Khmer
English
Chinese
Frence
Vietnamese
ThaiIMF ៖ ចិននឹងខាតបង់ជាច្រើនប្រសិនបើមិនមកចូលរួមកិច្ចប្រជុំនៅតូក្យូ
ដោយ ៖ ម៉ែវ សាធី|ថ្ងៃទី 12 តុលា 2012 ម៉ោង 10:40:23
ប្រធានមូលនិធិរូបិយវត្ថុអន្ដរជាតិ (IMF)លោកស្រី Christine Lagarde បានព្រមានកាលពីថ្ងៃទី១១ខែតុលា ដល់ បណ្ដាប្រព័ន្ធហិរញ្ញវត្ថុរបស់ចិន ក្រោយ ពេលទទួលបានព័ត៌មានថា ចិននឹងមិនចូលរួមកិច្ចប្រជុំជាប្រចាំដែលរៀបចំ ឡើងដោយធនាគារពិភពលោក និងIMF នៅទីក្រុងតូក្យូប្រទេសជប៉ុន ។
IMF បានប្រកាសថា ប្រធានធនា គារជាតិចិននឹងមិនដឹកនាំគណៈប្រតិភូ ចូលរួមកិច្ចប្រជុំរបស់IMFនៅក្នុងសប្ដាហ៍ នេះនោះឡើយ ។ IMF បញ្ជាក់ទៀតថា “យើងទទួលបានការប្រកាសមុននេះ២ថ្ងៃ ស្ដីពីប្រធានធនាគារជាតិចិនមិនចូលរួម កិច្ចប្រជុំនៅទីក្រុងតូក្យូ ជំនួសវិញដោយ អគ្គនាយករងតែប៉ុណ្ណោះ” ។
ទោះបីមន្ដ្រីហិរញ្ញវត្ថុចិនមិនបានលើក ឡើងពីមូលហេតុច្បាស់លាស់ បណ្ដាល ចិនមិនអាចចូលរួមកិច្ចប្រជុំនេះបាន ប៉ុន្ដែ មនុស្សជាច្រើនបានយល់ឃើញថា ដោយ សារតែវិវាទអធិបតេយ្យភាពដែនកោះ ទើបធ្វើឱ្យចិនសម្រេចមិនទៅកាន់ទីក្រុង តូក្យូ ។
អគ្គនាយក IMF លោកស្រី ឡាហ្គេស បានអំពាវនាវឱ្យទីក្រុងតូក្យូនិងទីក្រុងប៉េ កាំងប្រញាប់ដោះស្រាយវិវាទ បើតាម ប្រសាសន៍លោកស្រី ប្រទេសទាំង២មាន តួនាទីយ៉ាងសំខាន់លើវិស័យសេដ្ឋកិច្ចនៅ លើពិភពលោកទាំងមូល ។
លោកស្រីបន្ដទៀតថា “យើងមានកិច្ច ការសំខាន់ៗជាច្រើនដែលត្រូវពិភាក្សា ប៉ុន្ដែដោយការមិនចូលរួមរបស់មន្ដ្រីជាន់ ខ្ពស់ចិន យើងយល់ថា ចិននឹងត្រូវខាត បង់យ៉ាងធំធេងដោយសកម្មភាពមិនចូល រួមកិច្ចប្រជុំទាំងនោះ” ។
ការប្រឈមមុខតានតឹងដាក់គ្នារវាង ចិននិងជប៉ុនបង្កការព្រួយបារម្ភយ៉ាងខ្លាំង ដល់ពិភពលោកទាំងមូល ។ ចិននិងជប៉ុន ត្រូវបានអ្នកសេដ្ឋកិច្ចចាត់ទុកថា ជាក្បាល ម៉ាស៊ីននៃសេដ្ឋកិច្ចលើពិភពលោក ។ ការ ប្រឈមមុខតានតឹងដាក់គ្នាប៉ះពាល់ដោយ ដល់សេដ្ឋកិច្ច ក្នុងពេលដែលសេដ្ឋកិច្ច ពិភពលោកប្រឈមមុខនឹងការធ្លាក់ចុះ នេះ ។
ចំណែកប្រធានធនាគារពិភពលោក លោក Jim Yong Kim ក៏បានប្រកាស ផងដែរថា លោកមានជំនឿជឿជាក់ថា ចិននិងជប៉ុនអាចទុកវិវាទទៅម្ខាង ដើម្បី បន្ដសហប្រតិបត្ដិការឆ្ពោះទៅរកការ អភិវឌ្ឍន៍ទាំងមូលនាពេលអនាគត ៕
