Khmer
English
Chinese
Frence
Vietnamese
Thai
CELLCARD ផ្ដល់ភាពប្លែកភ្នែកដល់អ្នកធ្វើដំណើរតាមដងផ្លូវក្នុងក្រុងភ្នំពេញ
ដោយ ៖ ថ្ងៃទី 31 តុលា 2012ម៉ោង 10:08:29
ស្ប៉តពាណិជ្ជកម្មរបស់ក្រុមហ៊ុន Cellcard ដែលបង្ហាញអំពីសម្រស់ធម្មជាតិរបស់ប្រទេសកម្ពុជា កំពុងផ្ដល់នូវភាពប្លែកភ្នែក និងការបន្ធូរអារម្មណ៍ដល់អ្នកធ្វើដំណើរឈប់ក្នុងពេលការកកស្ទះចរាចរណ៍ នៅលើមហាវិថីព្រះមុនីវង្ស នៅរាជធានីភ្នំពេញ។
ស្ប៉តពាណិជ្ជកម្មដែលបង្ហាញរូបទេសភាពដែលកម្របានឃើញនៅក្នុងប្រទេសកម្ពុជា កំពុងត្រូវបានបញ្ចាំងនៅលើផ្ទាំងអេក្រង់ខ្នាតធំនៅតាមមហាវិថីព្រះមុនីវង្ស ។ ស្ប៉តពាណិជ្ជកម្មនេះ បានទាក់ទាញចំណាប់អារម្មណ៍របស់អ្នកធ្វើដំណើរ ខណៈដែលពួកគេរង់ចាំក្នុងពេលភ្លើងសញ្ញាចរាចរណ៍ពណ៌ក្រហម នៅលើមហាវិថីដ៏មមាញឹកមួយនៅក្នុងរាជធានីភ្នំពេញ ។
ផ្ទាំងអេក្រង់ខ្នាតធំដែលបង្ហាញស្ពតពាណិជ្ជកម្មនេះ មានទីតាំងស្ថិតនៅចំណុចប្រសព្វដ៏សំខាន់មួយនៅលើមហាវិថីព្រះមុនីវង្ស នៅលើអគារសណ្ឋាគារឋានសួគ៌ ឬគេស្គាល់ថា អូតែល ស។ ស្ប៉តពាណិជ្ជកម្ម មានរយៈពេល ៦០វិនាទី និងចាក់ផ្សាយ៣០ដងក្នុងមួយថ្ងៃ នៅចន្លោះម៉ោង ៦ព្រឹក ដល់ម៉ោង៩យប់។
លោក ផាឡានី ភើរៀការូបផេន ប្រធានផ្នែកទីផ្សារក្រុមហ៊ុន Cellcard មានប្រសាសន៍ថា "យើងមិនបញ្ចាំងគ្រប់ស្ប៉តពាណិជ្ជកម្មរបស់យើងទាំងអស់នោះទេ ប៉ុន្តែស្ប៉តពាណិជ្ជកម្មជាក់លាក់មួយនេះ បង្ហាញនូវទេសភាពល្អណាស់ ទើបយើងគិតថា យើងគួរតែបញ្ចាំងឲ្យមនុស្សម្នាបានឃើញបន្ថែមពីលើការបញ្ចាំងតាមកញ្ចក់ទូរទស្សន៍ ។ យើងមានមោទនភាពចំពោះស្ប៉តពាណិជ្ជកម្មនេះខ្លាំងណាស់ ពីព្រោះវាបង្ហាញនូវសម្រស់ធម្មជាតិដ៏ល្អត្រកាលរបស់ប្រទេសកម្ពុជា ។ ហើយក្នុងនាមជាក្រុមហ៊ុនខ្មែរ យើងក៏មានមោទនភាពចំពោះប្រទេសរបស់យើងដែរ ។ យើងជឿជាក់ថា ប្រជាជនខ្មែរគ្រប់រូបក៏គួរតែមានមោទនភាពចំពោះប្រទេសរបស់ខ្លួនផងដែរ"។
