Khmer
English
Chinese
Frence
Vietnamese
Thai
ព្រឹត្ដិការណ៍កីឡាទាក់ទងទៅនឹងការដោះដូរកីឡាករបាល់ទាត់នៅតំបន់អឺរ៉ុប
ដោយ ៖ ដេវីត ថ្ងៃទី 23 សីហា 2012ម៉ោង 09:32:42
1. Adebayor ក្លាយទៅជាកីឡាករ អចិន្ដ្រៃយ៍របស់ក្រុមមាន់ខ្នាយមាស Tottenham
កីឡាករអន្ដរជាតិ Emmanuel Adebayor របស់ប្រទេសតូហ្គោ (Togo) បានសម្រេចផ្លាស់ពីក្រុមការពារតំណែងជើងឯកអង់គ្លេស Premier League គឺ ក្រុម Man City មកកាន់ក្រុមមាន់ ខ្នាយមាស Tottenham ជាកីឡាករ អចិន្ដ្រៃយ៍ ក្នុងតម្លៃខ្លួន៥លានផោន ។
ក្រុម Tottenham ចង់បានកីឡាករ Adebayor ជាកីឡាករអចិន្ដ្រៃយ៍តាំងពី ខែកក្កដាឆ្នាំមុនម្ល៉េះ ប៉ុន្ដែដោយសារតែ រូបគេមានតម្លៃខ្លួនខ្ពស់ពេកទើបក្រុម Tottenham ត្រូវរង់ចាំរហូតមកដល់ ពេលនេះ ។ ក្លិបបាល់ទាត់ Tottenham បាន ចេញសេចក្ដីថ្លែងការណ៍មួយថា“យើង ពិតជាមានក្ដីសោមនស្សក្រៃលែងដោយសារបានទទួលកីឡាករ Adebayor ពីក្រុម Manchester City ។ រូបគេធ្លាប់ ជាកីឡាករលេងល្អបំផុតរបស់ទ្វីបអាហ្វ្រិក កាលពីឆ្នាំ២០០៨” ។
ចំណែកកីឡាករវ័យ២៨ឆ្នាំ Adeba- yor ក៏បានថ្លែងពីក្ដីរីករាយរបស់ខ្លួន ផងដែរថា “ខ្ញុំពិតជារីករាយខ្លាំងណាស់ ដែលបានចុះហត្ថលេខាជាកីឡាករ អចិន្ដ្រៃយ៍នៅក្នុងក្រុម Tottenham ហើយ ទីបញ្ចប់ខ្ញុំបានចាកចេញពីក្រុម Man- chester City ហើយ ។ បើទោះបីជាត្រូវ ការរយៈពេលយូរក៏ដោយក៏ខ្ញុំពិតជា ចង់ វិលត្រឡប់មកកាន់ក្រុម Tottenham នេះខ្លាំងណាស់ ។ ខ្ញុំទទួលបានភាពរីក រាយនិងជោគជ័យជាច្រើននៅទីនេះកាលពីរដូវកាលមុន ហើយខ្ញុំសង្ឃឹមថានឹង អាចនាំមកនូវជោគជ័យជាច្រើនទៀត សម្រាប់ក្លិបនិងអ្នកគាំទ្រតែម្ដង” ។
គួរបញ្ជាក់ថា អតីតខ្សែប្រយុទ្ធរបស់ ក្លិបកាំភ្លើងធំ Arsenal នេះបានមកលេង នៅក្នុងក្រុម Tottenham ជាលក្ខណៈខ្ចី ជើងកាលពីរដូវកាល២០១១-២០១២ ដោយស៊ុតបាល់បញ្ចូលទីបាន១៨គ្រាប់ ក្នុងការបង្ហាញខ្លួន៣៧ប្រកួត ។
2.កីឡាករ Alex Song សម្ដែងក្ដី រំភើបពេលបានផ្លាស់ចេញពីក្រុម Arsenal ទៅកាន់ Barcelona
កីឡាករ Alex Song បានសម្ដែង ក្ដីរំភើបរីករាយរបស់ខ្លួនក្រោយពេល បានផ្លាស់ចេញពីក្រុមកាំភ្លើងធំ Arsenal ទៅកាន់ក្លិប Barcelona ដោយបាន បញ្ជាក់ថា ក្លិបយក្សរបស់ប្រទេសអេស្ប៉ាញ មួយនេះគឺជាក្លិបដ៏ល្អបំផុតនៅលើពិភពលោក ។
