Khmer
English
Chinese
Frence
Vietnamese
Thaiរដ្ឋបាលព្រៃឈើចាប់ទូកនិងរ៉ឺម៉កដឹកឈើនៅកន្លែងពីរផ្សេងគ្នាចរាចរចូលក្នុងក្រុងស្ទឹងត្រែង
ដោយ ៖ ឡុង សំបូរ|ថ្ងៃទី 12 មិថុនា 2012 ម៉ោង 17:19:08
ខេត្ដស្ទឹងត្រែង ៖ ទូកដឹកឈើប្រណីត១គ្រឿងចេញពីឃុំកាំងចាម ចូលមកក្រុង ស្ទឹងត្រែង និងរ៉ឺម៉កដឹកឈើ១គ្រឿងដឹក ចេញពីភូមិកណ្ដាលឆ្ពោះទៅកាន់រោង សិប្បកម្មកែច្នៃឈើប្រណីតជនជាតិវៀត ណាមមួយកន្លែងក្នុងក្រុង ត្រូវបានកម្លាំង រដ្ឋបាលព្រៃឈើស្ទឹងត្រែង ចាប់បញ្ជូន មកកាន់ខណ្ឌរដ្ឋបាលព្រៃឈើ ខណៈទូក ដឹកឈើបានបុកច្រាំង និងរ៉ឺម៉កម៉ូតូបាន បើកមកដល់ពាក់កណ្ដាលផ្លូវសំដៅចូល ទៅរោងសិប្បកម្មកែច្នៃឈើប្រណីតរបស់ ជនជាតិវៀតណាមតាំងនៅកណ្ដាលក្រុងស្ទឹងត្រែង ។
ការចុះចាប់ទូកដឹកឈើនេះបានប្រព្រឹត្ដ ទៅនៅថ្ងៃទី១១ ខែមិថុនា ឆ្នាំ២០១២ វេលាម៉ោង៨និង៣០នាទីយប់ នៅកំពង់ ផែ(កំពង់សាឡាង)ក្រុង។ ចំណែករ៉ឺម៉ក ដឹកឈើត្រូវបានឃាត់នៅព្រឹកថ្ងៃទី១២ ខែមិថុនា ឆ្នាំ២០១២ វេលាម៉ោងប្រមាណ ជា១០ នៅពាក់កណ្ដាលផ្លូវក្នុងភូមិកណ្ដាល សង្កាត់ស្ទឹងត្រែង ក្រុងស្ទឹងត្រែង ។
មន្ដ្រីផ្នែករដ្ឋបាលព្រៃឈើស្ទឹងត្រែង បានប្រាប់ឱ្យដឹងថា ឈើដែលបង្ក្រាបដឹក តាមទូកចេញពីចំណុចឃុំកាំងចាម នា យប់ថ្ងៃទី១១ ខែមិថុនានោះ មាន៣០ កំណាត់ មុខកាត់ចាប់ពី១៥ទៅ២០សង់ទី ម៉ែត្រ និងមានប្រវែង២ម៉ែត្រ ជាប្រភេទ ឈើធ្នង់ និងនាងនួនឃ្លុំ ។ ចំណែកឈើ ដែលបង្ក្រាប ដឹកតាមរ៉ឺម៉កនាព្រឹកថ្ងៃ ទី១២ ខែមិថុនានោះ ចំនួន៥កំណាត់ មានមុខកាត់ចាប់ពី២០ទៅ២៥សង់ទី ម៉ែត្រ និងមានប្រវែង២,២ម៉ែត្រ ជា ប្រភេទឈើនាងនួនឃ្លុំ តែនៅមិនទាន់ ដឹងចំនួនម៉ែត្រគូបនៅឡើយទេ ។
ប្រភពដដែលបានបន្ដឱ្យដឹងទៀតថា ឈើប្រណីតប្រភេទធ្នង់ និងនាងនួនទាំង ៣៥កំណាត់ខាងលើត្រូវបានបញ្ជូនយក មករក្សាទុកនៅខណ្ឌរដ្ឋបាលព្រៃឈើខេត្ដ ស្ទឹងត្រែង។ រីឯឈើដែលបង្ក្រាបតាម ទូកមាន៣០កំណាត់នោះមិនត្រូវបាន គេស្គាល់ម្ចាស់នោះទេ ខណៈឈើដឹកតាម រ៉ឺម៉កគឺជារបស់លោក ឆែប ជាមន្ដ្រីយោធា សិករងខេត្ដស្ទឹងត្រែង ។
ប្រជាពលរដ្ឋនៅភូមិថ្មីបាននិយាយ ថា លោកឆែបគឺជាមន្ដ្រីយោធាខេត្ដ ស្ទឹងត្រែង ពួកគាត់មិនសូវដែលឃើញ លោកឆែបចូលកន្លែងធ្វើការទេ គេ សង្ស័យថា ការធ្វើការគ្រាន់តែធ្វើជា ខែលសម្រាប់មុខជំនួញឈើប្រណីតតែ ប៉ុណ្ណោះ ។ ហើយនៅរាល់ការដឹកជញ្ជូន ឈើប្រណីតថ្មីៗនោះ ពួកគាត់ឃើញ លោកឆែបដឹកយកមកទម្លាក់ឱ្យរោង សិប្បកម្មកែច្នៃឈើប្រណីតដ៏ធំមួយ របស់ថៅកែឈ្មោះធឿង ជាជនជាតិវៀត ណាមនៅចំកណ្ដាលក្រុងស្ទឹងត្រែង មិន ថាពេលយប់ ឬពេលថ្ងៃនោះឡើយ។ ប្រភព បន្ដថា លោកឆែបមិនដែលខ្លាចអំណាច សមត្ថកិច្ចជំនាញណាទេ ក្រៅតែពីលោក ស វុទ្ធី នាយសង្កាត់ នៅទីនោះ។ ម្យ៉ាង លោកឆែបអាងខ្នងមេទាហានម្នាក់ឈ រនៅពីក្រោយខ្នង។ ចំណែកលោក ធឿង ថៅកែសិប្បកម្មដ៏ល្បីក៏មិនញញើតនឹងអ្នកណាដែរ ព្រោះគេបានបង់លុយទៅ ឱ្យសមត្ថកិច្ចពាក់ព័ន្ធមួយចំនួនអស់ទៅហើយ ។
នគរវត្ដមិនអាចរកការបំភ្លឺពីលោក ឆែប បានទេជុំវិញការប្រកបមុខរបរ របស់លោកខាងលើ ខណៈរូបលោកជាមន្ដ្រីយោធាផង ៕
.jpg)
