Khmer
English
Chinese
Frence
Vietnamese
Thai
អាជ្ញាធរខេត្តព្រះវិហារផ្តល់អំណោយផ្គត់ផ្គង់ក្រុមនិស្សិតស្ម័គ្រចិត្តវាស់វែងដីធ្លី
ដោយ ៖ ថ្ងៃទី 18 កក្កដា 2012ម៉ោង 07:03:59
ខេត្តព្រះវិហារ ៖ កាលពីព្រឹកថ្ងៃទី១៧ ខែកក្កដា ឆ្នាំ ២០១២ លោកឧត្តមសេនីយ៍ត្រី សោម បុប្តារ័ត្ន មេបញ្ជាការសឹករងខេត្តព្រះវិហារ បាននាំយកអំណើយ ទៅផ្តត់ផ្គង់ដល់ក្រុមនិស្សិតស្ម័គ្រចិត្តវាស់វែងដីធ្លី ដែលកំពុងវាសវែងដីធ្លីជូនប្រជាពលរដ្ឋក្នុងខេត្តព្រះវិហារ នៅគោលដៅចំនួនពីរកន្លែង។
គោលដៅទាំងពីរកន្លែងនោះ ស្ថិតនៅភូមិអូទ្រលូក ឃុំរដទម ស្រុករវៀង ខេត្តព្រះវិហារ។ដោយក្នុងឱកាសនោះ លោកឧត្តមសេនីយ៍ត្រី សោ បុប្តារ័ត្ន ថ្ងៃនេះសមត្ថកិច្ចយើងខ្ញុំចុះមក សួរសុខទុក្ខដល់ប្អូនៗ ដែលកំពុងបំពេញភារកិច្ចវាស់វែងដីធ្លីជូនប្រជាពលរដ្ឋ។ ដោយតំបន់ខេត្តព្រះវិហារសំបូរទៅដោយ ព្រៃដូច្នេះសូមប្អូនៗប្រុងប្រយ័ត្ន ជៀសវាងគ្រោះថ្នាក់ដោយប្រការណាមួយ ដោយត្រូវហូបស្អាត រស់នៅ ស្អាត និងអនាម័យល្អ។
ជាមួយគ្នានោះដែរ លោកឧត្តមសេនីយ៍ត្រី សោ បុប្តារ័ត្ន បានផ្តល់ជាអំណោយដល់ក្រុម និស្សិតស្ម័គ្រចិត្តវាស់វែងដីធ្លីចំនួនពីរក្រុមនោះ រួមមាន ទឹកត្រី ៥យួរ ទឹកស៊ីអ៊ីវ ៥យួរ សាច់គោ ១០គីឡូក្រាម សាច់ជ្រូក ១០គីឡូក្រាម មី ២០កេះ បីចេង ៥គីឡូ ស្បែកជើង ២៨គូ ទឹក សុទ្ធ ៤០យួរ និងសម្ភារមួយចំនួនទៀត។
គួររំលឹកថា កាលពីថ្ងៃទី ១៣ ខែកក្កដា ឆ្នាំ ២០១២ មានក្រុមនិស្សិតស្ម័គ្រចិត្តវាស់វែងដីធ្លីចំនួន៥ក្រុម បានចុះមកវាស់វែងដីធ្លីជូនប្រជាពល រដ្ឋក្នុងខេត្តព្រះវិហារ។ នៅក្នុងឱកាសនៃការទទួល ស្វាគមន៍និស្សិតស្ម័គ្រចិត្តទាំងនោះ លោក អ៊ុំ ម៉ារ៉ា អភិបាលខេត្តព្រះវិហារ បាន មានប្រសាសន៍ថា ក្រោមកិច្ចខិតខំប្រឹងប្រែងរបស់សម្តេចអគ្គមហាសេនាបតីតេជោ ហ៊ុន សែន ដែលចង់ឲ្យប្រជាពលរដ្ឋមានប្លង់កាន់កាប់ដីដោយស្របច្បាប់ បានបញ្ជូនប្អូនៗជានិស្សិតឲ្យចុះមកជួយធ្វើការវាស់វែងដីធ្លីជូនប្រជាពលរដ្ឋ ដោយសហការជាមួយមន្ត្រីជំនាញមកពី ស្ថាប័នពាក់ព័ន្ធ និងអាជ្ញាធរមូលដ្ឋាន ទៅតាមគោលដៅនីមួយៗ។ និស្សិតទាំងប្រាំដែលក្រុមនីមួយៗមានគ្នា១៤នាក់ ត្រូវបែងចែកទៅ តាមស្រុងចំនួន៥ គឺស្រុកគូលែន ជាំក្សាន្ត រវៀង ជ័យសែន និងស្រុកឆែប។
នៅក្នុងពេលនោះ លោក អ៊ុំ ម៉ារ៉ា បានឧបត្ថម្ភជាសម្ភារផ្ទះបាយមួយចំនួនផងដែរ និងថវិកាចំនួន ២០ម៉ឺនរៀលក្នុងម្នាក់ៗ ហើយក្រុមនី មួយៗទទួលបាន អង្ករចំនួន ២០០គីឡូងក្រាម ត្រីខ បីកេះ មី ១០កេះ ត្រីងៀត ៥គីឡូក្រាម ទឹកសុទ្ធ ២០យួរ ធុងទឹកធំ តូច និងសម្ភារផ្ទះ បាយមួយ សម្រាប់ ទូរទស្សន៍ DTV មួយសម្រាប់ផងដែរ៕
.jpg)
