Khmer
English
Chinese
Frence
Vietnamese
Thai
បើកម៉ូតូទាំងស្រវឹងស្រាជោកទៅបុកម៉ូតូសណ្ដោងរ៉ឺម៉កស្លាប់៤របួសធ្ងន់២នាក់
ដោយ ៖ ព្រហ្ម សុផៃ ថ្ងៃទី 13 កក្កដា 2012ម៉ោង 14:40:37
ខេត្ដតាកែវ ៖ ករណីគ្រោះថ្នាក់ចរាចរមួយបានកើតឡើងបណ្ដាលឱ្យបុរស៤នាក់ស្លាប់នៅកន្លែង និង២នាក់ទៀតរងរបួស ធ្ងន់កាលពីវេលាម៉ោង៧និង៣០នាទីយប់ ថ្ងៃទី១២ ខែកក្កដា ឆ្នាំ២០១២ នៅលើ កំណាត់ផ្លូវជាតិលេខ១៣២A ស្ថិតក្នុងភូមិត្រញំងស្វាយ ឃុំត្រញំងធំខាងជើង ស្រុកត្រាំកក់ ខេត្ដតាកែវ រវាងម៉ូតូជិះ ឌុបគ្នា៤នាក់ និងម៉ូតូសណ្ដោងរ៉ឺម៉ក ។
អធិការស្រុកត្រាំកក់លោក ញ៉ែម សឿន បានឱ្យដឹងថា ករណីគ្រោះថ្នាក់ ចរាចរនេះបង្កឡើងដោយអ្នកជិះម៉ូតូឌុប គ្នា៤នាក់ក្នុងសភាពស្រវឹងជោក ហើយ ទៅបុកម៉ូតូសណ្ដោងរ៉ឺម៉ក ។ លោកអធិការ បានបន្ដទៀតថា ម៉ូតូបង្កហេតុម៉ាកហុង ដាសេ១២៥ ស៊េរីឆ្នាំ២០១២ ពណ៌ខ្មៅ ពាក់ស្លាកលេខកំពត1A-8933 ក្នុងទិស ដៅពីលិចទៅកើត ។ ចំណែកឯម៉ូតូ សណ្ដោងរ៉ឺម៉កជិះគ្នា២នាក់ ម៉ាកសង់កូរ៉េ ពណ៌ក្រហម គ្មានស្លាកលេខ ។ លោក អធិការបានឱ្យទៀតថា អ្នកបើកបរម៉ូតូ បង្កឱ្យមានគ្រោះថ្នាក់ឈ្មោះ ឡេន សំអាង អាយុ២៥ឆ្នាំ មានទីលំនៅភូមិត្រញំង ខ្ចៅ ឃុំអូរសារាយ ស្រុកត្រាំកក់ ខេត្ដ តាកែវ (ស្លាប់) និងអ្នករួមដំណើរ៣ នាក់ទៀតមានទី១-ឈ្មោះ ឡេន លួន ភេទ ប្រុស អាយុ២៩ឆ្នាំ (ស្លាប់), ទី២-ឡាយ ចន្ធី ភេទប្រុស អាយុ៣០ឆ្នាំ អ្នកទាំង២ រស់នៅភូមិបឹងតាទង ឃុំសារាយ ស្រុក ត្រាំកក់ ខេត្ដតាកែវ(ស្លាប់) និងម្នាក់ ទៀតរងរបួសធ្ងន់ឈ្មោះ នេត ហ៊ឹម ភេទ ប្រុស អាយុ២៥ឆ្នាំ រស់នៅភូមិបឹងតាទង ឃុំអូរសារាយ ស្រុកត្រាំកក់ ខេត្ដតាកែវ។ លោកបានឱ្យដឹងទៀតថា អ្នកបើកម៉ូតូ សណ្ដោងរ៉ឺម៉កឈ្មោះ សឹម សារ៉ុម ភេទ ប្រុស អាយុ២១ឆ្នាំ រស់នៅភូមិពោធិ៍ដុះ ឃុំត្រញំងធំខាងជើង ស្រុកត្រាំកក់ ខេត្ដ តាកែវ (ស្លាប់) រីឯអ្នករួមដំណើររង របួសធ្ងន់ឈ្មោះ ទៀង តុលា ភេទប្រុស អាយុ២៩ឆ្នាំ រស់នៅភូមិ-ឃុំជាមួយគ្នា។
សាក្សីនៅកន្លែងកើតហេតុបានអះអាង ថា នៅមុនកើតហេតុអ្នកបើកម៉ូតូម៉ាក សេ១២៥ ពណ៌ខ្មៅ គឺបើកក្នុងល្បឿន លឿន ហើយពុំមានពាក់អាវ ហាក់បីដូច ជាមនុស្សស្រវឹងថ្នាំញៀនក្រៅពីក្លិនស្រា។
លោក ឃី វណ្ណា អធិការរងស្រុក ត្រាំងកក់ ទទួលបន្ទុកផ្នែកសណ្ដាប់ធ្នាប់ ចរាចរណ៍បានឱ្យដឹងថា តាមការអះអាង ពលរដ្ឋដែលឃើញហេតុការណ៍បាន បញ្ជាក់ថា គ្រោះថ្នាក់ចរាចរនេះបង្កឡើង ដោយអ្នកជិះម៉ូតូ៤នាក់ក្នុងស្ថានភាពស្រវឹងដាប ។ លោកបានបន្ដថា ក្រោយ ពីវាស់វែងនៅកន្លែងកើតហេតុ និងបញ្ជូន ជនរងគ្រោះទៅព្យាបាល ហើយសាក សព ប្រគល់ឱ្យក្រុមគ្រួសារ សមត្ថកិច្ច បានបញ្ជូនសំណុំរឿងគ្រោះថ្នាក់នេះទៅ ស្នងការដ្ឋាននគរបាលខេត្ដតាកែវ ដើម្បីចាត់ការបន្ដ ៕
.jpg)
