Zidane​ នឹង​ធ្វើ​ជា​គ្រូ​បង្វឹក​ក្រុម​យុវជន​របស់​ក្លិប​ Real​ Madrid​ នៅ​អេ​ស្ប៉ា​ញ​

ដោយ​ ៖ ដេវីត ថ្ងៃទី 01 សីហា 2012ម៉ោង 08:43:23

ក្លិប​បាល់ទាត់​ Real​ Madrid​ ម្ចាស់​ជើងឯក​អេ​ស្ប៉ា​ញ​ Primera​ Division​ ឆ្នាំ​២០១២​បាន​ប្រកាស​ឱ្យ​ដឹង​ថា​ ខ្លួន​បាន​តែងតាំង​លោក​ Zinedine​ Zidane​ ធ្វើ​ជា​គ្រូបង្វឹក​ក្រុម​យុវជន​បន្ទាប់​ពី​រូប​គាត់​ទទួល​បាន​សិទ្ធិ​ធ្វើ​ជា​គ្រុ​បង្វឹក​ ។​

​លោក​ Zinedine​ Zidane​ ដែល​បាន​ចូល​និវត្ដ​ន៏​ពិភព​បាល់ទាត់​កាលពី​ឆ្នាំ​២០០៦​ធ្លាប់​បាន​បញ្ជាក់​ថា​ គាត់​ចង់​ក្លាយទៅជា​គ្រូបង្វឹក​មួយ​រូប​នៅ​ថ្ងៃ​ អនាគត​ដោយ​បាន​ចូលរួម​នៅ​សកល​វិទ្យាល័យ​បាល់ទាត់​មួយ​ជាមួយ​ដែល​លោក​ Laurent​ Blanc​ អតីត​គ្រូបង្វឹក​ក្រុម​ជម្រើសជាតិ​បារាំង​ធ្លាប់​បាន​រៀន​នៅ​ទីនោះ​ផង​ដែរ​ ។​

​ចាប់តាំងពី​លាឈប់​ពី​អាជីព​កីឡាករ​រួច​មក​អតីត​កីឡាករ​អន្ដរជាតិ​បារាំង​រូប​នេះ​បានជា​ទីប្រឹក្សា​ដល់​គ្រូបង្វឹក​ Florentino​ Perez​ ប្រធាន​ក្លិប​និង​លោក​ Jose​ Mourinho​ គ្រូបង្វឹក​ក្រុម​ Real​ Madrid​ ។​ គាត់​នឹង​បន្ដ​អាជីព​នៅ​ក្នុង​ក្លិប​យក្ស​របស់​ប្រទេស​អេ​ស្ប៉ា​ញ​នេះ​ក្នុង​នាម​ជា​គ្រូបង្វឹក​ក្រុម​យុវជន​ទៀត​ ។​

​សេចក្ដីថ្លែងការណ៍​មួយ​របស់​ក្លិប​ Real​ Madrid​ បានឱ្យ​ដឹង​ថា​ “Zinedine​ Zidane​ នឹង​ចាបផ្ដើម​ហ្វឹកហាត់​ដើម្បី​ក្លាយទៅជា​គ្រូបង្វឹក​១​រូប​នៅ​ពេល​ជា​មួយ​គ្នា​នេះ​គឺ​គាត់​នឹង​ត្រូវ​ដឹកនាំ​ក្រុម​យុវជន​របស់​ពួក​យើង​តែ​ម្ដង​ ។​ គាត់​នឹង​បញ្ចប់​វគ្គ​ហ្វឹកហ្វឺន​ជាង​គ្រូបង្វឹក​នៅ​ក្នុងឆ្នាំនេះ​តែ​ម្ដង​ហេតុ​ដូចនេះ​ហើយ​ទើប​វា​អាច​ធ្វើ​គាត់​អាច​ផ្ដល់​ចំណេះដឹង​ផ្នែក​បាល់ទាត់​ជា​ផ្លូវការ​”​ ។​

Zidane​ ត្រូវ​បាន​គេ​រំពឹង​ថា​ នឹង​ជំនួស​ Alberto​ Giraldez​ ក្នុង​នាម​ជា​គ្រូបង្វឹក​ធំ​ប្រចាំ​ក្រុម​យុវជន​របស់​ Real​ Madrid​ ។​ កាលពីដើម​ខែកក្កដា​កន្លង​ ទៅ​លោក​ Noel​ Le​ Graet​ ប្រធាន​សហព័ន្ធ​កីឡាបាល់ទាត់​បារាំង​ (FFF)​ បាន​អះអាង​ថា​ ក្ដី​ស្រមៃ​ក្នុង​ការ​ក្លាយជា​គ្រូបង្វឹក​ក្រុម​ជម្រើសជាតិ​បារាំង​នៅ​ថ្ងៃ​អនាគត​របស់​ខ្សែបម្រើ​កណ្ដាល​រូប​នេះ​ នឹង​អាច​ក្លាយជា​ការ​ពិត​នា​ថ្ងៃ​ណាមួយ​ ៕