Khmer
English
Chinese
Frence
Vietnamese
Thai
ស្លាប់៩នាក់ដោយបាក់ព្រីលនៅបារាំង
ដោយ ៖ ម៉ែវ សាធី ថ្ងៃទី 13 កក្កដា 2012ម៉ោង 12:47:53
ក្រុមអ្នកឡើងភ្នំ៩នាក់បានបាត់បង់ជីវិតនៅក្នុងហេតុការណ៍បាក់ព្រិលមួយនៅតំបន់រមណីយដ្ឋានលំហែកាយជិះស្គី លើព្រិលនៅជើងភ្នំម៉ូឌិត ស្ថិតក្នុងប្រទេស បារាំងកាលពីថ្ងៃទី១២ ខែកក្កដា ។
ក្នុងចំណោមអ្នកស្លាប់មានជនជាតិ អង់គ្លេស៣នាក់ ជនជាតិអាល្លឺម៉ង៣ នាក់ អេស្ប៉ាញ២នាក់ និងស្វីស១នាក់ ។ ក្រៅពីនេះក៏នៅមានអ្នកឡើងភ្នំ១២នាក់ ទៀតរងរបួស ។
ក្រុមជួយសង្គ្រោះបានបញ្ជូនឧទ្ធម្ភាគ ចក្រទៅកាន់កន្លែងកើតហេតុដើម្បីជួយ ដល់ជនរងគ្រោះកប់នៅក្រោមគំនរព្រិល យ៉ាងក្រាសនោះ ។ ក្រុមជួយសង្គ្រោះបាន រៀបរាបថា នេះជាការបាក់ព្រិលសម្លាប់ មនុស្សច្រើនជាងគេបំផុតនៅបារាំងមិន ធ្លាប់មានប៉ុន្មានឆ្នាំកន្លងមកនេះ ។
ការប្រកាសសុំជំនួយកើតឡើងដោយ សារតែអ្នករងរបួសបានបាញ់កាំជ្រួច ចេញពីជើងភ្នំម៉ូឌិត ។ កំពូលភ្នំនោះជា ដំណើរកម្សាន្ដដ៏ពេញនិយមនៅរដូវក្ដៅ របស់ពលរដ្ឋអឺរ៉ុបទៅលើកំពូលភ្នំដែល ខ្ពស់បំផុតនៅភាគខាងលិចអឺរ៉ុប ។
សរុបមានមនុស្ស២៨នាក់ចែកចេញ ជាច្រើនក្រុមបានឡើងទៅលើភ្នំព្រិល នោះនៅព្រឹកថ្ងៃទី១២ ខែកក្កដា ។ ក្រុម អ្នកឡើងភ្នំនោះមានគម្រោងឡើងទៅ ដល់កម្ពស់៤ពាន់ម៉ែត្រ ក៏ស្រាប់តែរងការបាក់ព្រិលតែម្ដង ។ ចៅហ្វាយក្រុងចាម៉ូនិក លោក ជិន ឡូអិស វើឌីយើ និយាយថា ការបាក់ព្រិលកើតឡើងដោយចៃដន្យពិបាកក្នុងការការពារ ។
ជួរភ្នំម៉ន់ប្លែន ជាតំបន់ដែលទាក់ ទាញក្រុមអ្នកឡើងភ្នំច្រើនជាងគេបំផុត ក៏ដូចជាអ្នកទេសចរទៅកាន់កន្លែងនោះ ទោះបីមានសភាពគ្រោះថ្នាក់ និងសម្លាប់ មនុស្សរាប់សិបនាក់ក្នុងមួយឆ្នាំៗយ៉ាង ណាក៏ដោយ ។ កាលពីឆ្នាំ២០០៨ ក៏មាន មនុស្ស៨នាក់បាត់បង់ជីវិតក្នុងការបាក់ ព្រិលនៅលើកំពូលភ្នំម៉ូឌិត ស្ថិតក្នុងជួរភ្នំម៉ន់ប្លែននោះផងដែរ ៕
.jpg)
