Khmer
English
Chinese
Frence
Vietnamese
Thai
កម្ពុជានឹងធ្វើម្ចាស់ផ្ទះសន្និសីទស្ត្រី និងកីឡាអាស៊ីនៅចុងឆ្នាំ២០១៣
ដោយ ៖ យឺន ពន្លឺ ថ្ងៃទី 13 វិច្ឆកា 2012ម៉ោង 08:57:41
អគ្គលេខាធិការគណៈកម្មាធិការជាតិកម្ពុជា លោក វ៉ាត់ ចំរើន ដែលចូលរួមក្នុងសន្និបាទទី៣១ នៅម៉ាកាវជា មួយលោកប្រធានអូឡាំពិកកម្ពុជា គឺលោកថោង ខុន នោះបានឲ្យដឹងថា ក្រុមប្រឹក្សាកីឡាអាស៊ីផ្ដល់សិទ្ធិឲ្យកម្ពុជាធ្វើជាម្ចាស់ផ្ទះសម្រាប់សន្និសីទស្ត្រី និងកីឡាអាស៊ី ដែលនឹងធ្វើនៅចុងឆ្នាំ ២០១៣ ។ ព្រឹត្តិការណ៍សន្និសីទនេះ កម្ពុជាគ្រោងនឹងរៀបចំនៅខេត្តសៀមរាប ដើម្បីបង្អួតពីតំបន់ទេសចរណ៍នេះដល់ភ្ញៀវ ដែលចូលរួម ។
ក្រៅពីនេះគេក៏ប្រគល់សិទ្ធិឲ្យកម្ពុជាទទួលរៀបចំទិវាអូឡាំពិក អាស៊ីតាមតំបន់ដែលប្រទេសជាសមាជិកទាំងអស់គេនឹងមកចូលរួមរត់ដើម្បី អបអរសាទរ និង លើកស្ទួយចលនាអូឡាំពិកអាស៊ីទី១០០ឆ្នាំ ។ ព្រឹត្តិការណ៍នេះក៏នឹងធ្វើនៅឆ្នាំ ២០១៣ដែរ ។ លោកបញ្ជាក់ថា ព្រឹត្តិការណ៍នេះប្រសិនបើធ្វើនៅភូមិភាគឦសានល្អណាស់ តែទីនោះយើងគ្មានសណ្ឋាគារសម្រាប់ទទួលពួកគេ ។ ហេតុនេះយើងប្រហែលជារៀបចំនៅភ្នំពេញតែម្ដង ។
លោកបន្តថា មហាសន្និបាតក៏បានបោះឆ្នោតជូនទីក្រុងហាណូយ ប្រទេសវៀតណាម ធ្វើជាម្ចាស់ផ្ទះរៀបចំកីឡាអាស៊ីលើកទី១៨នៅឆ្នាំ២០១៩ ខណ:ទីក្រុងស៊ូរ៉ាបាយ៉ា (ប្រទេសឥណ្ឌូណេស៊ី) ធ្វើជាម្ចាស់ផ្ទះរៀបចំកីឡាអូឡាំពិកយុវជនទ្វីបអាស៊ី ។ សូមបញ្ជាក់ថា ក្នុងការជ្រើសរើសទីក្រុងសម្រាប់រៀបចំកីឡាអាស៊ីលើកទី១៨ មាន ទីក្រុងចំនួន៣បានដាក់ជាបេក្ខភាព ដូចជាទីក្រុងហាណូយ(វៀតណាម) ទីក្រុងស៊ូរ៉ាបៃយ៉ា និង ទីក្រុង ឌុយបៃ (ប្រទេស អារ៉ាប់រួមអេមីរ៉ាត) តែក្រោយមកទីក្រុងឌុយបៃបានដកខ្លួនចេញ សល់តែពីរគឺហាណូយ និងស៊ូ រ៉ាបៃយ៉ាប៉ុណ្ណោះ។ លទ្ឋផលចុងក្រោយបានទៅ ទីក្រុងហាណូយ ជាអ្នកករៀបចំនៅឆ្នាំ២០១៩ ។
កត្តាគួរឲ្យកត់សម្គាល់មួយទៀតផងដែរ គឺសម្រាប់លើកនេះ វៀតណាម បានអះអាង ដល់ប្រទេសជាសមាជិក OCA ថា វៀតណាមនឹងមិនយកថ្លៃចុះឈ្មោះសម្រាប់ការចូលរួម ប្រកួតកីឡាអាស៊ីលើកទី១៨ឡើយទាំងមន្ត្រីកីឡា និងអត្តពលិក ដែលតាមធម្មតាម្ចាស់ផ្ទះតែងតែទាមទារឲ្យអ្នកចូលរួមបង់ថ្លៃជានិច្ច។
គួបញ្ជាក់ផងដែរថា នេះជាលើកទី១ហើយ ដែលកម្ពុជាទទួលសិទ្ធិធ្វើជាម្ចាស់ផ្ទះរៀបចំកម្មវិធី សន្និសិទស្ត្រីនឹង កីឡា នេះ ហើយនេះក៍ជាកម្មវិធីមួយដែលអាចទាក់ទាញភៀវទេសចរបរទេសនឹងសមាជិក OCA ទាំង៤៥ប្រទេសបានស្គាល់ប្រទេសកម្ពុជាកាន់តែច្រើនថែមទៀតនៅឆ្នាំក្រោយនោះ ៕
.jpg)
.jpg)
