Khmer
English
Chinese
Frence
Vietnamese
Thai
កីឡាករ Wiggins នៅតែបន្ដនាំមុខបើទោះបីជា Voeckler ឈ្នះដំណាក់កាលទី១៦
ដោយ ៖ ដេវីត ថ្ងៃទី 19 កក្កដា 2012ម៉ោង 16:40:13
កីឡាករម្ចាស់ផ្ទះបារាំង Thomas Voeckler បានទទួលជ័យជម្នះនៅក្នុងដំណាក់កាលពី១៦នៃកម្មវិធីប្រណាំងកង់Tour de France ប៉ុន្ដែកីឡាករ Bradley Wiggins នៅតែបន្ដនាំមុខដដែរចំពោះថេរវេលាដែលនាំឱ្យគេទទួលជ័យជម្នះ ។
ការប្រណាំងក្នុងដំណាក់ដែលមានចម្ងាយផ្លូវ១៩៧គីឡូម៉ែត្រនេះត្រូវបានបញ្ចប់នៅទីប្រជុំជន Bagneres-de-Luchon ប្រទេសបារាំងកាលពីថ្ងៃពុធទី១៨កក្កដាកន្លងមកនេះ ដោយកីឡាករVoecklerដែលជាអ្នកជិះកង់ឱ្យក្រុម Team Europcarបានយកឈ្នះ ដោយប្រើអស់ថិរវេលា៥ម៉ោង៣៥នាទីនិង២វិនាទីយកឈ្នះកីឡាករដាណឺម៉ាក Chris Anker Sorensen ជិះឱ្យក្រុម Team Saxo Bank-Tinkoff Bank ដែលបានប្រើថិរវេលាច្រើនជាង១នាទីនិង៤០វិនាទី ។
នៅថ្ងៃជាមួយគ្នានោះដែរចំណែកកីឡាករអេស្ប៉ាញ Gorka Izaguirre Insausti ជិះឱ្យក្រុម Euskaltel - Euskadi ស្ថិតនៅលំដាប់ទី៣ក្រោយពីប្រើថិរវេលាច្រើនជាង Voeckler ២នាទីនិង២២វិនាទី ។
កីឡាករវ័យ៣២ឆ្នាំ Thomas Voeckler បាននិយាយក្រោយពេលប្រកួតចប់ថា “ខ្ញុំពិតជារីករាយខ្លាំងណាស់ដែលបានទទួលជោគជ័យនៅថ្ងៃនេះពិសេសគឺក្រុមរបស់យើងតែម្ដង ។ បើទោះបីជាយ៉ាងណាក្ដីយើងធ្វើបានយ៉ាងល្អ។ សម្រាប់ខ្ញុំវាហាក់បីដូចជាការប្រកួតចំនួន៤ដនៅថ្ងៃនេះព្រោះ វាជាការប្រណាំងឡើងភ្នំ ប៉ុន្ដែខ្ញុំបានសុំាទៅហើយដោយខ្ញុំបានប្រកួតចាប់តាំងពីអាយុ១៩ឆ្នាំមកម្លេះ” ។
កីឡាករអង់គ្លេស Bradley Wiggins ដែលបានបញ្ចប់ដំណាក់នេះក្នុងលំដាប់ទី១២នោះនៅតែសន្សំ ពេលវេលាបានយ៉ាងល្អបន្ដគ្រងអាវកាក់ពណ៌លឿងជាដដែល ។ គួរកត់សម្គាល់ថា ១៦ដំណាក់នៃ Tour de Franceឆ្នាំនេះគឺមានកីឡាករតែ២រូបប៉ុណ្ណោះដែលនាំមុខនៅលើតារាង ថិរវេលាសរុបនោះគឺកីឡាករអង់គ្លេស Bradley Wiggins និងកីឡាករស្វីស Fabian Cancellara ។ ពេលវេលាសរុប នៅលើតារាងបន្ទាប់ពីឆ្លងកាត់ការប្រណាំងអស់១៦ដំណាក់មកនេះកីឡាករ Bradley Wigginsបានប្រើអស់ថិរវេលាតិចជាងគេបំផុតគឺ៧៤ម៉ោង១៥នាទីនិង៣២ វិនាទី នាំមុខកីឡាករមិត្ដរួមជាតិ Christopher Froome ដែលបានប្រើថិរវេលាច្រើនជាង២នាទីនិង៥វិនាទី ។ ឯកីឡាករអ៊ីតាលី Vincenzo Nibali ជិះឱ្យក្រុម Liquigas-Cannondale ស្ថិតនៅលំដាប់ទី៣និងប្រើថិរវេលាសរុបច្រើនជាង Bradley Wiggins ២នាទីនិង២៣វិនាទី ។ រីឯ Cadel Evans ដែលជាកីឡាករការពារជើងឯកបានធ្លាក់ទៅលំដាប់ទី៧បន្ទាប់ពីបានប្រើពេលច្រើនជាង៨នាទីនិង៦វិនាទី ៕
.jpg)
