Khmer
English
Chinese
Frence
Vietnamese
Thai
ខ្សឹបដាក់ត្រចៀក ៖ លោក សំ សុខុម ជាសមត្ថកិច្ចផង ជាឈ្មួញរកស៊ីនាំឈើទៅវៀតណាមផង
ដោយ ៖ ថ្ងៃទី 13 មិថុនា 2012ម៉ោង 15:15:10
លោកសំ សុខុម ហៅ ហោ ជាមេបញ្ជាការរងកងពលតូចលេខ៦០១ ដែល មានទីតាំងនៅឃុំឈើខ្មៅ ស្រុកកោះធំ ខេត្ដកណ្ដាល ត្រូវគេអះអាងថាជាឈ្មួញរក ស៊ីឈើដ៏សំខាន់មួយរូបក្នុងការនាំឈើទៅប្រទេសវៀតណាម ។ ជាក់ស្ដែងកាលពី ថ្មីៗនេះ មន្ដ្រីកងរាជអាវុធហត្ថលើផ្ទៃប្រទេសដែលចាប់បានឈើនៅស្រុកកោះធំ ខេត្ដកណ្ដាលនោះត្រូវគេអះអាងថា ជាឈើរបស់លោក ហោ នោះដែរ ។
សេចក្ដីរាយការណ៍បានឱ្យដឹងថា ឈើប្រណីតរបស់លោក ហោ ត្រូវបានដឹក តាមតាខេ យកទៅលក់នៅប្រទេសវៀតណាម ស្របពេលដែលលោកសំ សុខុមក៏ បានបង្កើតប៉ុស្ដិ៍ត្រួតពិនិត្យមួយដើម្បីប្រមូលប្រាក់ពីអ្នកផ្សេងទៀតដែលរកស៊ីដឹក ឈើខុសច្បាប់នោះដែរ។ ប្រភពរាយការណ៍ថា កាលពីយប់ថ្ងៃទី១០ ខែមិថុនា កន្លង ទៅ ឈើប្រណីតមួយតាខេត្រូវបាននាំទៅប្រទេសវៀតណាម ហើយមួយថ្ងៃក្រោយ មក ការដឹកជញ្ជូនឈើបែបនេះត្រូវបានកងរាជអាវុធហត្ថចាប់ជាប់ ។
ក្រៅពីរបររកស៊ីឈើប្រណីតនាំទៅប្រទេសវៀតណាម លោកសំ សុខុមក៏បាន បង្កើតប៉ុស្ដិ៍ត្រូតពិនិត្យមួយកន្លែងនៅឃុំសំពៅពូន ក្រោមអំណាចបញ្ជាការកង ពលតូចលេខ១០១ដែលចាំប្រមូលប្រាក់ពីឈ្មួញរកស៊ីឈើ និងបទល្មើសផ្សេងៗ ។ ករណីដែលកងរាជអាវុធហត្ថលើផ្ទៃប្រទេសចាប់ឈើកាលពីប៉ុន្មានថ្ងៃមុននោះ លោក ហោ កំពុងបៀមឈាមព្រួសដាក់សមត្ថកិច្ចវិញ៕
.jpg)
