដែលចូលទៅឃើញពួកវាទេ។
លោក ញ៉ែម សំអាត ជាមន្ដ្រី ឧទ្យាននុរក្សបន្ទាយសត្វស្លាបទឹកព្រែក ទាល់។ លោករៀបរាប់ថា តាមការ ប៉ាន់ប្រមាណសត្វស្លាប់ទឹក ដែលកំពុង អភិរក្សនៅក្នុងដែនបន្ទាយសត្វស្លាប ព្រែកទាល់នេះ មានចំនួនជាង៦ម៉ឺន ក្បាល។ បច្ចុប្បន្ន មានសត្វស្លាបទឹក ចំនួន១៣ប្រភេទទៀតកំពុងនាំគ្នាបង្កាត់ ពូជថែមទៀត។
សត្វស្លាបទឹកនៅតំបន់ព្រែកទាល់ មានជាច្រើនប្រភេទ។ សត្វស្លាបទឹក ទាំងនោះជាប្រភេទសត្វកម្រនៅភូមិ ភាគអាស៊ី។ ក្នុងនោះមាន សត្វស្មោញ សត្វរនាលស សត្វរនាលពណ៌ សត្វ ទុងស សត្វទុងប្រផេះ សត្វត្រដក់តូច ត្រដក់ធំ សត្វក្ងខ្លួនស សត្វអកត្រីក្បាល ប្រផេះ សត្វពពូលទឹក សត្វអង្កត់ខ្មៅ សត្វត្រកៀលខ្យង សត្វក្អែកទឹក កុក គ្រោងតូច កុកគ្រោងធំ ក្រសារធ្នង់ ក្រសារប្រផេះ និង សត្វក្វែកជាដើម។
ប្រភេទសត្វស្លាបទឹកទាំងនេះ កំពុង រស់នៅក្នុងព្រៃទឹកបឹងទន្លេសាបនៃតំបន់ ស្នូលព្រែកទាល់ ស្ថិតនៅភូមិព្រែកទាល់ ឃុំកោះជីវាំង ស្រុកឯកភ្នំ ខេត្ដបាត់ដំបង ដែលកំពុងគ្រប់គ្រងដោយក្រសួងបរិ ស្ថាន។
រាជរដ្ឋាភិបាលកម្ពុជាក្រសួងបរិស្ថាន បានចាប់ផ្ដើមអភិរក្សសត្វស្លាប់ទឹកដ៏ កម្រនៅ តំបន់ស្នូលព្រែកទាល់នេះ កាលពី ឆ្នាំ១៩៩៩។ ក្រោយមក នៅ អំឡុងឆ្នាំ២០០៥ ក៏បានបង្កើតមជ្ឈ មណ្ឌលគ្រប់គ្រងតំបន់ស្នូលព្រែកទាល់ ថែមទៀត។ មជ្ឈមណ្ឌលគ្រប់គ្រងតំបន់ ស្នូលព្រែកទាល់នេះ បានបោះទីតាំងស្ថិត នៅក្នុងភូមិព្រែកទាល់ ឃុំកោះជីវាំង ស្រុកឯកភ្នំ ខេត្ដបាត់ដំបង ដោយបាន សង់អគារថ្មខ្ពស់មួយ មានបន្ទប់ជាច្រើន សម្រាប់ផ្ដល់សេវាឱ្យភ្ញៀវទេសចរស្នាក់នៅបានថែមទៀត។
ភ្ញៀវទេសចរ ដែលធ្វើដំណើរពីខេត្ដ សៀមរាប ឬក៏ខេត្ដបាត់ដំបងទាំងនោះ ពួកគេត្រូវទៅសំចតនៅមជ្ឈមណ្ឌលគ្រប់គ្រងតំបន់ស្នូលព្រែកទាល់។ នៅតំបន់ ស្នូលព្រែកទាល់នោះ មានបង្កើតសហ គមន៍អេកូទេសចរសម្រាប់ផ្ដល់សេវា ជូនភ្ញៀវទេសចរតាមរយៈការដឹកជញ្ជូន តាមទូកកាណូតជូនភ្ញៀវទៅទស្សនា សត្វនៅតាមដងព្រៃជាប់មាត់ព្រែក នានា ដែលជាជម្រកសត្វស្លាបទឹកជា ច្រើនប្រភេទកំពុងផ្ដុំគ្នារស់នៅទីនោះ។
មន្ដ្រីឧទ្យានុរក្សបន្ទាយសត្វស្លាបព្រែកទាល់បានអះអាងថា ចំនួនភ្ញៀវទេសចរ ធ្វើដំណើរទៅ ទស្សនាសត្វបានកើន ឡើងជាបន្ដបន្ទាប់រាល់ឆ្នាំ។
មជ្ឈមណ្ឌល បានកត់ត្រានូវគ្រប់ចំនួនភ្ញៀវ ដែល ទៅកម្សាន្ដ ដើម្បីជៀសវាងផលប៉ះពាល់ ទៅលើបន្ទាយសត្វស្លាបទឹក។ ចំណូល ដែលបានមកពីការលក់សំបុត្រចូល ទស្សនាអំណោយសប្បុរសធម៌ និងការ លក់ទំនិញផ្សេងៗ ត្រូវបានយកទៅប្រើ ប្រាស់ចំណាយលើការគ្រប់គ្រងតំបន់ ស្នូល។ ការបង្កើនមុខរបរទ្រទ្រង់ជីវភាព ដែលមិនប៉ះពាល់បរិស្ថាន។ ការអប់រំ បរិស្ថានដល់សិស្សសាលាក្នុងសហគមន៍។ ការថែរក្សា និងគ្រប់គ្រងមជ្ឈមណ្ឌល។ ការឧបត្ថម្ភការអភិវឌ្ឍសហគមន៍ មាន ភូមិបណ្ដែតទឹកចំនួន៥ ស្ថិតនៅជាប់និង តំបន់ស្នូលព្រែកទាល់។
ទោះជាយ៉ាងនេះក្ដីក្រុមមន្ដ្រីបរិស្ថាន បានលើកឡើងថា មន្ដ្រីឧទ្យានុរក្ស ដែល កំពុងបម្រើការការពារបន្ទាយសត្វស្លាប ទឹកនោះបច្ចុប្បន្នមានចំនួន៣២នាក់ ពួកគេបានផ្លាស់ប្ដូរវេនយាមគ្នាជាប្រចាំនៅបន្ទាយសត្វស្លាប។ ប៉ុន្ដែចំនួននេះ នៅពុំទាន់គ្រប់គ្រាន់ សម្រាប់តម្រូវ ការការពារបន្ទាយសត្វស្លាបទឹកដ៏កម្រចង់ផុតពូជដែលកំពុងរស់នៅលើផ្ទៃដី ព្រៃទំហំជាងពីរម៉ឺនហិកតារនោះបាន ទេ។
បញ្ហានេះ ធ្វើឱ្យគេមានក្ដីបារម្ភថា ប្រភេទសត្វស្លាបទឹក ដែលកំពុងរស់ នៅផ្ដុំគ្នានៅតំបន់ស្នូលព្រែកទាល់នោះ នៅតែអាចទទួលរងគ្រោះ ដោយគេជឿ ថា ក្រុមមនុស្សនៅតែអាចលបលួច ចូលទៅយកពងរបស់វានិងបាញ់សម្លាប់ យកមក ទទួលទានថែមទៀត៕
.jpg)
