​ក្រុម​ហ៊ុនធំ​ៗ២​របស់​អា​មេ​រិ​ក​ប្រឈម​ការ​ផាក​ពិ​ភ័យ​រាប់​ពាន់​លាន​ដុល្លារ​ពី​សហគមន៍​អឺរ៉ុប​

ដោយ​ ៖ ម ថ្ងៃទី 06 តុលា 2012ម៉ោង 10:46:17

​សហគមន៍​អឺរ៉ុប​បាន​រៀបចំ​សំណុំ​បែប​បទ​តាម​ផ្លូវច្បាប់​ ដើម្បី​ផាកពិន័យ​ជា​ទឹក​ប្រាក់​រាប់​ពាន់​ដុល្លារ​ដល់​ក្រុមហ៊ុន​ធំៗ​២​របស់​អា​មេ​រិ​ក​ គឺ​ក្រុមហ៊ុន​ Boeing​ និង​ ក្រុមហ៊ុន​ Microsoft​ ។​

​តាម​សេចក្ដី​ប្រកាស​របស់​សហគមន៍​អឺរ៉ុប​បាន​បញ្ជាក់​ថា​រដ្ឋ​បាន​ស្នើ​ឱ្យ​អង្គ​ ការ​ពាណិជ្ជកម្ម​ពិភពលោក​(WTO)​ អនុញ្ញាត​ឱ្យ​ អនុម័ត​ឱ្យ​ដាក់​ទណ្ឌកម្ម​ដល់​ ក្រុមហ៊ុន​ធំ​ទាំង​២​ខាងលើ​ដោយ​មាន​ ទឹកប្រាក់​ផាកពិន័យ​ជា​រៀង​រាល់​ឆ្នាំ​ដល់​ ទៅ​១២​ពាន់​ លាន​ដុល្លារ​។​

​ប្រសិនបើ​ទទួល​បានការ​ឯកភាព​ទាំង​ នោះ​ ជា​ការ​ផាកពិន័យ​ទ្រង់ទ្រាយ​ធំ​បំផុត​ របស់​អង្គការ​ពាណិជ្ជកម្ម​ពិភពលោក​ ទៅ​លើ​ក្រុមហ៊ុន​មួយ​។​មូលហេតុ​ដែល​ សហគមន៍​អឺរ៉ុប​បាន​លើក​ឡើង​នោះ​ គឺ​  ដោយសារ​តែ​អា​មេ​រិ​ក​មិន​ព្រម​បញ្ចប់​ ប្រាក់​ជំនួយ​ខុសច្បាប់​របស់​ខ្លួន​ទៅ​លើ​ វិស័យ​ផលិត​រថយន្ដ​តាម​សំណើ​របស់​ (WTO)​ ។​

​សហគមន៍​អឺរ៉ុប​បាន​បញ្ជាក់​ថា​ទីក្រុង​ វ៉ា​ស៊ី​ន​តោន​មិន​បាន​គោរព​ទៅ​នឹង​ សេចក្ដីសម្រេច​របស់​ (WTO)​ ក្នុង​ការ​ បញ្ចប់​ប្រាក់​ជំនួយ​ខុសច្បាប់​ដល់​ក្រុម​ហ៊ុន​ Boeing​ មុន​ថ្ងៃ​ទី​២៤​កញ្ញា​ ២០១២​។​  អឺរ៉ុប​ជឿជាក់​ថា​ អា​មេ​រិ​នឹង​គោរព​តាម​ កិច្ចសន្យា​របស់​ខ្លួន​ ប៉ុន្ដែ​ គួរ​ឱ្យ​សោក​ ស្ដាយ​អា​មេ​រិ​កបាន​ធ្វើ​ព្រងើយ​មិន​បាន​ អនុវត្ដ​តាម​ការ​កំណត់​របស់​ (WTO)​ នោះ​ឡើយ​។​

