អ្នកចម្រៀង​ក្រុម​តន្ដ្រី​ The​ Like​ Me’s​ កញ្ញា​ ឡូ​រ៉ា​ ម៉​ម​ មក​ដល់​ ប្រទេស​កម្ពុជា​

ដោយ​ ៖ សុខ ខេមរា ថ្ងៃទី 16 ឧសភា 2012ម៉ោង 13:24:54

​ភ្នំពេញ​ ៖​ កញ្ញា​ ឡូ​រ៉ា​ ដែល​អម​ ដំណើរ​ដោយ​អ្នកលេង​ហ្គី​តា​បាស​របស់​ ក្រុម​តន្ដ្រី​ The​ Like​ Me’s​ គឺ​កញ្ញា​ Helena​ Hong​ បាន​ធ្វើ​ដំណើរ​ពី​សហ​ រដ្ឋ​អា​មេ​រិ​កមក​ដល់​ ព្រ​លាន​យន្ដហោះ​ អន្ដរជាតិ​ភ្នំពេញ​កាលពី​ព្រឹក​ថ្ងៃ​ចន្ទ​ ហើយ​កញ្ញា​គ្រោង​នឹង​ស្នាក់​នៅ​ក្នុង​ រាជធានី​ភ្នំពេញ​រយៈពេល​ជាង​១​ខែ​។​

​កញ្ញា​ ឡូ​រ៉ា​ បាន​ប្រាប់​ពិធីករ​ប៉ុស្ដិ៍​ MyTV​ យ៉ាង​ដូច្នេះ​ថា​ “​ខ្ញុំ​មាន​អារម្មណ៍​ ហាក់ដូចជា​ស្ថិត​នៅ​ស្រុក​កំណើត​។​ ខ្ញុំ​ មាន​អារម្មណ៍​រំភើប​រីករាយ​ដែល​បាន​ មក​លេង​ស្រុក​ខ្មែរ​ និង​ជួបជុំ​បងប្អូន​ មិត្ដ​ ភក្ដិ​ និង​អ្នកគាំទ្រ​របស់ខ្ញុំ​ ”​ ។​

​កញ្ញា​ ឡូ​រ៉ា​ ពុំ​មាន​គម្រោង​រៀបចំ​ កម្មវិធី​ប្រគំ​តន្ដ្រី​ជា​ផ្លូវការ​នៅ​ទី​នេះ​ទេ​ ប៉ុន្ដែ​កញ្ញា​គ្រោង​នឹង​បង្ហាញខ្លួន​នៅ​ក្នុង​ កម្មវិធី​របស់​ទូរទស្សន៍​ CTN​ និង​ MyTV​ ។​ កញ្ញា​នឹង​ថត​វី​ដេ​អូ​ចម្រៀង​ មួយ​ចំនួន​ផង​ដែរ​ ខណៈ​ដែល​ស្នាក់​នៅ​ ក្នុង​ប្រទេស​កម្ពុជា​ ។​

​កញ្ញា​ ឡូ​រ៉ា​ ថ្លែង​បន្ថែម​យ៉ាង​ដូច្នេះ​ “​នេះ​ជា​ការ​ធ្វើ​ដំណើរ​ជា​លក្ខណៈ​ការ​ ងារ​។​ យើង​មាន​កាលវិភាគ​ដ៏​មមាញឹក​ ប៉ុន្ដែ​យើង​ពិតជា​ចង់​ជួប​ជាមួយ​អ្នក​ គាំទ្រ​របស់​យើង​ខ្លាំង​ណាស់​”​។​

​សមាជិក​ក្រុម​តន្ដ្រី​ The​ Like​ Me’s​ កញ្ញា​ Monique​ Coquilla​ និង​ Loren​ Alonzo​ ត្រូវ​គេ​រំពឹង​ថា​ នឹង​មក​ដល់​ ប្រទេស​កម្ពុជា​នៅ​ចុង​សបា្ដហ៍​នេះ​ដែរ​។​

