Khmer
English
Chinese
Frence
Vietnamese
Thai
ចាំអ៊ុតមើលតើ ហេង វិឆ័យ ឬក៏ ពុទ្ធ ហ៊ុច អ្នកណាឈ្នះនៅសង្វៀនបាយន័?
ដោយ ៖ យឺន ពន្លឺ ថ្ងៃទី 12 តុលា 2012ម៉ោង 11:16:51
ភ្នំពេញ ៖ អ្នកប្រដាល់វ័យក្មេង ពុទ្ធ ហ៊ុច ហាក់ដូចជារារែកចិត្ដខណៈដែល គេត្រូវបានគណៈកម្មការផ្គូផ្គងឱ្យប្រកួតជាមួយ ហេង វិឆ័យ នៅលើសង្វៀន ប៉ុស្ដិ៍បាយន័ នាល្ងាចថ្ងៃអាទិត្យ ទី១៤ ខែតុលាខាងមុខនេះ ។ តែទោះបីជាយ៉ាងណាកីឡាកររូបនេះបានអះអាងថា មិនអាចមានករណីភ្លាត់ស្នៀតកើតឡើងនោះទេ បើទោះជាគេមិនធ្លាប់ស្គាល់ល្បិច ប្រយុទ្ធរបស់ ហេង វិឆ័យ ពីមុនមកក៏ដោយ ។
ហេង វិឆ័យ គេមានកម្លាំងស៊ុហ្វ ខ្លាំងតែអន់ស្នៀតប្រដាល់ និងអន់តិច និកក្នុងការប្រកួត តែ វិឆ័យ ខ្លាំងខាង ទាត់ ។ លោក ទេស សារិន គ្រូបង្វឹក នៃក្លិបកងពលតូចលេខ៧០ ធ្លាប់បានអួត ប្រាប់អ្នកយកព័ត៌មានកន្លងមកថា “ហេង វិឆ័យ សិស្សរបស់លោកនេះ មិនធម្មតាឡើយ គេទាត់ខ្លាំងណាស់ គូប្រកួតល្មមៗមិនអាចទប់ទម្ងន់ជើង របស់គេបានទេ” ។ ទោះជាបែបណា វិឆ័យ ជួបពុទ្ធ ហ៊ុច លើកនេះមិនធានា ថាអាចឈ្នះ ពុទ្ធ ហ៊ុច បាននោះទេ ព្រោះបើតាមការកត់សំគាល់ពីស្នៀត ប្រដាល់និងល្បិចកលប្រកួតនោះ ហេង វិឆ័យ មិនអាចប្រៀបជាមួយ ពុទ្ធ ហ៊ុច បានឡើយ ។ ដូច្នេះរង់ចាំមើលលទ្ធផល រវាងអ្នកទាំង២ជួបគ្នា តើអ្នកណាជាអ្នកឈ្នះនោះ ?
អ្នកប្រដាល់វ័យ២០ឆ្នាំ ពុទ្ធ ហ៊ុច បាននិយាយថា “ខ្ញុំផ្អាកការប្រកួតជាង ១ខែដោយសារខ្ញុំវាយធ្លាក់ ហេតុនេះការ វិលមកវិញលើកនេះមិនដឹងថាយ៉ាងណានោះឡើយ ព្រោះថា ហេង វិឆ័យ ជាកីឡាករខ្លាំង” ។ “ឥឡូនេះខ្ញុំកំពុង បង្កើនការហ្វឹកហាត់យ៉ាងពេញទំហឹង ហើយស្នៀតជើង និងកណ្ដាប់ដៃរបស់ខ្ញុំ វាយចេញបានល្អទាំងអស់ ហេតុនេះ បើទោះបីខ្ញុំមិនដែលស្គាល់ ហេង វិឆ័យ ក៏ដោយ ក៏ខ្ញុំហ៊ានធានាអះអាងថាមិន អាចមានករណីភ្លាត់ស្នៀតបណ្ដាលឱ្យខ្ញុំសន្លប់កណ្ដាលទីនោះទេ ។ ឆ្លងតាមការ ខិតខំហ្វឹកហាត់ រួមទាំងបច្ចេកទេស ប្រកួតដែលខ្ញុំមានស្រាប់នោះ ខ្ញុំនៅតែ សង្ឃឹមឈ្នះ៦០ភាគរយ ។ ខ្ញុំអាចឈរ វាយបាន៥ទឹកពេញ បើសិនជាគ្មាន ករណីភ្លាត់ស្នៀតកើតឡើងនោះទេ” ។
លោក យឹម ឈឿន គ្រូបង្វឹក ពុទ្ធ ហ៊ុច បានប្រាប់ថា “ការហ្វឹកហាត់មិន ដិតដល់ធ្វើឱ្យ ពុទ្ធ ហ៊ុច ឃ្លាតឆ្ងាយពី សង្វៀនប្រដាល់ជាង១ខែ ប៉ុន្ដែ១០ថ្ងៃ កន្លងមកនេះឃើញគេមកហ្វឹកហាត់ បានជាប់លាប់ ។ ខ្ញុំមិនអាចវាយតម្លៃ ទុកមុនបានទេ ព្រោះ ហេង វិឆ័យ ជាកីឡាករល្អ រីឯយើងវិញខានប្រកួត យូរ ។ ប៉ុន្ដែខ្ញុំគិតថា វាជាការប្រកួត ដ៏ជក់ចិត្ដមួយ ដ្បិតអី ពុទ្ធ ហ៊ុច ក៏មាន ស្នៀតទប់ និងវាយបកមួយកំផ្លេដែរ ហើយខ្ញុំជឿថាគេអាចឈរវាយបាន៥ទឹកពេញដោយគ្មានបញ្ហាអ្វីឡើយ” ៕
.jpg)