កីឡាករអន្ដរជាតិនៃប្រទេសកាម៉ារូនរូបនេះបានចុះហត្ថលេខារយៈពេល៥ឆ្នាំ ផ្លាស់ទៅលេងនៅក្នុងប្រទេសអេស្ប៉ាញ ដោយមានតម្លៃខ្លួន១៩លានអឺរ៉ូ ។ រូប គេបានថ្លែងថា ការផ្លាស់ប្ដូរក្លិបនេះគឺធ្វើ ឱ្យសុបិនរបស់គេក្លាយជាការពិតហើយ។
Song បាននិយាយប្រាប់ទូរទស្សន៍ Barcelona ថា “ខ្ញុំពិតជារីករាយខ្លាំង ណាស់ដែលបានមកកាន់ទីនេះ ដោយ សារតែក្រុម Barcelona ជាក្រុមដ៏ល្អ ជាងគេនៅលើពិភពលោក ។ ខ្ញុំតែងតែ ប្រាថ្នាចង់មកលេងនៅក្នុងក្រុមនេះតាំងពីខ្ញុំនៅតូចម្ល៉េះ ។ ខ្ញុំនឹងព្យាយាមឱ្យអស់ ពីសមត្ថភាពរបស់ខ្ញុំដើម្បីជួយក្រុមនេះឈ្នះជើងឯកជាច្រើនទៀត” ។
កីឡាករវ័យ២៤ឆ្នាំនេះនឹងទៅចូល រួមជាមួយនឹងមិត្ដរួមក្រុមចាស់របស់ គេគឺកីឡាករ Cesc Fabregas ដែលពួក គេធ្លាប់បានលេងជាមួយគ្នានៅក្នុងក្លិបArsenal ។
3.បិសាចក្រហមប្រមាញ់បានកីឡាករ Alexander Buttner ពីប្រទេស ហុល្លង់
ក្រុមបាល់ទាត់បិសាចក្រហម Man- chester United ដែលកំពុងតែមមាញឹក ក្នុងការទិញកីឡាករជាច្រើនរូបដើម្បី ដណ្ដើមជើងឯកអង់គ្លេស Premier Lea- gue មកវិញទើបតែបានទិញកីឡាករ ខ្សែការពារថ្មីមួយទៀត គឺកីឡាករ Alexander Buttner មកពីក្រុម Vitesse នៅ ក្នុងប្រទេសហុល្លង់ ។
កីឡាករ Alexander Buttner បាន សម្រេចចិត្ដចុះហត្ថលេខារយៈពេល៥ ឆ្នាំដើម្បីមកលេងក្នុងក្របខ័ណ្ឌកំពូល របស់អង់គ្លេសហើយរូបគេបានក្លាយទៅជាកីឡាករទី៤ហើយ ដែលក្រុមបិសាច ក្រហមក្រោមការដឹកនាំរបស់លោក Ferguson ក្នុងនោះរួមមានកីឡាករ Shinji Kagawa, Nick Powell និង Robin van Persie ។
កីឡាកវ័យ២៣ឆ្នាំ Buttner បាន បង្ហាញខ្លួន១១៩ដងនៅក្នុងក្របខ័ណ្ឌ ហុល្លង់ Eredivisie ដោយបានជាប់ជា ជម្រើសដំបូងនៅក្នុងក្រុមហុល្លង់ក្នុងកម្ម វិធីយូរ៉ូឆ្នាំ២០១២ផងដែរ ។ Alexander Buttner បាននិយាយថា“វាពិតជាកិត្ដិយស ខ្លាំងមែនទែនដែលបានផ្លាស់មកលេង ក្រុមល្អដូចជា Manchester United ។ វាជាក្រុមមួយនៅក្នុងក្ដីសុបិនរបស់ខ្ញុំ ហើយខ្ញុំនឹងខិតខំជួយពួកគេឱ្យទទួលបាន ជោគជ័យ” ។
