Khmer
English
Chinese
Frence
Vietnamese
Thai
កម្មករអូសខ្សែកាប្លិ៍ក្រឡាប់រថយន្ដស្លាប់២របួស១៣នាក់លើកំណាត់ផ្លូវជាតិលេខ៣
ដោយ ៖ ហុកលី ថ្ងៃទី 02 មិថុនា 2012ម៉ោង 08:47:45
ខេត្ដកំពត ៖ កម្មករអូសខ្សែកាប្លិ៍ក្នុងដី១៥នាក់បានរងគ្រោះក្រឡាប់រថយន្ដកូរ៉េ១តោនកន្លះលើកំណាត់ផ្លូវជាតិលេខ៣បណ្ដាលឱ្យស្លាប់២របួសធ្ងន់និងស្រាល១៣នាក់យ៉ាងអាណោចអាធ័មខណៈដែលរថយន្ដកូរ៉េកំពុងបើកបរលឿនដាច់កាឡេកង់ក្រោយក្រឡាប់ជាច្រើនត្រឡប់ចូលទៅក្នុងស្រែ ។
លោកនាក់ ម៉ុម មន្ដ្រីនគរបាលចរាចរ ស្រុកដងទង់បានឱ្យដឹងថា ករណីគ្រោះថ្នាក់ចរាចរនេះបានកើតឡើង នៅវេលា ម៉ោង៩និង២០នាទី ថ្ងៃទី១ ខែមិថុនា ឆ្នាំ ២០១២ លើកំណាត់ផ្លូវជាតិលេខ៣ពី កំពតទៅភ្នំពេញ ស្ថិតក្នុងភូមិត្រញំង សេះ ឃុំល្អាង ស្រុកទឹកឈូ ខេត្ដកំពត។ ចំណែកជនរងគ្រោះស្លាប់២នាក់ ១- ឈ្មោះរិត គីមសុង ភេទប្រុស អាយុ១៤ ឆ្នាំ និង២-ឈ្មោះ ហៅ ពុត ភេទប្រុស អាយុ២០ឆ្នាំ អ្នកទាំង២មានទីលំនៅភូមិ ព្រែកថ្មីឃុំទឹកវិល ស្រុកស្អាង ខេត្ដកណ្ដាល។
លោកនាក់ ម៉ុម បានបន្ដថា បើតាម សាក្សីនៅកន្លែងកើតហេតុបានបញ្ជាក់ ថា នៅមុនពេលកើតហេតុគេឃើញ ឡានកូរ៉េពណ៌ស១គ្រឿងមានដឹកមនុស្ស និងសម្ភារពេញឡានបើកបរមកពីទិស លិចទៅកើត ក្នុងគោលដៅពីកំពតទៅ ភ្នំពេញក្នុងល្បឿនលឿនគួរសម ជិតមក ដល់ចំណុចគ្រោះថ្នាក់ស្រាប់តែដាច់ កាឡេកង់ក្រោយធ្លាក់លើផ្លូវជាតិអូស ចេញភ្លើង រេចង្កូតពេញផ្លូវពីស្ដាំទៅ ឆ្វេងបោះពួយក្រឡាប់ជាច្រើនត្រឡប់ ធ្លាក់ចូលក្នុងស្រែផ្ងារជើងតែម្ដង ហើយ មនុស្សបានខ្ទាតចេញពីឡានរប៉ាត់រប៉ាយ ពេញផ្លូវបណ្ដាលឱ្យមនុស្ស២នាក់ត្រូវ ឡានក្រឡាប់សង្កត់លើស្លាប់ភ្លាមៗនៅកន្លែងកើតហេតុ ។
នគរបាលចរាចរបានបន្ដថាក្រោយ ពេលកើតហេតុមនុស្ស១៣នាក់ដែលរង គ្រោះត្រូវបានបញ្ជូនទៅសង្គ្រោះនៅមន្ទីរ ពេទ្យបង្អែកខេត្ដកំពតដោយឡែកមនុស្ស ២នាក់ដែលរងគ្រោះស្លាប់ត្រូវសាច់ញាតិ ហៅឡានពេទ្យដឹកសពទៅផ្ទះភ្លាមៗដើម្បី រៀបចំធ្វើបុណ្យ ។
គួរបញ្ជាក់ថារថយន្ដដែលក្រឡាប់ ពាក់ ស្លាកលេខភ្នំពេញ 2A-4722 ពណ៌ ស ប្រភេទឡានកូរ៉េ១តោនកន្លះ បើកបរ ដោយឈ្មោះរិត គីមសេង ភេទប្រុស អាយុ២២ឆ្នាំ មានទីលំនៅជាមួយជនរងគ្រោះស្លាប់ ។
បើតាមប្រភពនៅកន្លែងកើតហេតុ ឡានដែលរងគ្រោះនេះថៅកែឱ្យឈប់ សម្រាកការងារ៣ ហើយក៏នាំគ្នាធ្វើ ដំណើរទៅផ្ទះដើម្បីទៅបោះឆ្នោតថ្ងៃ៣ នៅស្រុកកំណើត តែសំណាងអាក្រក់ជួប គ្រោះថ្នាក់ចរាចរតាមផ្លូវ។ បច្ចុប្បន្នឡាន កូរ៉េត្រូវបាននគរបាលចរាចរស្ទូចអូស យកទៅរក្សាទុកនៅអធិការដ្ឋាននគរ បាលស្រុកដងទង់ដើម្បីកសាងសំណុំរឿង តាមច្បាប់។ ចំណែកអ្នករងគ្រោះ១៣ នាក់កំពុងសម្រាកព្យាបាលនៅក្នុងមន្ទីរ ពេទ្យបង្អែកខេត្ដកំពត ៕
.jpg)