ស្ប៉តពាណិជ្ជកម្មដែលបានចាប់ផ្ដើមបញ្ចាំងនៅលើមហាវិថីព្រះមុនីវង្ស កាលពីថ្ងៃពុធ ទី២៤ តុលាកន្លងទៅនេះ ត្រូវបានផលិតឡើងដោយក្រុមថតខ្សែភាពយន្តបារាំង ដែលបានធ្វើដំណើរមកកាន់ប្រទេសកម្ពុជាកាលពីពេលថ្មីៗកន្លងទៅ ដើម្បីថតខ្សែភាពយន្តភាគជាភាសាបារាំង ដែលមានចំណងជើងថា “Survivor”។ ពួកគេប្រើកាមេរ៉ាដែលផ្ដិតរូបភាពច្បាស់ល្អ និងថតពីលើអាកាស ដើម្បីថតយករូបភាពដែលក្រុមហ៊ុន Cellcard អះអាងថា “មានគុណភាពនិងទេសភាពល្អបំផុត”។
លោក ភើរៀការូបផេន បន្ថែមថា “ខ្ញុំយល់ឃើញថា ស្ប៉តនេះបង្ហាញប្រទេសកម្ពុជាក្នុងលក្ខណៈជាវិជ្ជមានបំផុតតាមដែលអាចធ្វើទៅបាន។ ហើយទោះបីជាស្ពតនេះមានរូបជាទេសភាពក្ដី ក៏វាបង្កប់នូវសារផ្សព្វផ្សាយពាណិជ្ជកម្មដ៏សំខាន់ផងដែរ គឺបង្ហាញអំពីវិសាលភាពនៃសេវាគ្របដណ្ដប់របស់ក្រុមហ៊ុនទូរស័ព្ទចល័ត Cellcard ដែលទៅដល់ស្ទើរតែគ្រប់ទីកន្លែងនៅក្នុងប្រទេសកម្ពុជា”។
ក្រុមហ៊ុន Cellcard បានផ្ដល់មធ្យោបាយគមនាគមន៍ សម្រាប់ការថតខ្សែភាពយន្តចាក់ផ្សាយតាមទូរទស្សន៍ ឈ្មោះថា Koh Lanta ជាភាសាបារាំង ដែលចម្លងពីខ្សែភាពយន្តមានចំណងជើងថា Survivor ។ ការផលិតភាពយន្តនេះបានធ្វើឡើងនៅលើកោះរុងនៃដែនសមុទ្រខេត្តព្រះសីហនុ។ កម្មវិធីនេះត្រូវបានចាក់ផ្សាយរួចហើយនៅប្រទេសបារាំង ហើយគេជឿថា មានទស្សនិកជនរាប់លាននាក់ដែលបានទស្សនា។
Cellcard គឺជាបណ្ដាញទូរគមនាគមន៍ឈានមុខគេរបស់ប្រទេសកម្ពុជា ដែលបានបង្កើតឡើងនៅក្នុងឆ្នាំ១៩៩៦ ។ Cellcard បានផ្ដល់សេវាទូរស័ព្ទចល័តដល់ប្រជាជនកម្ពុជាជាច្រើនលាននាក់ ក្នុងរយៈពេលមួយទសវត្សរ៍កន្លះកន្លងទៅនេះ ។ បច្ចុប្បន្ន ក្រុមហ៊ុនមានបុគ្គលិកជាង ៦០០នាក់ នៅទីកន្លែងជាច្រើនទូទាំងប្រទេស និងមានអតិថិជនជិត ៣លាននាក់ ព្រមទាំងបណ្ដាញទូរស័ព្ទចល័តគ្របដណ្ដប់ទាំង ២៤ខេត្តក្រុង។ នៅក្នុងទីផ្សារទូរគមនាគមន៍ដែលផ្លាស់ប្ដូរឥតឈប់ឈរ Cellcard នៅតែប្ដេជ្ញាចិត្តបម្រើប្រទេសកម្ពុជា និងប្រជាជនកម្ពុជាជានិច្ច ៕
.jpg)