4.ក្លិប Norwich City ទទួលបានខ្សែ ការពារ Sebastien Bassong មករួម ក្រុមរយៈពេល៣ឆ្នាំ
ក្លិបបាល់ទាត់ Norwich City បាន ប្រកាសឱ្យដឹងថា ខ្លួនបានទទួលកីឡាករ Sebastien Bassong ពីក្រុម Tottenham ដោយរូបគេបានចុះហត្ថលេខារយៈពេល៣ឆ្នាំ ។
Bassong បានផ្លាស់ពីក្រុមចចក រោមមាស Wolves មកកាន់ទឹកដី White Hart Lane របស់ក្រុមមាន់ខ្នាយមាស ដោយមានតម្លៃខ្លួន៨លានផោនកាលពីឆ្នាំ២០០៨ ។ កីឡាករអន្ដរជាតិកាម៉ារូន នេះបាននិយាយថា “ខ្ញុំបានផ្លាស់ទៅលេង នៅក្នុងក្រុម Norwich រយៈពេល៣ឆ្នាំ។ ខ្ញុំសូមជូនពរឱ្យក្រុមចាស់របស់ខ្ញុំទទួលបានជោគជ័យ” ។
គួរបញ្ជាក់ថា កីឡាករ Bassong បាន មកកាន់ប្រទេសអង់គ្លេសជាលើកដំបូង ដោយផ្លាស់ពីក្រុម Metz របស់ប្រទេស បារាំងមកចូលរួមក្រុមសារិកាព្រៃ Newcastle United កាលពីឆ្នាំ២០០៨។ រូបគេបានបង្ហាញខ្លួនបាន៧២ប្រកួតឱ្យ ក្រុម Tottenham និងបានជាប់ជាជម្រើស ជាតិចំនួន១៥ដងផងដែរ ។
5.ក្លិប QPR យល់ព្រមទិញខ្សែការ ពារ Michael Dawson ក្នុងតម្លៃខ្លួន ៧,៥លានផោន
ក្លិបបាល់ទាត់ Queens Park Rangers បានយល់ព្រមលើតម្លៃខ្លួន៧,៥លាន ផោនទិញកីឡាករខ្សែការពារ Michael Dawson ពីក្រុម Tottenham ។
កីឡាករអន្ដរជាតិអង់គ្លេសរូបនេះ មិនទាន់បានទៅពិនិត្យសុខភាពនៅក្នុង ក្រុម QPR នៅឡើយទេ តែរូបគេបាន យល់ព្រមនឹងសំណើទិញរួចហើយក្រោយ ពេលកីឡាករនេះបានទទួលដំណឹងថា រូប គេនឹងក្លាយទៅជាជម្រើសទី៣ឯណោះ នៅក្នុងក្រុមមាន់ខ្នាយមាស ។
លោក Mark Hughes គ្រូបង្វឹករបស់ ក្រុម QPR បានព្យាយាមទិញខ្សែការពារ មកពង្រឹងក្លិបបន្ទាបពីក្រុមរបស់គាត់ រងភាពអាម៉ាស់កាលពីថ្ងៃសៅរ៍សបា្ដហ៍មុនដោយប្រកួតចាញ់ក្រុម Swansea ក្នុងលទ្ធផល ៥-០ នៅក្នុងទឹកដី Loftus Road របស់ខ្លួន ។
Michael Dawson ធ្លាប់បានជាប់ ជម្រើសជាតិអង់គ្លេស៤ដង ប៉ុន្ដែរូបគេ បានក្លាយទៅជាកីឡាករបម្រុងវិញរបស់ លោក Harry Redknapp នៅក្នុងក្រុម Tottenham កាលពីរដូវកាលមុន ហើយ រូបគេបានក្លាយទៅជាកីឡាករបម្រុងម្ដង ទៀតក្រោមការដឹកនាំរបស់គ្រូបង្វឹកថ្មី លោក Andre Villas-Boas ដែលជា ហេតុធ្វើឱ្យរូបគេសម្រេចចិត្ដចាកចេញពីក្លិបដើម្បីរកកន្លែងដែលអាចជាប់ជាជម្រើស១១នាក់ដំបូង ៕
.jpg)
