Khmer
English
Chinese
Frence
Vietnamese
Thai
៦ខែដើមឆ្នាំ២០១២ទិន្នផលត្រីកើន៧.៨៨ភាគរយ
ដោយ ៖ សហការី ថ្ងៃទី 18 កក្កដា 2012ម៉ោង 07:38:05
ខេត្តព្រះសីហនុ ៖ លោក ឌួង សំអាត នាយខណ្ឌរដ្ឋបាលជលផលកំពង់សោម មានប្រសាសន៍ថា កាធ្វើអាជីវកម្មនេសាទនៅទូទាំងខេត្តព្រះសីហនុ ពីមួយឆ្នាំ ទៅមួយឆ្នាំចេះតែមានការកើនឡើងជាលំដាប់ ទាំងបរិមាណទូកនេសាទ និងបរិមាណផលត្រី ក្នុងរយៈពេល ៦ខែដើមឆ្នាំ២០១២នេះ ការ នេសាទត្រីបានចំនួន ២៣.២៦០តោន បើប្រៀបធៀបរយៈពេលដូចគ្នាឆ្នាំ២០១១ មានការកើនឡើង៧.៨៨% ក្នុងនោះ ផលនេសាទសមុទ្ទ ជាលក្ខណសិប្បកម្ម អនុវត្តបាន ២១.៩៦៦តោន លក្ខណគ្រួសារអនុវត្ត បាន ២.៧២៣តោន និងត្រីទឹកសាបអនុវត្តបាន ១.០៤៥តោន ប្រៀបធៀបរយៈពេល ៦ខែ ឆ្នាំ២០១១ កើនឡើង ៤០.៧៦% ។
ដោយអនុវត្តតាមអនុសាសន៍សមេ្តចតេជោ ក្នុងការកែទម្រង់វិស័យជលផល ខណ្ឌរដ្ឋបាលជលផលបានបង្កើតសហគមន៍នេសាទបានចំ នួន ១៦ ក្នុងនោះ សហគមន៍ចំនួន ១៣បានចុះបញ្ជីទទួលស្គាល់ពីក្រសួងកសិកម្ម រុក្ខាប្រមាញ់ និងនេសាទ និងសហគមន៍៣ ទៀត មិន ទាន់បញ្ជូនសុំការចុះបញ្ជី។
បច្ចុប្បន្នសហគមន៍នេសាទបានពង្រឹងសមត្ថភាពគ្រប់គ្រងធនធានជលផលបានល្អប្រសើរ តាមរយៈការប ណ្តុះបណ្តាលពង្រឹងសមត្ថភាព និងសហការគាំទ្រពីអាជ្ញាធរមូលដ្ឋាន និង អង្គការដៃគូរអភិវឌ្ឍន៍នានា ដើម្បីគ្រប់គ្រងធនធានជលផល និងការបង្កើតមុខរបរដល់សមាជិកសហគមន៍នេសាទ ក្នុងនោះ សហគមន៍ចំនួន០៦ បានការគាំទ្រពីអង្គការFAO បានប្រគល់ទូកឈើល្បាតចំនួន៣ទូក អូរប័រ២គ្រឿង អាវពោង វិទ្យុទាក់ទង និងសម្ភារមួយចំនួនទៀត ដូចជា ធុងក្លាស្សេ ស្បែកជើង តុអីណុក កញ្ច្រែងជ័រ ស្រោមដៃ ដល់អ្នកនេសាទ និងអ្នកកែឆ្នៃផលនេសាទ ក្នុងសហគមន៍នេសាទគោលដៅ៕
.jpg)
