Khmer
English
Chinese
Frence
Vietnamese
Thaiជប៉ុន-ឥណ្ឌាធ្វើសមយុទ្ធរួមទប់ស្កាត់ការឈ្លានពាននៅលើដែនសមុទ្រ
ដោយ ៖ ម៉ែវ សាធី|ថ្ងៃទី 12 មិថុនា 2012 ម៉ោង 12:35:57
ការធ្វើសមយុទ្ធរួមនៅលើដែនសមុទ្រ ជាលើកដំបូងរវាងកម្លាំងទាហានជើង ទឹកឥណ្ឌានិងជប៉ុន ដោយផ្ដោតទៅលើ សកម្មភាពទប់ទល់ការពង្រីកសិទ្ធិអំណាច នៅលើដែនសមុទ្ររបស់ចិន ។
សារព័ត៌មាន Press Trust of India បានផ្សព្វផ្សាយថា សមយុទ្ធរបស់កម្លាំង ទាហានជើងទឹកទាំង២ផ្ដោតទៅលើកិច្ច សហប្រតិបត្ដិការទប់ស្កាត់ហេតុការណ៍ អាក្រក់នៅលើដែនសមុទ្រ ។ សមយុទ្ធ នោះបានធ្វើឡើងនៅឈូងសមុទ្រសាហ្គានី តំបន់កាណាកាវ៉ាប្រទេសជប៉ុន ។
កម្លាំងទាហានជើងទឹកឥណ្ឌាបាន បញ្ជូននាវាចម្បាំង៤គ្រឿងចូលរួមក្នុង សកម្មភាពធ្វើសមយុទ្ធនោះ ។ ក្នុង ចំណោមនាវា៤គ្រឿង មាននាវា២គ្រឿង បំពាក់កាំជ្រួចមីស៊ីលនាំផ្លូវប្រភេទ Kashin ។ ចំណែកកម្លាំងទាហានជើង ទឹកជប៉ុនក៏មានាវា២គ្រឿង ឧទ្ធម្ភាគចក្រ និងយន្ដហោះចម្បាំងផងដែរ ។
តាមព័ត៌មានពីកម្លាំងទាហានជើង ទឹកឥណ្ឌា នាវាចម្បាំងទាំង៤គ្រឿងរបស់ ឥណ្ឌាបានធ្វើដំណើរបំពេញទស្សនកិច្ច បណ្ដាប្រទេសតំបន់អាស៊ីភាគអាគ្នេយ៍ ក្នុងនោះមានប្រទេសសិង្ហបុរី ហ្វីលីពីន វៀតណាម និងកូរ៉េខាងត្បូង មុនពេល ឆ្ពោះទៅកាន់ជប៉ុនចូលរួមធ្វើសមយុទ្ធ ។ សមយុទ្ធរបស់ឥណ្ឌានិងជប៉ុនបានធ្វើ ឡើងចំខួបគម្រប់៦០ឆ្នាំថ្ងៃបង្កើតទំនាក់ទំនងការទូតរវាងប្រទេសទាំង២ ។
ឥណ្ឌាតែងតែដាក់ពង្រាយនាវាចម្បាំង នៅតំបន់ភាគខាងកើតតាមគោលនយោ បាយឆ្ពោះទៅកាន់ទិសខាងកើងរបស់របស់ រដ្ឋាភិបាលទីក្រុងញូវដេលី ។ ឥណ្ឌាក៏ បានបង្កើនទំនាក់ទំនងជាមួយបណ្ដា ប្រទេសនៅតំបន់នោះដែលមានយុទ្ធ សាស្ដ្រយោធាដ៏សំខាន់សម្រាប់ឥណ្ឌា ។
កាលពីថ្ងៃទី១០ខែមិថុនា ទាហានជើងទឹកឥណ្ឌានិងជប៉ុនបានចាប់ផ្ដើមធ្វើសកម្មភាពជួយសង្គ្រោះដោយមាន ឧទ្ធម្ភាគចក្រចូលរួមផងដែរ ។
