Khmer
English
Chinese
Frence
Vietnamese
Thai
ហ៊ីយ៉ាន់ដាយជ្រុលចង្កូតបុកម៉ូតូ២គ្រឿងពីក្រោយស្លាប់១របួស១
ដោយ ៖ ស្អាងជ័យ ថ្ងៃទី 18 កក្កដា 2012ម៉ោង 08:49:45
ខេត្ដកណ្ដាល ៖ គ្រោះថ្នាក់ចរាចរមួយបានបង្កឡើងដោយសាររថយន្ដហ៊ីយ៉ាន់ដាយ១គ្រឿង បើកជ្រុលចង្កូតទៅបុក ម៉ូតូ២គ្រឿងពីក្រោយដែលកំពុងបើកបរស្របទិសគ្នា បានបណ្ដាលឱ្យមានមនុស្សម្នាក់ស្លាប់ និងរងរបួសស្រាលម្នាក់។
ហេតុការណ៍គ្រោះថ្នាក់ចរាចរខាងលើនេះបានកើតឡើងកាលពីវេលាម៉ោង១៦និង១៥នាទី ថ្ងៃទី១៧ ខែកក្កដា ឆ្នាំ ២០១២ នៅលើកំណាត់ផ្លូវជាតិលេខ២ ត្រង់ចន្លោះគីឡូម៉ែត្រលេខ២៦,២៧ ស្ថិតក្នុងភូមិព្រែកអង្គុញ ឃុំសៀមរាប ស្រុកកណ្ដាលស្ទឹង ខេត្ដកណ្ដាល។
ជនរងគ្រោះក្នុងករណីគ្រោះថ្នាក់ចរាចរខាងលើនេះ១-ឈ្មោះសួន វង្ស ភេទប្រុស អាយុ២៤ឆ្នាំ ជាកម្មកររោងចក្រ បានបាត់បង់ជីវិត និង២-ឈ្មោះអិន ស្រីនៀទ ភេទស្រី អាយុ៣៧ឆ្នាំ រងរបួសស្រាល ។
តាមប្រភពព័ត៌មានពីកន្លែងកើតហេតុឱ្យដឹងថា មុនពេលកើតហេតុជនរងគ្រោះឈ្មោះសួន វង្ស បានជិះម៉ូតូ១គ្រឿងម៉ាកវីវ៉ា ចេញពីខេត្ដតាកែវ មករាជធានីភ្នំពេញ ដោយបើកបរពីក្រោយម៉ូតូ១គ្រឿងទៀតម៉ាកគុប ជ្រុង ។ លុះមកដល់ចំណុចកើតហេតុខាងលើក៏ត្រូវរថយន្ដម៉ាកហ៊ីយ៉ាន់ដាយ បុកម៉ូតូវីវ៉ាពីក្រោយ រួចជ្រុលទៅបុកម៉ូតូ ម៉ាកគុបជ្រុង១គ្រឿងពីក្រោយបន្ថែមទៀត បណ្ដាលឱ្យរថយន្ដកិនចំពីមុខស្លាប់អ្នកបើកបរម៉ូតូម៉ាកវីវ៉ានៅនឹងកន្លែង កើតហេតុ និងអ្នកបើកម៉ូតូគុបជ្រុងរងរបួសស្រាល។
បច្ចុប្បន្នរថយន្ដនិងម៉ូតូ២គ្រឿងត្រូវបានរក្សាទុកនៅអធិការដ្ឋាននគរបាលស្រុកកណ្ដាលស្ទឹងដើម្បីកសាងសំណុំរឿង តាមនីតិវិធី។ ចំណែកសពត្រូវ បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
.jpg)
