Khmer
English
Chinese
Frence
Vietnamese
Thaiកិច្ចពិភាក្សា Shangri-La ផ្ដោតទៅលើបញ្ហាក្ដៅជាច្រើនកំពុងកើតឡើង
ដោយ ៖ ម៉ែវ សាធី|ថ្ងៃទី 01 មិថុនា 2012 ម៉ោង 13:43:53
កិច្ចពិភាក្សា Shangri-La បានចាប់ផ្ដើមបើកឆាកនៅព្រឹកថ្ងៃទី១ ខែមិថុនា និងបញ្ចប់ទៅនៅថ្ងៃទី៣ ខែមិថុនា ឆ្នាំ២០១២ និងមានប្រធានបទក្ដៅជាច្រើនដែលត្រូវលើកយកមកពិភាក្សា ក្នុងនោះមានវិវាទរវាងចិននឹងហ្វីលីពីនជុំវិញទីប្រជុំកោះលិចទឹក Scarborough ។
នៅក្នុងកិច្ចពិភាក្សា Shangri-La ឆ្នាំនេះមានគណៈប្រតិភូរាប់រយនាក់ និងរដ្ឋមន្ដ្រីការពារជាតិ អ្នកឯកទេសសន្ដិ សុខអន្ដរជាតិមកពី២៨ប្រទេសជុំវិញពិភពលោក ។ រដ្ឋមន្ដ្រីការពារជាតិអាមេរិក លោក Leon Panetta ក៏ចូល រួមក្នុងកិច្ចពិភាក្សានោះដែរក្នុងដំណើរ បំពេញទស្សនកិច្ចនៅអាស៊ីរយៈពេល៤ថ្ងៃរបស់លោក ។
កិច្ចពិភាក្សាShangri-La ជាសន្ដិ បាតសន្ដិសុខទ្រង់ទ្រាយធំបំផុតដោយ មានការចូលរួមពីរដ្ឋមន្ដ្រីការពារជាតិ នៅក្នុងតំបន់ និងជុំវិញពិភពលោក ។ ដូច្នេះប្រធានបទដ៏ក្ដៅបំផុតក្នុងកិច្ច ពិភាក្សានេះគឺផ្ដោតជុំវិញដែនសមុទ្រ ចិនខាងត្បូង ក៏ដូចធានាសន្ដិសុខ ស្ថេរ ភាពនៅតំបន់អាស៊ីទាំងមូល ។
បញ្ហាដែនសមុទ្រចិនខាងត្បូងត្រូវបាន គេព្យាករណ៍ថា មានភាពក្ដៅជាងគេ បំផុតដោយសារតែសកម្មភាពថ្មីៗនេះ ស្ទើរតែឈានដល់ការផ្ទុះអាវុធដាក់គ្នា រវាងចិននឹងហ្វីលីពីន ។
នៅក្នុងកិច្ចពិភាក្សានោះក៏មានបញ្ហា ៣សំខាន់សម្រាប់អាមេរិកផងដែរហើយ ប្រាកដជាមានសំណួរជាច្រើនត្រូវចោទសួរអាមេរិកនៅទីនោះ ៖
ទី១-គឺយុទ្ធសាស្ដ្រយោធាថ្មីរបស់អាមេរិកដែលឆ្ពោះមកកាន់តំបន់អាស៊ីប៉ាស៊ីហ្វីក, ការជាប់ផុងសង្គ្រាមនៅអ៊ីរ៉ាក់ និងអាហ្គានីស្ថាន, អំពីផលប្រយោជន៍របស់អាមេរិកនៅតំបន់អាស៊ីប៉ាស៊ីហ្វិក។
ទី២-អាមេរិកត្រូវដោះស្រាយបែបណានៅក្នុងទំនាក់ទំនងហ្វីលីពីននឹងចិន? នេះជាសំណួរដ៏លំបាកបំផុតសម្រាប់អាមេរិក ដោយសារតែទីក្រុងប៉េកាំង និងទីក្រុងម៉ានីល សុទ្ធសឹងតែនាំមកនូវផលប្រយោជន៍ដល់អាមេរិក ហើយអាមេរិកឈរពីភាគីណាមួយនោះប្រាកដជាធ្វើឱ្យអាមេរិកខាតបង់យ៉ាងច្រើន ។ លើសពីនេះទៅទៀត បញ្ហាវិវាទដែនសមុទ្រចិនខាងត្បូង អាមេរិកនឹងជួបផលលំបាកយ៉ាងខ្លាំងក្នុងការប្រឈមមុខជា មួយចិន នៅពេលដែលចិនអនុវត្ដគោលនយោបាយពង្រីកឥទ្ធិពលនៅលើដែនសមុទ្រនោះ ។
ទី៣-អាមេរិកត្រូវបង្ហាញយុទ្ធសាស្ដ្រ បែបណាជាមួយឥណ្ឌា ។ ចំណុចទាំងនោះ ក៏ជាបញ្ហាមួយដែលពិភពលោកយក ចិត្ដទុកដាក់បំផុត ដោយសារតែទំនាក់ ទំនងអាមេរិកនឹងឥណ្ឌាមានភាពសោះ កក្រោះនឹងគ្នា ។
ក្រុមអ្នកវិភាគយល់ឃើញថា អត្ថន័យខាងលើនឹងត្រូវលើកមកពិភាក្សានៅពេលនេះធ្វើឱ្យកិច្ចប្រជុំShangri-La សំខាន់ជាងពេលណាៗទាំងអស់ ៕
