Khmer
English
Chinese
Frence
Vietnamese
Thai
មន្ទីរកសិកម្មខេត្ដមណ្ឌលគិរីចុះជួយដកស្ទូងប្រជាកសិករស្រុកកោះញែក
ដោយ ៖ ហេង ថារិទ្ធ ថ្ងៃទី 27 កក្កដា 2012ម៉ោង 09:21:20
ខេត្ដមណ្ឌលគិរី ៖ កាលពីពេលថ្មីៗនេះលោកសុង ឃាង ប្រធានមន្ទីរកសិកម្មខេត្ដមណ្ឌលគិរីបានដឹកនាំមន្ដ្រីក្រោម ឱវាទចុះជួយដកស្ទូងប្រជាកសិករចំនួន ២ភូមិក្នុងឃុំស្រែសង្គម ស្រុកកោះញែក ដែលពួកគាត់មិនទាន់ស្ទូងរួចរាល់ ។
នៅក្នុងឱកាសនោះក៏មានការអញ្ជើញ ចូលរួមពីលោកអេង ប៊ុនហ៊ាង ប្រធាន ក្រុមប្រឹក្សាខេត្ដ, លោកអភិបាលស្រុក លោកមេឃុំ មេភូមិជាច្រើននាក់ផងដែរ ។
លោកសុង ឃាង ប្រធានមន្ទីរកសិកម្ម ខេត្ដបានឱ្យដឹងដែរថា បើគិតចាប់ពីរដូវ វស្សារហូតមកដល់ថ្ងៃ២២ ខែកក្កដា ឆ្នាំ២០១២ ប្រជាកសិករនៅទូទាំងខេត្ដ មណ្ឌលគិរីចុះអនុវត្ដដាំដុះបានចំនួន ៥៨៦៨ហិកតា ក្នុងនោះស្រូវចម្ការបាន ចំនួន៤០៣៤ហិកតា និងស្រូវស្រែបាន ចំនួន១៨៣៤ហិកតា ហើយរាល់ថ្ងៃប្រជា កសិករនិយមដាំពូជស្រូវក្រហមចិញ្ចើម ប្រវឹកក្រយា ។ នៅខេត្ដមណ្ឌលគិរីមាន តែស្រុកកោះញែកមួយទេដែលមានផ្ទៃ ដីដាំដុះដំណាំស្រូវច្រើនរហូតដល់ទៅ ១២០០០ហិកតា ប៉ុន្ដែរហូតមកដល់ ពេលនេះប្រជាកសិករពួកគាត់បាន អនុវត្ដដកស្ទូងបានចំនួន១៤៤២ហិកតា ហើយ ។
លោកបានបន្ដឱ្យដឹងទៀតថា កន្លង មកមន្ទីរបានផ្សព្វផ្សាយ និងផ្ដល់ពូជស្រូវ ទំនើបចំនួន១០មុខដល់បងប្អូនប្រជា កសិករក្នុងនោះមានពូជស្រូវស្រាលចំនួន ៣មុខមាន១-ឈ្មោះសែនពិដោ, ២- ជលសា, ៣-អ៊ីអ៊ែ៦៦ និងពូជស្រូវ កណ្ដាលចំនួន៤មុខ គឺពូជផ្កាច័ន្ទសែន សពូជផ្ការមៀត ផ្ការំដេង និងផ្ការំដួល ចំណែកពូជស្រូវធ្ងន់មានចំនួន៣មុខគឺ ពូជខាបូន ខាប្រាំមួយ និងពូជរាំងជ័យ ។
លោកប្រធានមន្ទីរបានបន្ដឱ្យដឹង ទៀតថា ក្នុងឆ្នាំ២០១១ទិន្នផលស្រូវជា មធ្យមដែលប្រជាកសិករទទួលបានក្នុង ១ហិកតាស្មើ២,៦២០តោនហើយស្រូវ ដែលសល់ពីតត្រូវការហូបក្នុងខេត្ដចំនួន ៣៣៨៨៩តោនបើគិតជាអង្ករមានចំនួន ២១៦៨៩តោន ៕
.jpg)
