Khmer
English
Chinese
Frence
Vietnamese
Thai
តើភពផែនដីនឹងគ្មានពន្លឺព្រះអាទិត្យរយៈពេល៣ថ្ងៃនៅចុងខែធ្នូ២០១២?
ដោយ ៖ ម៉ែវ សាធី ថ្ងៃទី 10 វិច្ឆកា 2012ម៉ោង 14:05:21
នៅពេលនេះ ពលរដ្ឋនៅជុំវិញពិភព លោកកំពុងតែចាប់អារម្មណ៍ខ្វាយខ្វល់ទៅ នឹងព័ត៌មានដែលបានផ្សព្វផ្សាយថា និង មានអព្ភូតហេតុដ៏អស្ចារ្យកើតឡើងនៅ លើចក្រវាឡយើងនេះ មិនធ្លាប់មានពី មុនមក គឺគ្មានពន្លឺព្រះអាទិត្យ រយៈពេល ៣ថ្ងៃ ចាប់ពីថ្ងៃទី២៣-២៥ ខែធ្នូ ឆ្នាំ ២០១២ ។
ក្រុមអ្នកវិទ្យាសាស្ដ្រមកពីអង្គការ ណាហ្សាបានព្យាករណ៍ថា ព្រះអាទិត្យនិង ភពផែនដីធ្វើដំណើរគោចរស្របគ្នា ហើយ ពេលនោះ ភពផែនដីគ្មានពន្លឺព្រះអាទិត្យ ជះមកនោះឡើយ។ ក្រុមអ្នកវិទ្យាសាស្ដ្រ បញ្ជាក់ទៀតថា ខណៈដែលឈានដល់ការ បាំងបាត់រស្មីព្រះអាទិត្យ គឺភពផែនដីបាន ចាប់ផ្ដើមរំកិលចេញពីទីតាំងតារាវិថីទី៣ នាពេលបច្ចុប្បន្នទៅរកទីតាំងសូន្យ បន្ទាប់ ពីរំកិលទៅរកទីតាំងតារាវិថីទី៤ ដែល មិនមែនជាទីបញ្ចប់របស់ភពផែនដី ។
ទាំងនោះគ្រាន់តែជាការព្យាករណ៍ ប៉ុណ្ណោះ វាមិនប្រាកដថា នឹងអាចកើត ឡើងនៅលើភពផែនដីនោះឡើយ ។ កន្លង មកមានការជជែកគ្នាជាច្រើនស្ដីអំពីអព្ភូត ហេតុធម្មជាតិ ដែលកើតឡើងនៅចុង ឆ្នាំ២០១២ ។ អ្នកដែលមានអប៉ីជំនឿខ្លះ ក៏បានជឿនូវរឿងនេះ ខ្លះទៀតក៏មិនជឿ ដោយគ្រាន់តែជាពាក្យចចាមអារាមប៉ុណ្ណោះ ។
កន្លងមកមានព័ត៌មានជាច្រើនផ្សព្វ ផ្សាយថា នៅថ្ងៃទី២១ ខែធ្នូ ឆ្នាំ២០១២ ជាថ្ងៃអវសាននៃភពផែនដី ឬហៅថា ឆេះកាល ។ នៅថ្ងៃនោះ ព្រះអាទិត្យនឹង ធ្វើដំណើរពីទិសខាងត្បូងឆ្ពោះទៅកាន់ទិស ខាងជើង ប៉ុន្ដែការពិតព្រះអាទិត្យមិន គោចរទៅទិសខាងជើងនោះឡើយ ដោយ សារតែតំបន់ភាគខាងត្បូងភពផែនដីផ្អៀងទៅកាន់ព្រះអាទិត្យ ។
តាមឯកសារស្រាវជ្រាវនៃការប្រែ ប្រួលភពផែនដីតាំងពី៤ពាន់ឆ្នាំរបស់ជន ជាតិមេយ៉ា បានព្យាករណ៍ថា នៅថ្ងៃទី២១ ខែធ្នូ ឆ្នាំ២០១២ ជាថ្ងៃដែលចំណុចរៀប ស្មើនៃភពព្រះអាទិត្យនិងភពផែនដីប្រសព្វ គ្នានៅ៨ចំណុចបង្កឱ្យមានការប្រែប្រួល ប៉ះទង្គិចយ៉ាងខ្លាំងដល់ភពព្រះអាទិត្យ ឬ ផែនដី ។ ការប្រែប្រួលនោះ នឹងធ្វើឱ្យ មនុស្សជាតិជាច្រើនបាត់បង់ជីវិតគ្រប់ រូបភាពផ្សេងៗ ឬគេហៅថា ថ្ងៃអវសាន ផែនដី ។
ភពផែនដីមិនមែនជាទីកន្លែងស្ងប់ ស្ងាត់សុខសាន្ដដូចជាយើងធ្លាប់គិតនោះ ឡើយ ។ មនុស្សយើងរស់នៅលើស្រទាប់ ផែនដីជាវត្ថុដែលចលនាវិលគោចរគ្រប់ ពេលវេលា ប៉ុន្ដែដោយសារទំហំផែនដីធំ ទើបយើងមិនដឹងពីការធ្វើចលនានោះ ។ វត្ថុដែលចលនាតែងតែមានការប្រែប្រួល ប៉ះទង្គិចដែលយើងមិនអាចដឹងជាមុន នោះឡើយ ។
ចំពោះព័ត៌មានដែលថា ភពផែនដី ងងឹតអស់រយៈពេល៣ថ្ងៃនោះ កំពុងក្លាយ ទៅជាប្រធានបទក្ដៅក្នុងការពិភាក្សានៅ គ្រប់ទិសទី ហើយពេលនេះគេកំពុងតែរង់ ចាំមើលថាតើវានឹងកើតឡើងពិតដែរឬទេ? ៕
.jpg)