ក្រុមអ្នកឯកទេសវិភាគយល់ឃើញថា ការធ្វើសមយុទ្ធលើកនេះរបស់ឥណ្ឌា និងជប៉ុនក្នុងគោលដៅទប់ទល់នឹងឥទ្ធិ ពលរបស់ចិនដែលមានកម្លាំងទាហាន ជើងទឹកកាន់តែខ្លាំងឡើងពីមួយថ្ងៃទៅ មួយថ្ងៃ ធ្វើឱ្យប្រទេសជិតខាងមានការ ព្រួយបារម្ភយ៉ាងខ្លាំង ។ ជប៉ុននិងចិនក៏ មានជម្លោះប្រជុំកោះសែនកាគូជាមួយ ជប៉ុននិងនៅតំបន់សមុទ្រចិនខាងត្បូងជា មួយបណ្ដាប្រទេសតំបន់អាស៊ានផងដែរ។
កម្លាំងទាហានជើងទឹកចិនបញ្ជាក់ថា ការដែលជប៉ុននិងឥណ្ឌារារាំងការពង្រីក អំណាចលើដែនសមុទ្ររបស់ចិន គឺនាំ មកនូវផលប្រយោជន៍ដល់ប្រទេសទាំង២។ ចំពោះជប៉ុនការធ្វើសមយុទ្ធនោះជា ឱកាសដល់ទាហានជើងទឹកប្រទេសទាំង២ បង្កើនទំនាក់ទំនងកាន់តែស្អិតរមួតថែម ទៀត ។
សមយុទ្ធរបស់ឥណ្ឌានិងជប៉ុនបានអនុវត្ដ ទៅតាមកិច្ចព្រមព្រៀងដែលបានចុះ ហត្ថលេខារវាងរដ្ឋមន្ដ្រីការពារជាតិទាំង២ កាលពីខែវិច្ឆិកាឆ្នាំ២០១១ ដោយប្រទេស ទាំង២បានចេញសេចក្ដីប្រកាសរួមស្ដីពី កិច្ចសហប្រតិបត្ដិការធានាសន្ដិសុខក្នុង តំបន់ ។
ឥណ្ឌាជប៉ុនមានគម្រោងបង្កើនកិច្ច សហប្រតិបត្ដិការត្រីភាគីជាមួយកម្លាំង ទាហានជើងទឹកឥណ្ឌា ហើយប្រទេសទាំង៣ នឹងធ្វើសមយុទ្ធរួមនៅពេលដ៏ខ្លីខាងមុខ។
កាលពីឆ្នាំ២០១០ នាយករដ្ឋមន្ដ្រី ឥណ្ឌា ម៉ាន់ហាន់ ស៊ីង បានទស្សនកិច្ចទៅ កាន់ប្រទេសជប៉ុន ហើយប្រទេសទាំង២ បានចុះហត្ថលេខាលើសន្ធិសញ្ញាសហ ប្រតិបត្ដិការសេដ្ឋកិច្ច ថាមពល...។ នៅ ខែតុលាឆ្នាំ២០១០ នៅទីក្រុងតូក្យូ រដ្ឋមន្ដ្រី ការបរទេសទាំង២បានជួបពិភាក្សាស្ដីអំពី យុទ្ធសាស្ដ្រថ្មីក្រៅពីទំនាក់ទំនងសេដ្ឋកិច្ច នៅមានការធានាសន្ដិសុខរួមតាមតំបន់ សមុទ្រ ។ កាលពីខែវិច្ឆិកាឆ្នាំ២០១១ រដ្ឋ មន្ដ្រីក្រសួងការពារជាតិជប៉ុននិងឥណ្ឌា ក៏បានជួបពិភាក្សា ហើយឯកភាពធ្វើ សមយុទ្ធរួមជាលើកដំបូងនៅឆ្នាំ២០១២។
សារព័ត៌មានចិនបានផ្សព្វផ្សាយថា តាមរយៈការធ្វើសមយុទ្ធរបស់ឥណ្ឌានិង ជប៉ុនក្នុងគោលដៅបង្កើនទំនុកចិត្ដគ្នា រារាំងឥទ្ធិពលរបស់ចិន ពិសេសពេល ដែលឥណ្ឌាគ្រប់គ្រងដែនសមុទ្រដ៏សំខាន់ នៅមហាសមុទ្រឥណ្ឌា ៕
.bmp)
.bmp)
.bmp)
.jpg)