​ថ្មីៗ​នេះ​ ក្រុម​តន្ដ្រី​ The​ Like​ Me’s​ បាន​ចេញផ្សាយ​វី​ដេ​អូ​ចម្រៀង​បទ​ “​ផ្កា​ ព្រហាម​រីក​ពព្រាយ​”​ និង​បទ​ “​ស្វា​រាំ​ មុន​ឃី​ស​”​ ជា​ផ្លូវការ​នៅ​ក្នុង​ប្រទេស​ កម្ពុជា​ ។​ បទ​ “​ផ្កា​ព្រហាម​រីក​ពព្រាយ​”​ ដែល​មាន​អ្នក​ទស្សនា​នៅ​លើ​អ៊ិ​ន​ធើ​ ណេ​ត​ជាង​ ៥០០.០០០​នាក់​ គឺជា​បទ​ ចម្រៀង​ដំបូង​របស់​ក្រុម​តន្ដ្រី​ The​ Like​ Me’s​ ដែល​បាន​ចេញផ្សាយ​នៅ​កម្ពុជា​ ។​ បទ​បន្ទាប់​គឺ​បទ​ “​ស្វា​រាំ​មុន​ឃី​ស​”​ ដែល​ កំពុង​ចាក់​ផ្សាយ​នៅ​លើ​កញ្ចក់​ទូរទស្សន៍​ MyTV​ និង​ CTN​។​

The​ Like​ Me’s​ គឺជា​ក្រុម​តន្ដ្រី​ ដែល​ មាន​សមាជិក​សុទ្ធតែ​ស្រី​ និង​មាន​ មូលដ្ឋាន​នៅ​រដ្ឋ​កាលី​ហ្វ័​រ​ញ៉ា​ភាគ​ខាង​ ជើង​។​ សមាជិក​ក្រុម​តន្ដ្រី​ រួម​មាន​ ឡូ​រ៉ា​ ម៉​ម​,​ ហេ​ឡិ​ណា​ ហុង​,​ Monique​ Coquilla​ និង​ Loren​ Alonzo​។​ ឡូ​រ៉ា​ និង​ ហេ​ឡិ​ណា​ ទាំង​២​នាក់​ គឺជា​អា​មេ​រិ​កាំ​ង​ ដើម​កំណើត​ខ្មែរ​។​ ចំណែកឯ​ Monique​ Coquilla​ និង​ Loren​ Alonzo​ គឺជា​ជន​ ជាតិ​អា​មេ​រិ​កាំ​ង​ដើម​កំណើត​ហ្វី​លី​ពិន​។​

​ក្រុម​តន្ដ្រី​ The​ Like​ Me’s​ បាន​ ទទួល​ប្រជាប្រិយភាព​ទាំង​នៅ​ក្នុងស្រុក​ និង​ក្រៅ​ស្រុក​ នៅ​លើ​អ៊ិ​ន​ធើ​ណេ​ត​ ជា​ មួយ​នឹង​ការ​យក​បទ​ចម្រៀង​ខ្មែរ​បុរាណ​ ទៅ​ច្រៀង​តាម​បែប​ទំនើប​។​ បេសកកម្ម​ របស់​ក្រុម​តន្ដ្រី​នេះ​ ដើម្បី​ធ្វើ​ឱ្យ​ឆាក​ តន្ដ្រី​របស់​ប្រទេស​កម្ពុជា​រស់​ឡើង​វិញ​ តាម​រយៈ​ការ​ផលិត​បទ​ចម្រៀង​ដើម​ ដោយ​ខ្លួនឯង​។​

​អ្នក​ចូល​ចិត្ដ​បទ​ចម្រៀង​ដែល​មាន​ បំណង​ចង់​ទាញ​យក​បទ​ចម្រៀង​ “​ស្វា​រាំ​ មុន​ឃី​ស​”​ របស់​ក្រុម​ The​ Like​ Me’s​ សម្រាប់​ទូរស័ព្ទ​ដៃ​ អាច​ផ្ញើ​ SMS​ លេខ​ កូដ​នេះ​៧០៣៤០៨​ ទៅ​កាន់​លេខ​ ២៧២៧ ៕
​