Khmer
English
Chinese
Frence
Vietnamese
Thai
នគរបាលនិងអាជ្ញាធរក្រុងប៉ោយប៉ែតព័ន្ធចាប់ចោរឆក់ខ្សែ.ក២នាក់
ដោយ ៖ វណ្ណៈ ថ្ងៃទី 12 មិថុនា 2012ម៉ោង 10:03:09
ប៉ោយប៉ែត ៖ កាលពីវេលាម៉ោង៩និង៣០នាទីព្រឹកថ្ងៃទី១២ខែមិថុនាឆ្នាំ២០១២ នគរបាលនិងអាជ្ញាធរក្រុងប៉ោយប៉ែត បានសហការគ្នាព័ទ្ធចាប់ចោរឆក់ខ្សែ.កបាន២នាក់ នៅចំណុចក្រោយវត្ដប៉ាលិលេយ្យ ក្នុងភូមិក្បាលស្ពាន សង្កាត់-ក្រុង ប៉ោយប៉ែត ។
តាមប្រភពព័ត៌មានឱ្យដឹងថាកាលពីវេលាម៉ោងខាងលើនៅចំណុចបេនឡានបាត់ដំបង ក្រុងប៉ោយប៉ែតមានករណីចោរ២នាក់បានឆក់ខ្សែ.កពីស្ដ្រី ម្នាក់ឈ្មោះ នួម និច ភ្លាមៗនោះក៏មានការឆោឡោឡើង ស្របពេលដែលនគរបាលល្បាតនៅក្បែរនោះ ក៏បានរាយ ការណ៍តាមវិទ្យុទាក់ទងទៅតាមគោលដៅឱ្យស្ទាក់ចាប់មុខសញ្ញាឆក់ខ្សែ.កខាងលើ ។ ក្រោយពីបានទទួលព័ត៌មាន សមត្ថកិច្ចនិងអាជ្ញាធរបានស្វែងរកមុខសញ្ញាខាងលើរហូតចាប់បានចោរឆក់ទាំង២នៅក្រោយវត្ដប៉ាលិលេយ្យ ។
ជនសង្ស័យទាំង២ដែលសមត្ថកិច្ចចាប់បានមានឈ្មោះ ១-រស់ នី ភេទប្រុស អាយុ៣០ឆ្នាំ រស់នៅខេត្ដសៀមរាប និង២- ឈ្មោះ សឿប វាសនា ភេទប្រុស អាយុ២០ រស់នៅខេត្ដបាត់ដំបង ។ បច្ចុប្បន្នជនសង្ស័យទាំង២ត្រូវសមត្ថកិច្ចឃាត់ ខ្លួនបណ្ដោះអាសន្នរង់ចាំព្រះរាជអាជ្ញារងសាលាដំបូងខេត្ដបន្ទាយមានជ័យមកចាត់នីតិវិធីបន្ដ ៕
.jpg)