​ប្រធាន​អង្គការ​ពាណិជ្ជកម្ម​សហគមន៍​អឺរ៉ុប​ លោក​ Karel​ De​ Gucht​ បាន​ប្រ​ កាស​ឱ្យ​ដឹង​ថា​ អា​មេ​រិ​កបាន​បង្ខំ​ឱ្យ​យើង​ ខ្ញុំ​ធ្វើ​សកម្មភាព​តាម​ផ្លូវច្បាប់​ដោយ​គ្មាន​ ជម្រើស​បាន​មួយ​ផ្សេង​ទៀត​។​ អង្គការ​ (WTO)​ ក៏​បាន​គាំទ្រ​អឺរ៉ុប​ ក្នុង​ពេល​ដែល​ រក​ឃើញ​ភស្ដុ​តាង​ថា​រដ្ឋាភិបាល​អា​មេ​រិ​ក​ បាន​ផ្ដល់​ប្រាក់​ជំនួយ​៥-៦​លាន​ដុល្លារ​  ដល់​ក្រុមហ៊ុន​ Boeing​ ក្នុង​អំឡុង​ឆ្នាំ​ ១៩៨៩-២០០៦​ និង​ ៣,១​ពាន់​លាន​ ដុល្លារ​ ក្នុង​ដំណាក់កាល​បន្ដ​។​ ប្រាក់​ជំនួយ​ ទាំងនោះ​មិន​សម​ស្រប​ទៅ​នឹង​ច្បាប់​ កំណត់​របស់​ (WTO)​ ។​

​នៅ​ក្នុង​សង្គ្រាម​ប្រកួតប្រជែង​យន្ដ​ ហោះ​តានតឹង​វិស័យ​ពាណិជ្ជកម្ម​រវាង​ អា​មេ​រិ​ក​និង​សហគមន៍​អឺរ៉ុប​បាន​ធ្វើ​ឱ្យ​ ទំនាក់ទំនង​តានតឹង​នឹង​គ្នា​។​សារព័ត៌មាន​ The​ Economic​ times​ បាន​ផ្សព្វផ្សាយ​ថា​ ក្រុមហ៊ុន​ Microsoft​ របស់​អា​មេ​រិ​ក​ ក៏​ ត្រូវ​បាន​សហគមន៍​អឺរ៉ុប​ផាកពិន័យ​ពី​បទ​ បំពាន​ទៅ​លើ​កម្មសិទ្ធិបញ្ញា​។​

​ក្រុមហ៊ុន​របស់​មហាសេដ្ឋី​ Bill​ Gate​ បាន​ព្រងើយ​ទៅ​នឹង​សេចក្ដីសម្រេច​របស់​ សហគមន៍​អឺរ៉ុប​នៅ​ឆ្នាំ​២០០៦​ស្ដី​អំពី​ បោះបង់​កម្មសិទ្ធិបញ្ញា​ Internet​ Explore​នៅ​ក្នុង​ Windows​ ដោយ​អនុញ្ញាត​ឱ្យ​អ្នក​ ប្រើប្រាស់​អាច​ប្រើប្រាស់​ប្រព័ន្ធ​ផ្សេង​ទៀត​ សម្រាប់​គេហទំព័រ​ដែល​ពេញ​និយម​នៅ​ លើ​ពិភពលោក​។​

​នេះ​ជា​លើក​ទី​២​ហើយ​ដែល​ក្រុមហ៊ុន​ Microsoft​ មិន​គោរព​តាម​ច្បាប់​កម្មសិទ្ធិ​ បញ្ញា​របស់​សហគមន៍​អឺរ៉ុប​។​ ប្រសិនបើ​ត្រូវ​បាន​កាត់ទោស​ក្រុមហ៊ុន​នេះ​នឹង​ត្រូវ​ រង​ការ​ផាកពិន័យ​ជា​ទឹកប្រាក់​៧,៤​ពាន់​ លាន​ដុល្លារ​ឬ​១០​ភាគរយ​នៃ​ប្រាក់​ចំ​ ណូ​ល​ប្រចាំឆ្នាំ​របស់​ក្រុមហ៊ុន​​ ៕