Khmer
English
Chinese
Frence
Vietnamese
Thaiមកពីរកត្រីត្រូវចោរបាញ់ប្លន់យកម៉ូតូស្លាប់នៅមន្ទីរពេទ្យ
ដោយ ៖ អ៊ុំ ណូន|ថ្ងៃទី 20 កញ្ញា 2012 ម៉ោង 15:07:32
ភ្នំពេញ ៖ បុរសម្នាក់ត្រូវបានចោរបាញ់១គ្រាប់ប្លន់យកម៉ូតូ បណ្ដាលឱ្យស្លាប់ក្រោយពេលបញ្ជូនទៅកាន់មន្ទីរពេទ្យ ខណៈដែលកំពុងជិះម៉ូតូមកពីរកត្រី តាមបណ្ដោយផ្លូវភ្នំពេញ-ហាណូយ ក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ កាលពីវេលាម៉ោង២និង៣០នាទីរសៀល ។ ជនរងគ្រោះមានឈ្មោះ ព្រំ ស៊ិនដា អាយុ២៥ឆ្នាំ មានទីលំនៅភូមិសែនសុខទី៣ សង្កាត់ឃ្មួញ ខណ្ឌសែនសុខ ។
ប្រភពព័ត៌មានបានឱ្យដឹងថា នៅមុនពេលកើតហេតុ ជនរងគ្រោះបានជិះម៉ូតូហុងដាសេ១២៥ ស៊េរីឆ្នាំ២០១២ ពណ៌ខ្មៅ ពាក់ស្លាកលេខភ្នំពេញ 1BE-4108 ដោយ មានឌុបក្មេងប្រុស២នាក់ លុះមកដល់ចំណុចកើតហេតុក៏ត្រូវចោរមានគ្នា២នាក់ជិះម៉ូតូ១គ្រឿងម៉ាកហុងដា ពណ៌ខ្មៅ ស៊េរីឆ្នាំ២០១១ មិនចាំស្លាកលេខ ដកកាំភ្លើងខ្លី១ដើមមិនស្គាល់មកភ្ជង់និងបាញ់ប្លន់យកម៉ូតូពីជនរងគ្រោះ ហើយគេចខ្លួនដោយសុវត្ថិភាព ៕
