Khmer
English
Chinese
Frence
Vietnamese
Thai
កសិករភ្ជួរដីចម្ការប្រទះឃើញរូប សំណាកព្រះកេសឧទ័យទិត្យវរ្ម័នទី២
ដោយ ៖ គឹម សុខជា ថ្ងៃទី 09 ឧសភា 2012ម៉ោង 14:20:09
ខេត្ដបាត់ដំបង ៖ រូបសំណាកព្រះ កេសព្រះបាទឧទ័យទិត្យវរ្ម័នទី២(ព្រះរាជ បុត្រព្រះបាទសូរិយវរ្ម័នទី១) ដែលកសាង ឡើងនាអំឡុងសតវត្សទី១១ ត្រូវប្រជា កសិករប្រទះឃើញពេលភ្ជួររាស់ដីធ្វើ ចម្ការ ហើយបានយកទៅប្រគល់ជូន មន្ទីរវប្បធម៌ស្រុកសំពៅលូន ដើម្បីទុក ជាបេតិកភណ្ឌជាតិ ។ កាលពីឆ្នាំ២០០៨ រូបសំណាកព្រះបាទឧទ័យទិត្យវរ្ម័នទី២ ផ្នែកដងខ្លួនមួយកំណាត់ក្រោយក៏ត្រូវ ពលរដ្ឋប្រទះឃើញនៅកប់ក្នុងដីជិត ចំណុចដែលគេកប់ព្រះកេសនេះដែរ ។
រដូវវស្សាបានមកដល់ប្រជាកសិករ បានសស្រាក់សស្រាំចុះភ្ជួរដីស្រែចម្ការ គ្រប់ទីកន្លែង។ ដោយឡែកនៅស្រុកសំពៅ លូន កសិករម្នាក់បានបើកត្រាក់ទ័រភ្ជួរ ចម្ការ ដើម្បីដាំដំណាំ ក៏ប្រទះឃើញព្រះ កេសឧទ័យទិត្យវរ្ម័នទី២ ប៉ះផាលត្រាក់ទ័រ បែកជា២ចម្រៀក ហើយយកទៅប្រគល់ ជូនមន្ទីរវប្បធម៌ខេត្ដបាត់ដំបងនៅថ្ងៃ កើតហេតុ ប្រយោជន៍ដើម្បីរក្សាទុកជា សម្បត្ដិជាតិ ។
ហេតុការណ៍ភ្ជួររាស់ឃើញវត្ថុបុរាណ នេះកើតឡើងកាលពីថ្ងៃទី៤ ខែឧសភា ឆ្នាំ២០១២ នៅចំណុចទួលប្រាសាទអណ្ដែត ស្ថិតក្នុងភូមិអូរក្រួស ឃុំសិរីមានជ័យ ស្រុកសំពៅលូន ខេត្ដបាត់ដំបង ។
កាលពីព្រឹកថ្ងៃទី៩ ខែឧសភា ឆ្នាំ ២០១២ លោកគឹម សោភ័ណ្ឌ ប្រធាន ការិយាល័យបេតិកភណ្ឌនៃមន្ទីរវប្បធម៌ ខេត្ដបាត់ដំបង បានឱ្យដឹងថា រូបសំណាក ព្រះកេសព្រះអង្គឧទ័យទិត្យវរ្ម័នទី២(ជា នាមព្រះរាជបុត្រព្រះបាទសូរិយវរ្ម័នទី១) ត្រូវបានកសិករម្នាក់ឈ្មោះសុខ ប៊ុនស្រ៊ុន ភេទប្រុស អាយុ៤៩ឆ្នាំ ប្រទះឃើញកប់ នៅក្នុងដីពេលដែលគាត់បើកត្រាក់ទ័រ ភ្ជួររាស់ដីចម្ការរបស់គាត់ កាលពីព្រឹក ថ្ងៃទី៤ ខែឧសភា ឆ្នាំ២០១២ ។
លោកបន្ដថា ក្រោយពេលគាត់ប្រទះ ឃើញរូបសំណាកព្រះកេសនោះរួចមក គាត់បានរើសយកទៅរៀបចំទុកដាក់ និង បានរាយការណ៍ជូនមន្ទីរវប្បធម៌ស្រុក សំពៅលូន ។ លុះល្ងាចថ្ងៃទី៤ ខែឧសភា ឆ្នាំ២០១២ ទើបប្រគល់ជូនមន្ទីរវប្បធម៌ ស្រុកដោយមានការចូលរួមពីលោក ភឿន ប៊ិញ មន្ដ្រីវប្បធម៌ស្រុកសំពៅលូន, លោកព្រហ្ម ជួន ប្រធានការិយាល័យ ធម្មការ និងសាសនាស្រុកសំពៅលូន និងលោកសួន ប៊ុនជឿន ប្រធានមន្ទីរ ធម្មការ និងសាសនាខេត្ដបាត់ដំបងផង ដែរ ។
លោកគឹម សោភ័ណ្ឌ បានបញ្ជាក់ថា កាលពីថ្ងៃទី២៩ ខែមេសា ឆ្នាំ២០០៨ នៅភូមិអូរក្រួសនេះក៏ពលរដ្ឋប្រទះឃើញ រូបសំណាកដងខ្លួនរបស់ព្រះអង្គឧទ័យទិត្យ វរ្ម័នទី២ដែរ ហើយនៅថ្ងៃទី៤ ខែឧសភា ឆ្នាំ២០១២កន្លងមកនេះ ក៏បានប្រទះ ឃើញព្រះកេសដែលនៅមិនឆ្ងាយពី កន្លែងដែលកប់ដងខ្លួនប៉ុន្មានទេ គឺប្រហែល ១៥ម៉ែត្រពីកន្លែងចាស់ប៉ុណ្ណោះ ។ លោក បន្ដថា ព្រះកេស និងដងខ្លួនព្រះបាទឧទ័យ ទិត្យវរ្ម័នទី២នេះ កសាងឡើងតាមរចនា ប័ទ្មបាពួន ក្នុងសតវត្សទី១១ មានកម្ពស់ ១១៥សង់ទីម៉ែត្រ ប៉ុន្ដែព្រះកេសមាន សម្បុរខុសពីដងខ្លួនដោយសារនៅកប់ ក្នុងដីយូរពេក ធ្វើឱ្យសារធាតុអាស៊ីតស៊ី ប្រែពណ៌ ។
ចំណែកព្រះកេសបែកជា២ចម្រៀក ដោយសារប៉ះទង្គិចនឹងផាលនង្គ័លក្រោយ ពេលប្រជាកសិករភ្ជួររាស់ធ្វើចម្ការ ប៉ុន្ដែ ត្រូវបានរៀបផ្គុំឡើងវិញរួចហើយ ៕
.jpg)
