Khmer
English
Chinese
Frence
Vietnamese
Thai
តម្លៃប្រេងនៅលើពិភពលោកកើនឡើងខ្ពស់ជាងគេបំផុតរយៈពេល២ខែកន្លងមក
ដោយ ៖ ម៉ែវ សាធី ថ្ងៃទី 20 កក្កដា 2012ម៉ោង 13:34:24
កាលពីថ្ងៃទី១៩ ខែកក្កដា តម្លៃប្រេងនៅលើពិភពលោកកើនឡើងខ្ពស់ក្នុងរយៈ ពេល២ខែកន្លងមក ដោយក្រុមហ៊ុនចរា ចរប្រេងព្រួយបារម្ភពីឥទ្ធិពលនៃភាពតានតឹងនៅតំបន់មជ្ឈិមបូព៌ា ។នៅទីក្រុងញូវយ៉ក តម្លៃប្រេងឆៅកើនឡើងបន្ថែម២,៧៩ដុល្លារឡើងដល់ ៩២,៦៦ដុល្លារក្នុងមួយបារ៉ែល ជាតម្លៃ ខ្ពស់ជាងគេបំផុតចាប់តាំងពីថ្ងៃទី១៧ ខែ ឧសភា ។នៅទីក្រុងឡុង តម្លៃប្រេងប្រ៉ែន កើន ឡើងបន្ថែម២,៦៤ដុល្លារឡើងដល់១០៧, ៨០ដុល្លារក្នុងមួយបារ៉ែលជាកម្រិតខ្ពស់ ជាងគេបំផុត ។
ក្រុមអ្នកវិភាគយល់ឃើញថា តម្លៃ ប្រេងកើនឡើងខ្ពស់នោះដោយសារអំពើ ហិង្សាអូសបន្លាយរយៈពេលជាង៦ខែនៅ ក្នុងប្រទេសស៊ីរី ខណៈដែលពិភពលោក នៅមិនទាន់អាចរកច្រកចេញបញ្ចប់ វិបត្ដិនៅក្នុងប្រទេសស៊ីរីនោះនៅឡើយ។
ភាពតានតឹងពាក់ព័ន្ធនឹងអ៊ីរ៉ង់បានដើរ តួនាទីយ៉ាងសំខាន់បណ្ដាលឱ្យតម្លៃប្រេង ឡើងថ្លៃខ្ពស់នោះ ពិសេសគឺក្រោយពេល ដែលអ៊ីស្រាអែលបានចោទប្រកាន់អ៊ីរ៉ង់ ថា ឈរនៅពីក្រោយការវាយប្រហារ សម្លាប់អ្នកទេសចរជនជាតិអ៊ីស្រាអែល នៅក្នុងប្រទេសប៊ូលហ្គារី និងគំរាមកំហែង តបតវិញឱ្យបានស័ក្ដិសមជាទីបំផុត ។
មួលហេតុមួយទៀតដែលតម្លៃប្រេង ឡើងថ្លៃខ្ពស់នោះគឺអ៊ីរ៉ង់បានគំរាមកំហែង បិទច្រកសមុទ្រហូមឺសដើម្បីតបតទៅ នឹងការដាក់ទណ្ឌកម្មរបស់លោកខាង លិចមកលើសេដ្ឋកិច្ចរបស់អ៊ីរ៉ង់ធ្វើឱ្យ រាំងស្ទះដល់ការដឹកជញ្ជូនការផ្គត់ផ្គង់ ប្រេងកាតនៅទូទាំងពិភពលោកតាម រយៈច្រកសមុទ្រហូមឺសនេះ ។
ប្រេងឡើងថ្លៃខ្ពស់ជាងគេបំផុតនោះ ជាប់ពាក់ព័ន្ធទៅនឹងការប្រកាសរបស់ មេបញ្ជាការកងទ័ពជើងទឹកអ៊ីរ៉ង់របស់ កម្លាំងបដិវត្ដន៍អ៊ិាស្លាមអ៊ីរ៉ង់IRGC បានប្រកាសថា នឹងរារាំងមិនឱ្យប្រេង មួយដំណក់ហូរឆ្លងកាត់ច្រកសមុទ្រ ហូមឺសនោះឡើយ ប្រសិនបើសន្ដិសុខ របស់អ៊ីរ៉ង់រងការគម្រាមកំហែងនោះ ៕
.jpg)
